Skessuhorn - 02.02.2022, Blaðsíða 6

MIÐVIKUDAGUR 2. FEBRÚAR 20226
Á röngum tíma í
göngunum
HVALFJ.SVEIT: Seinni part
síðasta miðvikudags var hringt
í Neyðarlínuna og tilkynnt um
ökumann á hjólagröfu í Hval­
fjarðargöngunum. Ökumað­
ur var stöðvaður á Akrafjall­
vegi og rætt var við hann því
vinnuvélar mega aðeins fara
á ákveðnum tíma sólarhrings
í gegnum göngin. Þá vantaði
skráningarmerki á vinnuvél­
ina en komnar eru nýjar regl­
ur þar sem eigendur vinnuvéla
eiga að setja skráningarmerki
á tækin en það hefur ekki þurft
hingað til. -vaks
Ekki sáttur við
grímuskylduna
BORGARNES: Hringt var
í Neyðarlínuna seinni part
fimmtudags af starfsmanni úr
verslun Nettó út af viðskipta­
vini sem virti ekki grímu­
skyldu og var sá ekki sáttur
með sóttvarnareglur. Honum
var kynnt ef hann ætlaði að
versla þá þyrfti hann að bera
grímu og á hann von á kæru
og sekt vegna athæfisins vegna
brots á sóttvarnalögum. Þá
sýndi hann ógnandi hegðun
að sögn starfsmanna. -vaks
Missti stjórn á
bílnum
HVALFJ.SV: Hringt var í
Neyðarlínuna á laugardags­
kvöldið og tilkynnt um um­
ferðaróhapp á Vesturlandsvegi
á móts við Ölver. Snjór og
krapi var á veginum þegar
kerra aftan í bíl byrjaði að
skrika og sveiflast til á veg­
inum með þeim afleiðing­
um að ökumaðurinn missti
stjórn á bílnum. Endaði hann
á vegriði og varð tjón á því og
einnig á bíl og kerru. Farþegi
í bílnum kenndi sér eymsla
í baki og fór viðkomandi á
Heilsugæslustöðina í Borg­
arnesi til skoðunar. Dráttar­
bíll kom á staðinn og fjarlægði
bílinn af vettvangi en hann var
óökuhæfur eftir áreksturinn.
-vaks
Könnuðu
kannabislykt
AKRANES: Tilkynnt var
um kannabislykt á stigagangi
í fjölbýlishúsi síðasta sunnu­
dag og fór lögregla á staðinn
og bankaði upp á. Íbúar viður­
kenndu kannabisneyslu og
þá fannst efni í poka í íbúð­
inni sem verður rannsakað.
Húsráðendur mega eiga von
á kæru fyrir vörslu fíkniefna
og þá var barnaverndarnefnd
kölluð til vegna þess að börn
voru á heimilinu. -vaks
Strætó bilaði
HVALFJ.SV: Loka þurfti
Vesturlandsvegi við Fiskilæk
stutta stund síðasta miðviku­
dag þegar strætó á leið norð­
ur bilaði. Ekki var hægt að fá
viðgerðarmann fyrr en daginn
eftir og því þurfti að koma
strætónum fyrir við útskot svo
ekki stafaði hætta af honum.
-vaks
Vatnsveitustyrk-
ir fyrir lögbýli
LANDIÐ: Matvælastofnun
opnar fyrir umsóknir um styrki
vegna vatnsveitna á lögbýlum
1. febrúar. Það er í samræmi
við reglugerð um framlög úr
Jöfnunarsjóði sveitarfélaga til
vatnsveitna á lögbýlum, nr.
180/2016. Umsókn um styrk
til vatnsveituframkvæmda er
í þjónustugátt MAST sem er
aðgengileg á heimasíðu Mat­
vælastofnunar. Umsóknar­
frestur er til og með 28. febrú­
ar nk. Stuðningur fyrir hverja
framkvæmd getur að hámarki
numið 44% af stofnkostn­
aði við vatnsveitu til heimil­
is­ og búsþarfa, þ.e. kostnað­
ar við vatnsupptöku, þar með
talin borun eftir vatni og dæl­
ur, vatnsgeyma og leiðslu frá
vatnsbóli að bæjarvegg. Enn
fremur telst til stofnkostnað­
ar þóknun fyrir úttekt á fram­
kvæmdinni. „Vakin er athygli
á því að þeir umsækjendur
sem áttu samþykkta umsókn
á sl. ári en luku ekki fram­
kvæmdum þurfa að sækja um
aftur,“ segir í tilkynningu.
-mm/ Ljósm. Verkís
Skotið á skilti
BORGARHR: Á sunnu­
daginn var tilkynnt um að
skotið hafi verið sex skotum
með 243 kal. riffli, að sögn
kunnugra, í gegnum skilti
í bústaðabyggð við Galtar­
holt. Ekki er vitað hver var
að verki en skiltið sneri í átt
að þjóðvegi eitt og er hand­
ónýtt. Mikill snjór var þenn­
an dag og ekki hægt að finna
kúlur eða skothylki á vett­
vangi. Á skiltinu stóð „skot­
veiði bönnuð“ og því líklegt
að viðkomandi hafi ekki ver­
ið alls sáttur við bannið. Málið
er grafalvarlegt, að sögn lög­
reglu, og er í rannsókn.
-vaks
Í nýjustu dagbókarfærslu sveitar­
stjóra Borgarbyggðar, Þórdísar
Sifjar Sigurðardóttur, er farið yfir
helstu mál sem eru á dagskrá hjá
sveitarfélaginu í upphafi árs. Þar
kemur meðal annars fram yfirfær­
sla Borgarbrautar í Borgarnesi frá
Vegagerðinni til sveitarfélagsins.
Um er að ræða vegarkaflann frá
gatnamótunum, á móts við Vega­
gerðina og niður að Egilsgötu.
Vegalög voru sett á Alþingi árið
2007 þar sem ákveðið var að rúm­
lega 70 kílómetrar þjóðvega í þétt­
býli falla ekki lengur undir þjóð­
vegakerfið og urðu sveitarfélaga­
vegir. Frá og með síðustu áramót­
um tók Borgarbyggð við veghaldi,
viðhaldi og þjónustu við veginn
og mun nú sveitarfélagið alfarið
sjá til dæmis um snjómokstur sem
fram til þessa hefur verið í um­
sjón Vegagerðarinnar. Hins vegar
er Vegagerðinni skylt að skila
veginum í góðu ásigkomulagi til
sveitarfélagsins og verður því ráð­
ist í miklar endurbætur á Borgar­
brautinni af Vegagerðinni, Veit­
um og Borgarbyggð á þessu ári.
„Miklar endurbætur verða gerðar
á þessum kafla Borgarbrautarinn­
ar, frá undirlagi og lögnum að yfir­
borði og gangstéttum að hluta, en
áætlað er að framkvæmdinni ljúki
fyrir árslok 2022,“ segir Þórdís Sif
sveitarstjóri í samtali við Skessu­
horn.
Borgarbraut 14 fær
nýtt hlutverk
Önnur verkefni framundan hjá
Borgarbyggð eru meðal annars
að undirrita kaupsamning vegna
sölu Borgarbyggðar á Borgarbraut
14, sem er fyrrum ráðhús bæjarins
og þar áður hús Sparisjóðs Mýra­
sýslu. Í byrjun síðasta árs fluttist
meirihluti starfsemi ráðhússins úr
húsinu og að Bjarnarbraut 8 þegar
ástandsskoðun á fasteigninni hafði
leitt í ljós að mikill rakavandi væri
til staðar. Ljóst var að endurbæt­
ur og lagfæringar á því yrðu mjög
kostnaðarsamar og var því ákveðið
að fjárfesta í nýju húsnæði fyrir
ráðhús. Sveitarfélagið festi kaup
á húsi Arion banka við Digranes­
götu síðasta sumar og fékk það
formlega afhent í byrjun septem­
ber. Áætlað er að breyta Borgar­
braut 14 í íbúðarhúsnæði en hús­
ið er 1.053 fermetrar að stærð.
Auk þess hefur samningur vegna
lóðarinnar Borgarbrautar 55 ver­
ið undirritaður og hefjast fram­
kvæmdir þar í vor. Byggt verður á
lóðinni fjölbýlishús sem verður allt
að þrjár hæðir. glh
Gatnamótin í Borgarnesi við Þjóðveg 1. Borgarbyggð hefur nú tekið yfir umsjón götunnar sem er ekki lengur þjóðvegur í
þéttbýli.
Borgarbraut komin í
umsjón Borgarbyggðar