Skessuhorn - 02.03.2022, Side 25

MIÐVIKUDAGUR 2. MARS 2022 25
Það var líf og fjör í Kallabakaríi
á Akranesi á áttunda tímanum á
mánudaginn þegar blaðamaður
Skessuhorns leit þar við í byrjun
bolludags. Framleiðsla á allskyns
bollum var í fullum gangi í baka­
rí inu og þegar komin biðröð af
viðskiptavinum frammi í búð. Allt
gekk þetta þó ljúft fyrir sig. Fyrstu
bakarar mættu til vinnu klukkan
tvö um nóttina og svo kom ann­
ar hópur að auki klukkan fimm.
Bakari sem blaðamaður ræddi
við sagði að planið fyrir daginn
hafi verið að baka um átta þúsund
bollur, en það jafngildir ríflega
einni bollu á hvern íbúa í bæjar­
félaginu. Vatnsdeigsbollurnar eru
langvinsælastar, en með fyllingu
og hjúp í allskyns bragðtegund­
um. Sú hefðbundna, með rjóma
og sultu og skreytt glassúr, er þó
enn sú vinsælasta. mm
Vinnsla og frysting loðnuhrogna
hófst hjá Brimi hf. á Akranesi á
mánudagsmorgun en vinna átti
hrognin úr farmi sem Venus NK
fékk á Breiðafirði og landaði um
helgina. Unnið verður allan sólar­
hringinn á tólf tíma vöktum alla
jafnan og áætlað að vertíðin standi
yfir í tvær til þrjár vikur. Hópur
undir stjórn Arnars Eysteinssonar,
bónda í Saurbæ í Dölum, er mættur
til starfa í hrognavinnslunni og í
hópnum er fólk úr Dölunum, Akra­
nesi og víðar úr landshlutanum.
Alls er búið að landa í landinu
yfir 400 þúsund tonnum á vertíð­
inni, samkvæmt vef Fiskistofu, en
kvótinn telur alls 662 tonn. Hrogn
verða einnig fryst í fiskiðjuverum
á Eskifirði, Fáskrúðsfirði, Horna­
firði, Neskaupstað, Vestmannaeyj­
um, Vopnafirði og Þórshöfn.
Blaðamaður Skessuhorns fékk að
kíkja inn fyrir í loðnuvinnsluna hjá
Brim hf. á Akranesi í gær með góð­
fúslegu leyfi verkstjórans Gunnars
Hermannssonar og smellti af
nokkrum myndum.
vaks
Venus NS kom með loðnufarm
á sunnudagskvöldið á Akranes
og hafði þar áður verið á ferðinni
tveimur dögum áður. Aflinn fékkst
í nót á Breiðafirði og því var sigl­
ingin stutt. Þessi afli úr Venusi var
sá fyrsti sem unnin er í hrogna­
frystingu og hófst hún næsta dag.
Samkvæmt Marine Traffic voru
loðnuskipin eftir helgina á svæðinu
frá Vestmannaeyjum og til Breiða­
fjarðar. mm
Hrognavinnsla hafin á Akranesi
Gera ríflega eina bollu á hvern íbúa
Svanur RE kom drekkhlaðinn til löndunar á mánudagskvöldið. Ljósm. GSV.
Loðnuskipin landa
nú hvert af öðru
Venus að bakka að bryggju á sunnudagskvöldið.
Ljósm. Guðmundur St Valdimarsson.
Dæling að hefjast úr Venusi.
Tvö loðnuveiðiskip voru í höfn á Akranesi síðastliðinn föstudag. Þegar myndin
var tekin var verið að dæla úr Venusi NS 100, en Guðrún Þorkelsdóttir frá Eskifirði
beið átekta. Ljósm. ki.