Lögmannablaðið - 2022, Qupperneq 9

LÖGMANNABLAÐIÐ TBL 01/22 9
starfandi lögmanna lækkað úr 22% í 21%. Hlutfall kvenna
sem starfa sem innanhússlögmenn helst hins vegar óbreytt
milli ára og er 28% og 2% kvenna eru hættar störfum.
Af þeim 329 konum sem í dag hafa virk málflutningsréttindi
eru 266 með réttindi til málflutnings fyrir héraðsdómstólum
og 16 auk þess með réttindi til málflutnings
fyrir Landsrétti. Þá hafa 46 konur aflað sér
réttinda til málflutnings fyrir Hæstarétti. Loks
starfar 1 kona hér á landi á grundvelli erlendra
málflutningsréttinda.
Karlar í lögmannastétt
Alls eru 729 karlar í félaginu. Þar af eru 434
þeirra sjálfstætt starfandi eða 60% en voru
61% árið 2021. Þá starfa 104 eða 14% sem
fulltrúar sjálfstætt starfandi lögmanna sem er
örlítið hærra hlutfall en á árinu 2021 þegar
það var 12%. Fjöldi karla sem starfa sem
innanhússlögmenn er 146 eða sem svarar
til 20%, sem er sama hlutfall og á síðasta
ári. Af innanhússlögmönnum starfa 104 hjá
fyrirtækjum eða félagasamtökum og 38 hjá
ríki eða sveitarfélögum. Þá eru 47 karlkyns
lögmanna hættir störfum sökum aldurs eða
veikinda, eða 6%, en var 7% á síðasta ári.
Af þeim 729 körlum sem í dag hafa virk
málflutningsréttindi eru 432 með réttindi til
málflutnings fyrir héraðsdómstólum og 45
auk þess með réttindi til málflutnings fyrir
Landsrétti. Þá hefur 251 karl aflað sér réttinda
til málflutnings fyrir Hæstarétti. Ennfremur
starfar 1 karl hér á landi á grundvelli erlendra
málflutningsréttinda.
Aldursamsetning lögmanna
Af 1058 lögmönnum eru 614 yngri en 50
ára eða 58% en til samanburðar var hlutfall
þessa aldurshóps 60,5% á síðasta ári og 65,5%
árið 2016. Lögmannastéttin er því enn að
eldast. Breytingarnar eru þó mismiklar eftir
kynjum. Þannig eru tiltölulega litlar breytingar
merkjanlegar hjá körlum, en hlutfall þeirra
sem eru undir 50 ára er nú 54% borið saman
við 55,3% á síðasta ári. Hins vegar hefur
hlutfall kvenna á sama aldursbili lækkað úr
72,3% í 66,9%.
Sé núverandi aldurdreifing félagsmanna skoðuð kemur í
ljós að hlutfallslega flestir lögmenn eru á aldrinum 40 – 49
ára eða 30%. Hlutfall lögmanna á aldrinum 30-39 ára kemur
þar á eftir með 26% og því næst lögmenn á aldursbilinu
50-59 ára með 11,4%.