Sjómannablaðið Víkingur - 01.01.2011, Blaðsíða 23

Sjómannablaðið Víkingur – 23
að menn gætu lifað þar af veiðum og það sannaðist svo um
munaði fyrsta árið þegar inúítarnir veiddu alls 12 náhvali,
7-800 seli, 60 rostunga, 115 ísbirni og 71 ref og tryggði það
íbúunum lífsviðurværi og þorpið hélt áfram að byggjast upp og
Norðmenn náðu aldrei neinum völdum. Í dag eru íbúar um 500
talsins.
Áhöfnin þáði góð ráð frá heimamönnum áður en lagt var af
stað í siglinguna inn fjörðinn og ævintýrið var rétt að byrja. Þá
var áhöfninni fært læri af sauðnauti að gjöf sem grillað var í
kvöldmatinn. Kjötið bragðaðist ljómandi vel og vakti mikla
lukku hjá hópnum að fá mat úr héraði.

Áleiðis inn Scoresbysund
Hluti af áhöfninni flaug til Grænlands og kom um borð á Con-
stable Pynt og eftir að áhöfnin var full skipuð var haldið áfram
áleiðis inn fjörðinn. Alls voru 19 manns um borð af fimm þjóð-
ernum og ekki leið á löngu þar til áhöfnin var orðin eins og ein
stór fjölskylda. Yngsti áhafnarmeðlimurinn var 15 ára og sá
elsti rétt um áttrætt.
Siglingaleiðin lá í kringum Milne land sem er gríðarstór eyja
í Scoresbysundi og jafnframt þriðja stærsta eyja Grænlands.
Í kringum hana liggja   þrír firðir; Fönfjörður, Rödefjörður og
Öfjörður sem er þeirra fallegastur að hinum ólöstuðum. 
Veðrið lék við áhöfn Hildar á meðan siglingunni stóð og
náttúran var bæði stórbrotin og hrikaleg í senn. Granít er
ríkjandi bergtegund á svæðinu og landslagið einkennist af til-
komumiklum fjallstoppum sem oft á tíðum báru hvítar jökul-
hettur og skriðjöklum sem sjá sjónum fyrir ísjökum, þarna
voru þeir í þúsunda tali hver öðrum stórfenglegri. Ólíkir að
HDS 10/20-4 M
30-200 bör
500-1000 ltr/klst
HDS 8/17-4 M
30-170 bör
400-800 ltr/klst
HDS 5/11 U/UX
110 bör
450 ltr/klst
1x230 volt
Gufudælur
Aflmiklir vinnuþjarkar
Skeifan 3E-F · Sími 581-2333 · Fax 568-0215 · www.rafver.is
K Ä R C H E R S Ö L U M E N N
F A G M E N N S K A A L L A L E I Ð
Sjósund norðan við 71. breiddargráðu.
Skonnortan Hildur er einstakt fley með sögu, smíðuð af ást
og alúð í skipasmíðastöð Gunnlaugs og Trausta á Akureyri
árið 1974. Til þess að byrja með var hún hefðbundin
fiskibátur sem þjónaði eigendum sínum við erfiðar
aðstæður í rúma þrjá áratugi.
Haustið 2009 var Hildi, þá sem sjúskuðum vélbát siglt
út til Egernsunds á suður Jótlandi þar sem hún var tekin í
slipp hjá Christian Jonsson & co. Þeir dönsku og þýsku
skipasmiðir er þar vinna eru einir þeir færustu á sínu
sviði,  enda séð um allt viðhald og vinnu við hið þekkta
heimsskautafar Dagmar Aaen sem er í eigu rithöfundarins
og siglingakappans Arved Fuchs. Í júní 2010 var Hildur
klár til heimferðar og þá sem skonnorta. Sigldi hún seglum
þöndum upp með Jótlandi í átt til Skagen.  Í góðum byr
náði hún allt að 9,5 mílna hraða eða heldur meira en 400
hestafla Caterpillarvél hafði áður komið bátnum. Siglingin
heim tók rúma viku og hlaut reiðinn eldskírn sína í óveðri
austur af Hjaltlandseyjum en skipið stóð sig með mestu
prýði og sigldi stolt undir fullum seglum, (250 fermetrum)
inn til Húsavíkur 16. júlí þar sem hinir 5 bátar Norður-
siglingar fylgdu henni síðasta spölinn.
Hildur
Hildur er 18 metra löng (heildarlengd, þ.e. með bugspjóti og
davíðum 26 metrar) og 36 brúttólestir. Breidd 4,8 metrar.  Segl: 
Stórsegl, stórtoppur, skonnortusegl, skonnortutoppur, fokka, klífir
og jager.  Samtals 250 fermetrar. Allt að 18 manns geta hreiðrað um
sig í fimm klefum neðanþilja.