Sjómannablaðið Víkingur - 01.01.2011, Blaðsíða 44

44 – Sjómannablaðið Víkingur
Ég er sannfærður um að þær netsíður sem ég fjalla um að
þessu sinni eiga eftir að hafa ofan af fyrir mörgum yfir
páskana og því geta lesendur blaðsins átt rólega páskahelgi
fyrir framan tölvuna.
Fyrsta síðan að þessu sinni heitir Maritime Connector. Fyrir
þá sem eru í atvinnuleit má finna þar laus störf á kaupskipum
um allan heim. Slóðin er www.maritime-connector.com. Þar má
fylla út ferilsskrá og koma sér á framfæri. Þá er mikið af fróð-
leik á síðunnni s.s. um ýmsar skipagerðir, um farmflutninga og
stærstu skip heims svo eitthvað sé nefnt. Þar er að finna afar
fróðleg myndbönd, jafnvel heill þáttur úr seríu Discovery sem
kallast Mighty Ship og er um stærsta gámaskip heims, Emmu
Mærsk. Enginn áhugamaður um kaupskip má missa af þeim
þætti.
Næsta síða á uppruna sinn í Hollandi, heitir Kotterspotter,
og er á slóðinni http://kotterspotter.jouwweb.nl. Á síðunni er að
finna miklar upplýsingar um strandveiðiflota Hollendinga raðað
eftir umdæmisnúmerum. Margar áhugaverðar myndir af skip-
agerðum sem við sjáum ekki hér á okkar fiskimiðum.
Sú síða sem ég hef tekið ástfóstri við af þeim sem ég fjalla
um að þessu sinni er síðan Shipwrecks á slóðinni http://log.
wrecks.net/. Eins og enska nafn síðunnar bendir á er hér um að
ræða síðu sem fjallar um sjóslys og óhöpp skipa. Síðan er ný og
hafa eigendur hennar komið upp flottri síðu sem ég veit að þú
lesandi góður átt eftir að kíkja á reglulega.
Ég rakst á skemmtilega sænska spjallsíðu þar sem áhuga-
menn setja inn upplýsingar – nú eð leita eftir þeim – á slóðinni
www.landgangen.se. Heiti síðunnar, Landgangurinn, á vel við
enda erum við að skyggnast um borð án þess að fara með skip-
unum.
Ég hef oft vísað á síður sjóminjasafna en næsta síða fjallar
um slíkt safn sem er um borð í flugmóðurskipinu Intrepid sem
liggur í New York höfn. Slóðin www.intrepidmuseum.org og þar
getum við fengið ýtarlegar upplýsingar um skipið og sögu þess.
Því til viðbótar hýsir skipið mikið safn flugvéla og líklegast er
merkilegasta flugvél þar á flugþilfarinu Concord þota. Skipið er
nýlega búið að fara í gegnum miklar endurbætur.
Næsta síða er nokkuð í mínum anda og fjallar um öryggis-
mál sem allir sjómenn eiga að vera stöðugt vakandi fyrir. Síðan
Safety4Sea sem hefur samnefnda slóð http://safety4sea.com er
mikil upplýsingamiðlun um öryggismál og þar er að finna mjög
öfluga fréttaveitu sem og áhugaverðar upplýsingar. Síðan vinnur
reyndar ekki til verðlauna hvað varðar myndskreytingar en það
kemur sannarlega ekki að sök.
Síðan The Old Salt Blog er síða fyrir þá sem elska sjóinn,
vilja fá sögur af sjónum, fyrir sjómenn, fyrir draumórafólk og
alla aðra sem vilja kíkja inn, segir á síðunni. Slóðin er www.old-
saltblog.com og eins og lýsingin hér að ofan bendir til er margt
sem hægt er að fræðast um á síðunni. Ég hef oft farið inn á
þessa síðu til að fá kjaftasögurnar á hreint eins og t.d. sögurnar
um þýska skólaskipið Groch Fock og hvað gerðist þar um borð.
Það eru aðeins tvö skip í heiminum sem enn bera titilinn
konunglegt póstskip. Annað þeirra St. Helena má finna á síð-
unni http://rms-st-helena.com en skipið er bæði í farþega- og
vöruflutningum um Suður-Atlantshaf. Eins
og nafn skipsins gefur til kynna þá siglir
það til eyjarinnar St. Helena, Ascension
eyja, til Cape Town, Tenerife og Wey-
mouth. Ferðalag sem örugglega yrði
ógleymanlegt.
Rússnesk síða er næst á dagskrá. Nafn
hennar er Russian River Ships og er slóðin
www.riverships.ru. Þessi síða er reyndar
ekki fullgerð en engu að síður er hægt að
skoða þar myndir af ýmsum fljótaskipum
sem aldrei munu kljúfa úthafsöldur.
Síðasta vefsíðan sem ég ætla að benda á
í þetta sinn er frá bresku skipablaði er
heitir Ships Monthly á slóðinni www.
shipsmonthly.com. Þar má lesa einstakar
greinar en þeir sem vilja meira geta gerst
áskrifendur að blaðinu sem ég get sannar-
lega mælt með enda áskrifandi til margra
ára.
Ég vil að lokum hvetja alla þá sem rek-
ast á skemmtilegar heimasíður sem
þeir telja að heilli lesendur blaðsins að
senda mér slóðina á netfangið
iceship@heimsnet.is.
Góða skemmtun.
eftir Hilmar Snorrason