Sjómannablaðið Víkingur - 01.03.2011, Blaðsíða 8

8 – Sjómannablaðið Víkingur
Á hverjum degi eru afurðir okkar á
ferð og flugi því út úr landinu
þurfa þær að fara til að afla tekna fyrir
þjóðarbúið. Fiskurinn fer bæði ferskur
og frystur mörgum sinnum í viku úr
höfnum innanlands á vit erlendra mark-
aða eða kaupenda. Skipin sem flytja
flesta þessa farma eru gámaskip sem
mörgum hverjum þykja ekki búa yfir
mikill fegurð og þá sérstaklega þegar
engir gámar eru um borð. En þessi skip
flytja margt fleira en bara fisk og fisk-
afurðir en hin „íslensku“ gámaskip sjá
um flutninga frá stóriðjum bæði í Hval-
firði og Reyðarfirði.
Í byrjun hverra viku streyma gáma-
skipin heim aftur með farma en þegar
líður á vikuna er haldið aftur á hafið
með nýja farma. Það eru tvö skipa Eim-
skipa og eitt skip Samskipa sem vikulega
sjást koma og fara en til viðbótar þá
bætist þriðja skip Eimskipa aðra hverja
viku í þessa flóru. Þrátt fyrir að skipin
séu komin í höfn þá er mikill erill á
þeim því meðal annars þarf að færa skip-
in milli hafna til að sækja nýja farma til
að koma þeim á markað.
Tvö stóriðjuver eru starfrækt á
Grundartanga en það eru Elkem Ísland,
áður Járnblendifélagið og álver Norðuráls
en þessar stóriðjur treysta á íslensk
skipafélög um flutninga á afurðum
sínum. Ársframleiðsla Elkem er um
120.000 tonn af kísiljárni og ryki á ári
en Norðurál framleiðir um 270.000 tonn
af áli árlega. Að meðaltali eru því um
7.500 tonn að meðaltali framleidd í
hverri viku hjá þessum tveimur
verksmiðjum sem flytja þarf utan. Skip
Samskipa annast hluta flutninga Elkem
en Eimskip Norðuráls og fara bæði
skipafélögin með farma sína til Evrópu-
hafna.
Ákvörðun tekin
Ég hafði oft horft á gámaskipin sigla út
Sundin á morgnanna þegar ég var á leið
til vinnu minnar í Reykjavíkurhöfn og
velt því fyrir mér hvort ekki væri til-
valið að skjótast eina slíka bunu með
einhverju þessa skipa. Þegar vinur minn
og sessunautur frá stýrimannaskólaár-
unum, Magnús Harðarson, varð skip-
stjóri á gámaskipinu Selfossi ákvað ég
loks að láta verða af því að fara eina slíka
Hilmar Snorrason
Morgunferð gámaskips
Magnús Harðarson skipstjóri tekur Selfoss frá Kleppsbakka í Sundahöfn.
Það eru 11 ár síðan íslenski fáninn hvarf af húni á skipum Eimskipa og þessi tók við.