Sjómannablaðið Víkingur - 01.03.2011, Qupperneq 14

14 – Sjómannablaðið Víkingur
STREAMLINE
-nýtt fiskitroll frá Ísfelli ehf
Ísfell ehf. kynnir nýtt fiskitroll sem
nefnist STREAMLINE. Trollið er
þróað í samvinnu við Selstad AS í
Noregi, og hefur árangurinn verið
afar góður.
Helstu einkenni þessa nýja trolls
felast í breyttri hönnun og efnisnotkun.
Hönnunin miðar að góðri opnun og
sjótæmingu með lágmarks mótstöðu.
Meðferð afla verður betri vegna lítillar
ánetjunar. Trollið er einfalt í hönnun
sem auðveldar áhöfnum viðhald og
meðferð trollsins um borð í fiskiskipum.
Í trollið er notuð ný kynslóð af com-
pact Safír SNG trollneti frá Garware á
Indlandi. Netið er hannað með sérstakri
áherslu á aukið núningsþol og aukinn
slitstyrk. Eftir því sem slitstyrkur troll-
efnis eykst aukast möguleikar á því að
nota grennra efni og þar með að létta
trollið. Hingað til hefur núningsslit
verið takmarkandi þáttur við notkun
grennri og léttari efna í troll. Nú hefur
Garware tekið stórt skref í þá átt að sam-
ræma og endurbæta þessa þætti með
Safír SNG netinu.
Á trollið eru notuð ný tegund af 9,5
tommu trollkúlum frá Castro á Spáni
svokallaðar hydrodynamiskar kúlur
(golfkúlur) sem hafa minni togmótstöðu
og tryggja meiri stöðugleika á höfuðlínu
trollsins.
STREAMLINE troll í veiðarfæratanki.
Í dag skaltu vera með mér í Paradís
Svo sem frægt er orðið í sögubókum var
Jesú Kristur krossfestur og tveir illvirkjar
með honum. Á krossinum var frelsarinn
atyrtur af höfðingjunum. Annar ræninginn
tók undir lastmælin. Hinn iðraðist hins
vegar synda sinna og bað Jesú að minnast
sín „þegar þú kemur í konungsdýrð þína.“
Jesú svaraði og sagði: „Sannlega segi ég
þér: Í dag skaltu vera með mér í Paradís.“
Við þetta er það að athuga að eftir
dauða sinn steig frelsarinn niður til heljar
og reis ekki upp aftur fyrr en á þriðja degi
og kom enn síðar í konungsdýrð sína á
himnum.
ÓTRÚLEGT EN SATT!