Vasakver : með almanaki fyrir árin 1939-1943 - 01.01.1939, Blaðsíða 78
74
í skugga af öðrum jurtum. Verður því að slá snemma til að
auka hann. Alsikusmári er sænsk smárategund, þroskameiri en
hvítsmári. Hann vex bezt í nokkuð rökum jarðvegi. Umfeðmingur
er hin bezta fóðurjurt sem vex hér á landi. Hann vex bezt í
myldnum jarðvegi.
Af þeim fóðurjurtum, sem nú hafa verið taldar, eru búnar til
grasfræsblandanir. Þær eiga að vera samsettar eftir jarðvegs-
og vaxtarskilyrðum. Vér ráðum til að nota eftirfarandi gras-
fræsblöndu. Hún er miðuð við garðland, í kg.
Jarðvegur:
Holt og harðvelli Þurr mýrajarðvegur
Háliðagras 0,5 1,5
Vallarfoxgras 1,5 1
Sveifgras 0,5 0,5
Vingull 0,5
Fóðurfax 0,5
Língresi 0,5
Hvítsmári 0,5
Alsikusmári 0,5
Umfeðmingur 0,3
Samtals 4,3 4
Menn geta keypt einstakar tegundir og blandað fræinu sjálfir.
í græðisléttur, sem gerðar eru á túnum, er gott að sá um 2 kg.
af vallarfoxgrasi.
HEYSKAPUR.
Allar jurtir.eru næringarríkastar á sínu fyrsta þroskaskeiði.
Þessvegna er bezt að slá snemma, þá fæst næringarríkara og
betra hey. Öll heyvinnuáhöld þurfa að vera vel úr garði gerð,
orf og hrífur er nú farið að nota úr aluminium; þau þykja betri
en þau áhöld, sem áður hafa tíðkazt. Sláttu-, rakstrar- og
snúningsvélar, svo og hey-ýta og góð flutningatæki (vagnar)
geraTíeyvinnuna sem leik hjá því sem áður var og afköstin verða
margföld. Allir bændur þurfa að stefna að því, að geta hagnýtt
sér þessi verkfæri, annaðhvort í félagsskap eða sem einstaklingar.
BEIT.
Til þess að búfé þroskist vel á sumarhögum og gefi afurðir,
þarf það að hafa góða sumarhaga. Beztir sumarhagar eru á
valllendi eða þar sem er kvistur. Mýragróður er oftast lélegt
beitiland. Mýrum má hinsvegar breyta í valllendi með því að
ræsa þær. Gróðurinn má auka á beitilandi með framræslu og