Skessuhorn - 19.10.2022, Page 4
MIÐVIKUDAGUR 19. OKTÓBER 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnlaug Birta Þorgrímsdóttir gb@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Siggi Sigbjörnsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Hver var
þessi Viðar?
Einn dimmasti tími ársins fer nú í hönd og við drögum fram kertin og
skreppum til sólarlanda. Svo hellist vonin yfir okkur um að 22. desember
renni bráðlega upp og sólin komi aftur. Í Grundarfirði er endurkomu
hennar fagnað sérstaklega og það er víðar gert þar sem fjöll ná að byrgja sól
ákveðinn tíma vetrar. Margir þjást af skammdegisþunglyndi á þessum tíma,
þó rannsóknir sýni reyndar að Íslendingar þoli þetta betur en ýmsar þjóðir
sem búa á svipað norðlægum slóðum. Tilgátan er sú að þar sem við höfum
búið tiltölulega einangruð í um þúsund ár við erfiðar aðstæður sé hugsan-
legt að þeir sem erfðu tilhneigingu til skammdegisþunglyndis hafi átt erfið-
ara með að lifa af. Þannig gæti hafa átt sér stað einhvers konar náttúruval
og aukið þol við skammdegi valist úr.
Hvað sem þessu líður þá er það staðreynd að dagsbirta hefur gríðarleg
áhrif á fólk. Fyrir nokkru birtu verkfræðingarnir Ásta Logadóttir og Sölvi
Kristjánsson grein í Stundinni þar sem þau minntu á réttinn til dags-
birtu og sólarljóss í byggingareglugerð og skipulagi. Þau telja að skoða
þurfi hvað hindri aðkomu dagsbirtunnar; háar byggingar, fjarlægð milli
húsa, staðsetning svala og fleira. Benda þau á að kröfur í reglugerðum
og skipulagsmálum hinna Norðurlandanna tryggi rétt fólks til dagsbirtu
betur en gert er á Íslandi. Við íbúðakaupendur segja þau svo þetta: „ Dags-
ljós í íbúðinni hefur ekki einungis áhrif á upplifun ykkar í íbúðinni, heldur
hefur dagsljósið einnig áhrif á heilsu ykkar. Svo ekki sé talað um rafmagns-
sparnaðinn sem hlýst af því að sleppa að nota raflýsingu helming ársins.
Verum meðvituð. Ekki kaupa köttinn í sekknum!“
Fleiri sérfræðingar hafa bent á mikilvægi dagsbirtu í hönnun og skipulagi.
Ekki síst þarf að hafa í huga að sólar njóti þar sem fólk dvelur hvað mest í
húsum sínum, þ.e. í stofu og eldhúsi. Sama gildir um göngugötur. Alltof
mörg mistök hafa verið gerð er þetta varðar og má sem dæmi nefna Hafnar-
torg í Reykjavík þar sem fólk vill ekki vera vegna hárra bygginga sem varna
sólarljósinu. Svæðið verður gráleitt og dimmt og fólk vill vera sólarmegin.
Í Grundarfirði sést ekki til sólar frá byrjun nóvember og þar til langt er
liðið á janúar. Að sumrinu er sólsetrið hins vegar víðfrægt og ljósmyndarar
kappkosta að mynda þá upplifun. í íslensku er til aldagamalt orðalag um
sólarlagið og sagt er að sólin gangi (eða hnígi) til viðar. Einhver kann að
spyrja: hver var þessi Viðar? En orðið er jú skrifað með litlum staf og á við
um skóginn sem var hér við landnám, þangað hvarf sólin að kvöldi.
Bíðum þolinmóð, það er ekki svo langt í vetrarsólhvörf. Þá snýr norðurpóll
jarðar hvað lengst frá sólinni og dagurinn er stystur. En svo fer að birta.
Guðrún Jónsdóttir
Enginn háls- nef og eyrnalæknir
hefur sinnt þjónustu á Heil-
brigðisstofnun Vesturlands síðan
í ágúst en þá fór læknirinn sem
sinnti því starfi í veikindaleyfi.
Um tímabundið ástand er að ræða
en ekki hefur tíðkast hjá stofn-
uninni að ráða inn afleysingu í
slíkum tilfellum. Fólki sem liggur
á að komast að hjá slíkum sér-
lækni er bent á að leita annað, t.d.
á einkastofur í Reykjavík, en víðast
hvar er langur biðtími. Þetta segir
Jóhanna Fjóla Jóhannesdóttir, for-
stjóri HVE, í samtali við Skessu-
horn. Einungis hefur verið einn
háls-nef og eyrnalæknir á HVE
um árabil, með starfsstöð á Akra-
nesi, en hann hefur sinnt þjón-
ustu á flestum starfsstöðvum stofn-
unarinnar með reglulegum heim-
sóknum þangað. Aðspurð segir
Jóhanna Fjóla að þótt biðtími eftir
tíma hjá háls-nef og eyrnalæknum
sé langur hafi HVE hingað til ekki
séð ástæðu til þess að ráða í annað
stöðugildi.
gbþ
Tveir fulltrúar frá Skíðasvæði Snæ-
fellsness fóru á dögunum í ferð
til Þýskalands til að skoða snjó-
troðara fyrir svæðið. Mikil þörf er
á að eiga slíkt tæki þegar snjórinn
kemur loksins enda gjörbreytir það
aðstæðum í fjallinu að geta troðið
brautir fyrir skíðaiðkendur. Síð-
ustu misseri hefur verið treyst á
snjótroðara í annara eigu en nú er
svo komið að sá troðari var seldur
úr bæjarfélaginu og því ekki hægt
að treysta á það. Þeir Guðmundur
Pálsson og Hjalti Allan Sverris-
son lögðu því land undir fót og
héldu til Þýskalands þar sem þeir
fundu slíkt tæki til kaups. Strax
var hafin söfnun hjá félaginu til
að fjármagna kaupin og náðist
að greiða inn á nýjan snjótroðara
og staðfesta kaupin. Stjórn Guð-
mundar Runólfssonar hf ákvað á
dögunum að færa Skíðasvæði Snæ-
fellsness 3.600.000 krónur í styrk
upp í kaupin en gjöfin er til minn-
ingar um Ingibjörgu S. Kristjáns-
dóttur en í ár eru eitt hundrað ár
frá fæðingu hennar. Enn vantar
þó fjármagn til að klára kaupin
og er félagið því að biðla til vel-
unnara að leggja hönd á plóg því
margt smátt gerir eitt stórt. Hægt
er að leggja inn á reikning númer
0321-13-110106 undir kennitölu
6301892689 ef menn vilja styrkja
þessa miklu búbót fyrir skíða-
svæðið.
tfk
Eykt ehf. hefur lýst yfir vilja til að
taka að sér verk er varðar undir-
búning að uppbyggingu Íþrótta-
miðstöðvar í Búðardal. Björn
Bjarki Þorsteinsson, sveitarstjóri
Dalabyggðar, og Páll Daníel Sig-
urðsson framkvæmdastjóri Eyktar
undirrituðu viljayfirlýsingu þess
efnis föstudaginn 14. október.
Þetta kemur fram í tilkynningu á
vef Dalabyggðar.
Í vor fór fram alútboð á verkinu
og hefur Eykt lýst yfir vilja til að
taka það að sér á grunni þess, en
þó þurfi að skoða ákveðin atriði
betur er lúti m.a. að hönnun- og
kostnaðar þáttum áður en til verk-
samnings kemur.
Markmið viljayfirlýsingarinnar
er að gera verksamning um verkið
á grunni alútboðsins frá því í vor en
engin viðbrögð fengust við því þá.
Samkomulagið sem undir-
ritað var síðasta föstudag felur
í sér að Eykt taki að sér frekari
rýni á hönnunar- og kostnaðar-
þáttum verksins og taki sér tíma í
það fram til 30. desember n.k. Þá
verður tíminn fram að áramótum
einnig nýttur í viðræður um verk-
samning og segir í tilkynningu frá
Dalabyggð að sveitarfélagið vonist
til að sú vinna leiði til þess að fram-
kvæmdir við íþróttamiðstöðina geti
hafist snemma á næsta ári, 2023.
gbþ
Viljayfirlýsing um íþróttamiðstöð
í Búðardal undirrituð
Fyrirhuguð íþróttamiðstöð í Búðardal. Grafík. dalir.is
Björn Bjarki Þorsteinsson og Páll
Daníel Sigurðsson handsala hér
viljayfirlýsinguna.
Engin háls nef og eyrna
læknaþjónusta hjá HVE sem stendur
Heilbrigðisstofnun Vesturlands á
Akranesi. Ljósm. gj
Nýr snjótroðari á leið
til Grundarfjarðar
Hjalti Allan Sverrisson situr undir stýri
á umræddum snjótroðara í Þýskalandi.
Beltin og plógurinn af troðaranum. Mynd frá Skíðasvæði Snæfellsness sem
tekin var í febrúar síðastliðnum.
Skíðaráð Snæfellsness veitir veglegum styrk frá Guðmundi Runólfssyni hf viðtöku
í glæsilegu anddyri fyrirtækisins.