Skessuhorn - 19.10.2022, Qupperneq 7

MIÐVIKUDAGUR 19. OKTÓBER 2022 7
Lönd Akraneskaupstaðar og Hval-
fjarðarsveitar liggja saman þar sem
mörk voru áður við Innri-Akranes-
hrepp. Fyrir nokkrum mánuðum
var jörðin Akrakot auglýst til
sölu, en hún er staðsett Hval-
fjarðarsveitar megin, nokkuð innan
við markalínuna milli sveitarfé-
laganna. Nú hefur Akraneskaup-
staður fest kaup á jörðinni og óskað
eftir samkomulagi við Hvalfjarðar-
sveit um færslu sveitarfélagamark-
anna, svo og viðræðum um kaup
eða makaskipti á landi í eigu Hval-
fjarðarsveitar.
Samningurinn um kaupin á
Akrakoti er með ákveðnum fyrir-
vörum m.a. um að samþykki
Hvalfjarðarsveitar fáist fyrir
því að sveitarfélagamörk á milli
Akraneskaupstaðar og Hval-
fjarðarsveitar verði breytt með
þeim hætti að land jarðarinnar falli
innan sveitarfélagamarka Akraness
þ.e. allt landsvæði ofan við býlin
Ásfell og Fögrubrekku.
Akraneskaupstaður sendir tvö
erindi á fimmtudag til Hval-
fjarðarsveitar, annars vegar er þess
góðfúslega farið á leit við sveitarfé-
lagið að það taki upp viðræður við
Akraneskaupstað um breytingu á
sveitarfélagamörkum. Hins vegar
er beiðni um viðræður um kaup eða
makaskipti á landi af Hvalfjarðar-
sveit til tengingar inn á hið selda
landssvæði.
Ef áætlanir Akraneskaupstaðar
ganga upp er fyrirhuguð íbúabyggð
á landinu. Yrðu það sérbýli, þ.e.
einbýlishús og par-/raðhús, þ.e.
lágreist byggð 1-3 hæðir. Kaupin
eru ætluð til að tryggja um 40%
hlutfall sérbýla í bæjarfélaginu.
Með þessu vill bæjarstjórn tryggja
framþróun Akraness til langs tíma
í góðri sátt við Hvalfjarðarsveit. Í
tilkynningu segir að í þessu felist
tækifæri til áframhaldandi góðs
samstarfs sveitarfélaganna sem og
hagræði fyrir bæði sveitarfélögin til
hagsbóta fyrir íbúa, m.a. með veg-
tengingum o.fl. Ef fallist verður á
sölu eða makaskipti munu sveitar-
félagamörk breytast til samræmis.‘‘
Eftir að málið var kynnt fulltrúum
Hvalfjarðarsveitar hefur sveitarfé-
lagið óskað eftir formlegu erindi og
boðið til framhaldsfundar þar sem
Akraneskaupstað er gefið tækifæri
til að kynna erindi sitt nánar.
Sævar Freyr Þráinsson bæjarstóri
á Akranesi segir sveitarfélögin tvö
hafa átt í góðu samstarfi á ýmsum
sviðum gegnum tíðina. „Akranes og
Hvalfjarðarsveit hafa um árabil átt í
góðu samstarfi um rekstur slökkvi-
liðs, tónlistarskóla, byggðasafns,
hjúkrunarheimilis og þróunarfélags
á Grundartanga. Okkur hefur tek-
ist að finna sameiginlegar lausnir til
að bæði sveitarfélög dafni í nábýli
við hvort annað. Dæmi um það er
að við styðjum við mikilvæga þróun
atvinnusvæðisins á Grundartanga
og eru á annað hundrað íþrótta-
iðkenda úr Hvalfjarðarsveit að nýta
þau íþróttamannvirki sem hér eru.
Nýverið náðum við að leysa samb-
ærilegt mál er við færðum sveitar-
félagamörk um 100 hektara lands
norðanvert við Berjadalsá, en þar
fyrirhugar Akranes uppbyggingu á
atvinnustarfsemi.“
Hann tekur einnig fram að ríkis-
stjórnin vinni að því af kappi að
tryggja stöðugleika á húsnæðis-
markaði þar sem framboðsskortur
hefur verið ríkjandi og húsnæðis-
verð hefur hækkað hratt. „Ég er
sannfærður um að bæði sveitar-
félög ætli að leggja sitt af mörkum
í að mæta markmiðum ríkis um 35
þúsund íbúða fjölgun á næstu 10
árum. Akranes er með töluverðan
fjölda lóða fyrir fjölbýlishús sem
eru að koma inn á næstu misserum
t.d. á Sementsreit, Dalbrautarreit
og á þéttingarreitum og er þessu
nýja landi ætlað að vera mótvægi og
mæta þörf fyrir uppbyggingu sér-
býla. Staðsetning þess hentar svo
einstaklega vel fyrir slíka byggð
og er líkleg til að geta mætt okkar
þörfum næsta áratuginn og jafnvel
áratugina.“ segir Sævar.
Skessuhorn hafði einnig samband
við Lindu Björk Pálsdóttur sveitar-
stjóra Hvalfjarðarsveitar út af mál-
inu. „Hvalfjarðarsveit hefur mót-
tekið erindi Akraneskaupstaðar og
munu þau í kjölfarið fara í formlega
málsmeðferð hjá sveitarfélaginu,“
segir Linda. „Þau verða lögð
fram á næsta sveitarstjórnarfundi
þann 26. október nk. og væntan-
lega vísað áfram til umfjöllunar
í nefndum, bæði mannvirkja- og
framkvæmdanefnd auk umhverfis-,
skipulags-, náttúruverndar- og
landbúnaðarnefnd. Fulltrúum
Akraneskaupstaðar hefur nú þegar
verið boðið á fund þann 25. október
nk., með fulltrúum sveitarstjórnar
Hvalfjarðarsveitar og beggja nefnd-
anna, til þess að kynna erindi sín
nánar áður en þau verða tekin til
málsmeðferðar og afgreiðslu hjá
Hvalfjarðarsveit.“
Mál sem þetta hafa áður komið
inn á borð sveitarfélaga í grennd við
ört vaxandi byggð. Má þar nefna
erindi Árborgar til Flóahrepps fyrir
nokkru, þar sem þess var farið á leit
að eignarlönd þess austan við Sel-
foss féllu undir Árborg. Samþykkt
var með öllum atkvæðum sveitar-
stjórnar Flóahrepps að segja nei við
erindinu svo og erindi Árborgar um
tilfærslu sveitarfélagamarka. Jafn-
framt tók sveitarstjórn Flóahrepps
fram að hún teldi samstarf sveitar-
félagana hafa verið gott á undan-
förnum árum og vonaðist til að
svo yrði áfram. Þessu til viðbótar
mætti nefna deilur Hveragerðis-
bæjar og Ölfuss, þar sem síðar-
nefnda sveitarfélagið neitaði til-
færslu sveitarfélagamarka og ákvað
að hækka kostnaðarþáttöku Ölfuss
í sameigin legum verkefnum. Hafa
ber þó í huga að aðstæður á Suður-
landi eru nokkuð annars eðlis því
ofangreind sveitarfélög hafa ekki átt
í viðlíka víðtæku samstarfi og Akra-
neskaupstaður og Hvalfjarðarsveit.
gj
Akraneskaupstaður óskar eftir að kaupa land af
Hvalfjarðarsveit — færsla sveitarfélagamarka

Sjammi ehf auglýsir eftir vönum smiðum og byggingarmönnum
til starfa sem fyrst.
Mjög góð verkefnastaða og spennandi verkefni framundan.
Umsóknir sendist á heimir@sjammi.is
Nánari upplýsingar veitir
Heimir Einarsson, sími 6918597
Akrakot, séð frá þjóðvegi niður að sjó.
Landið fyrir ofan Ásfell. Sjá má að byggðin á Akranesi sé alveg komin að mörkum sveitarfélaganna tveggja.
Land jarðarinnar Kross í Hvalfjarðarsveit er í mikilli uppbyggingu.
Skýringarmynd af vef Akraneskaup-
staðar. Óskað er eftir að færsla sveitar-
félagamarkanna nái einungis til hluta
þess lands sem keypt er og er rauðlitað
á myndinni auk bláa svæðisins sem er
aðkomusvæðið sem fyrirhugað er að
byggingalandinu, en ekki til svæðis
sem merkt er grænlitað.
Mörk Hvalfjarðarsveitar við Krosslandshverfið, um leið og ekið er út úr Akranesi
að sunnanverðu.