Heilbrigðisskýrslur - 06.12.1992, Blaðsíða 49

Flogaveiki og akstur
Sigurður Thorlacius, læknir.
Um það bil 5% íbúa þjóðarinnar er haldinn flogaveiki. Ef flogaveik manneskja er
einkennalaus í tvö ár getur hún fengið ökuskírteini. Umræða hefur þó verið um
hvort stytta ætti þetta tímabil í eitt ár en ekki hefur nein ákvörðun verið tekin um
slíkt. Líkur á að flogaveikissjúklingar lendi í umferðarslysum eru meiri en hjá
heilbrigðum ökumönnum en þó má benda á að líkur á því að virkir alkóhólistar
lendi í umferðarslysum eru langtum meiri en líkur á því að flogaveikir lendi í
umferðarslysum.
Karlar með flogaveiki eru í tvisvar sinni meiri hættu en aðrir karlar sem ökumenn.
Slysatíðni flogaveikra kvenna er einnig meiri en hjá öðrum konum sem aka
bifreið, en þó lægri en hjá báðum kynjum samanlagt. Dauðaslys eru ekki
algengari hjá flogaveikum en öðrum ökumönnum.
Sálræn viðbrögð eftir umferðarslys.
Sigmundur Sigfússon, yfirlæknir.
I erindi sínu talaði Sigmundur um nauðsyn þess að veita fólki stuðning eftir að
það hefur lent í alvarlegum slysum og orðið fyrir áföllum. Sem dæmi nefndi hann
að eftir slysið á norska olíuborpallinum Alexander Kjelland hefðu 17% þeirra
manna sem komust af úr slysinu átt við andleg vandamál að stríða.
Þess ber þó að gæta að það getur tekið mismunandi langan tíma fyrir þá sem lenda
í slysum og ættingja þeirra að ná sér eftir þau. Tíminn sem hefur tekið fyrir fók
að jafna sig er allt frá nokkrum dögum og upp í vikur, mánuði og jafnvel ár. Allt
er þetta þó persónubundið.
Hraður akstur.
Sturla Þórðarson.fulltrúi.
Niðurstöðum rannsókna umferðarlögreglunnar í Reykjavík leiða í ljós að of
hraður akstur er ein megin orsök innanbæjarumferðarslysa en umferðarforgangur
er ekki virtur í 35% slysatilfella.
Neyðarbíll á Reykjavíkursvæðinu.
Gríma Huld Blœngsdóttir, læknir.
Fyrsta hjálp, meðal annars borgara á slysstað, hjartahnoð og blástursaðferð eru
mikilvægust til þess að bjarga lífi. Neyðarbflar á Reykjavíkursvæðinu fara í 3.500
útköll á ári, þ.e. 10 á dag. 55% vegna veikinda og 26% vegna slysa
45