Heilbrigðisskýrslur - 06.12.1992, Blaðsíða 45

Orð og efndir frá landsfundum um slysavarnir á árunum 1983-
1990.
Orð og efndir úr tillögum sem varða umferð og hafa komið fram á landsfundum
um slysavamir allt frá árinu 1983-1990.
I. Landsskráning slysa:
Aðgerðir: í samvinnu við Slysadeild Borgarspítalans hefur
Landlæknisembættið unnið að því að koma upp landsskráningu allra slysa í
samvinnu við heilsugæslulækna. Góð skráning er nú á 15 stöðum á landinu
og nær hún til 70% íbúa landsins. Skráningin hefur m.a. orðið
heimamönnum hvati til verulega aukinna slysavarnaaðgerða í héraði.
Skráningin er bundin við skráningar á slysadeildum og
heilsugæslustöðvum. Könnun í Reykjavík leicLdi í Ijós að einungis um 3%
umferðarslysa, skráðra hjá lögreglu, er ekki skráð í slysaskrá Slysadeildar
Borgarspítalans.
II. Umferðarslys:
1. Tillögur um slysarannsóknanefnd hafa verið ítarlega ræddar.
Aðgerðir: í umferðarlögum sem samþykkt voru 1987 er dómsmálaráðherra
heimilt að skipa slíka nefnd. / tíð Ólafs Þ. Guðbjartssonar, þáverandi
dómsmálaráðherra, var slík nefnd stofnuð.
2. Tillaga um Slysaráð íslands.
Aðgerðir: Heilbrigðisráðherra óskaði eftir tillögum "nefndar um varnir gegn
slysum" og Landlæknis um skipan þess ráðs. Drög að tillögum voru send til
ráðherra. Guðmundur Bjarnason, samþykkti með bréfi að skipa Slysaráð
íslands 1991.
3. Tillögur um sektir við vannotkun bílbelta.
Aðgerðir: Árlega hafa Alþingi verið sendar tillögur þess efnis. Umferðarráð
vann einnig mjög að þessu máli. Alþingi samþykkti "sektir" við vannotkun
bílbelta íframsæti einkabifreiða 1987. Árangur þessara aðgerða er að um
50%fœkkun á alvarlegum heila- og mœnuslvsum varð á árunum 1987-1988
meðal þeirra er notuðu bílbelti. Sárum og brotum fækkaði einnig um 40-
60%. Fjölgun varð á hálstognunum en nær undantekningarlaust var um
minniháttar meiðsl að ræða. Greiðslur tryggingafélaga hafa hugsanlega
orðið til að hvetja fólk til þess að leita frekar en áður eftir bótum vegna
þessara slysa og m.a. þess vegna hafa skráðum hálstognunum fjölgað
nokkuð.
41