Heilbrigðisskýrslur - 06.12.1992, Blaðsíða 34

Eldhúsbúnaður og leirtau.
Eldhúshnífar valda mörg hundruð slysum á ári hverjum. Oft verða þessi slys við
skurð á frosnu kjöti eða fiski.
Matur og drykkur.
Flest slys verða vegna þess að fullorðið fólk missir heitan mat eða drykk yfir bam
sem situr í kjöltu þess. Bamið ætti alltaf að sitja í sér stól. Bein í mat valda oftast
slysum meðal eldra fólks og fatlaðra.
Efni til hreingerninga.
Fjöldi hættulegra erlendra efna em á markaði hér á landi en oft og tíðum fylgja
ekki leiðbeiningar á íslensku um notkun og hættur á umbúðunum eins og ákvæði
em um erlendis. Islensk efni eru jafnvel ekki merkt. Mörg þessara efna eru mjög
hættuleg og hafa valdið alvarlegum slysum. Þessum málum verður að kippa í lag.
Setja þæf í lög ákvæði um að innflytjendur og íslenskir framleiðendur beri ábyrgð
á merkingum. Svo viðist sem fjármagnskostnaður eftirlitsaðila valdi hér noickru
um. Nauðsynlegt er að í hverri íbúð sé efnaskápur sem börn geta ekki opnað, sbr.
teikningar af verkamannabústöðum frá 1978. Nú eru þessi efni oftast geymd í
ólæstum skáp undir vaski. Börn geta auðveldlega opnað flesta skápana og
forvitnilegt að vera þar að leik. Einfaldast er að hafa læsanlegan skáp undir
eldhúsvaskinum.
Húsgögn.
Flest slys verða vegna þess að fólk dettur úr rúmum eða af kollum (eldra fólk).
Kollar ættu ekki að vera til í húsum aldraðra.
Bólstrunarefni, teppi og rúmföt.
Ymis konar gerfiefni eru nú notuð í vaxandi mæli. Við bruna er hætt við
kolsýringseitrun og eru skráð fimm dánartilfelli vegna kolsýringseitrunar árið
1979 á Stór-Reykjavíkursvæðinu. Á sama tíma létust 8 í umferðarslysum á
svæðinu. Nauðsynlegt er að veita fólki frekari upplýsingar um hættur er stafa af
bruna gerfiefna.
Sóllampar.
Nokkuð er um brunatilfelli og jafnvel tímabundna blindu. Lampar þurfa að vera
útbúnir með úrverki.
Snyrtivörur.
Ymsar snyrtivörur ætti að geyma í lyfjaskáp.
Rafmagnstæki.
Slys eru fá. Sjónvarpstæki og ljósatæki eiga að vera vel einangruð. Öryggislokar
og innstungur eru nú í flestum íbúðum eftir að reglugerðarbreyting varð í þessu
efni. Heimilistækni eru nú með áföstum snúrum. Öryggislok fyrir eldri tegund
innstungna er til sölu.
Umbúðir.
Flest slys verða af völdum niðursuðudósa.
30