Heilbrigðisskýrslur - 06.12.1992, Blaðsíða 47

Aðgerðir: Fjölmiðlar hafa aukið mjög fræðslu um varnir gegn
umferðarslysum, m.a. að frumkvæði Fararheillar, Þjóðarátaksnefndar og
ekki síst Umferðarráðs.
12. Tillögur um verklega kennslu í akstri í efri bekkjum grunnskóla og
framhaldsskólum.
Aðgerðir: Almenn fræðsla hefur verið aukin og frekari tilraunir hafa verið
gerðar í tveimur skólum (Guðmundur Þorsteinsson, fulltrúi). Flest bendir til
þess að taka þurfi ökukennslu jafn föstum tökum og sundkennsla var tekin
áður fyrr og taka á verklega kennslu upp í skólum. Hlutfallslega bíður nú
trúlega svipaður fjöldi ungmenna tjón á lífi og heilsu vegna umferðarslysa
og vegna slysa á sjó og vötnum fyrir 40-50 árum síðan. Þó að yngri
ökumenn séu viðbragðsfljótari en þeir eldri, þá bregðast þeir eldri skjótar
við slysatilvikum á vegum úti en þeir yngri.
13. Tillögur um að fjölga hraðahindrunum "öldum" í íbúðarhverfum.
Aðgerðir: Umferðarnefndir víða um land og samtök íbúa hafa staðið fyrir
því að "öldum" hefur íjölgað mjög í íbúðarhverfum.
14. Tillögur um lækkun hámarkshraða í íbúðarhverfum og á vegum úti. Tillaga
um lækkun hámarkshraða í íbúðarhverfum niður í 35 km/klst kom fram árið
1983.
Aðgerðir: Þrátt fyrir óvéfengjanleg rök fyrir því að hraðinn sé einn
aðalslysavaldur eins og lesa má um í fjölda skýrslna frá Evrópulöndum
hækkaði Alþingi "hámarkshraða" á vegum úti. ísland hefur nú lögleitt hæsta
hámarkshraða á venjulegum vegum af Evrópulöndum. Brýnt er að
landsfundur skoði betur þetta mál.
15. Tillögur um stórbætta menntun ökukennara.
Aðgerðir: Meðal annars hefur Umferðarráð og Félag ökukennara tekið
mjög vel undir þessar tillögur. í umferðarlögum nr. 50/1987 hafa nokkrar
úrbætur náðst, en betur má ef duga skal. Nágrannaþjóðir gera mun meiri
kröfur en við í þessu efni.
16. Tillögur um æfingasvæði fyrir ökumenn.
Aðgerðir: Engar.
17. Tillögur um endurskoðun á umferðarmerkjum á vegum úti.
Aðgerðir: Vemlegt átak hefur verið gert í þessum efnum.
Sjá ennfremur "aðgerðir til þess að lækka tíðni heimaslysa bls 28-30.
43