Leikhúsmál - 01.12.1995, Blaðsíða 4

LEIKHÚSMÁL
Frá ritnefnd
Nefnd sú sem stendur að riti þessu var kosin á aðalfundi FlL síðastliðinn vetur.
Sjálfsagt var ætlast til þess að hún aðhefðist eitthvað og hér getur að líta afleið-
ingarnar. Leikhúsmál er sem kunnugt er nafn á tímariti sem Haraldur Björnsson
gaf út á sínum tíma. Hann hélt því úti einn síns liðs í 10 ár (1940-50). Þrettán
árum síðar var gerð tilraun til þess að endurvekja ritið í nýrri mynd. Að því stóðu fjórir
ungir menningarsinnar. Þeim entist ekki erindið sem skyldi og komu aðeins út fjögur
blöð. - Hvort þetta rit, sem nú birtist undir þessu nafni, á sér langa lífdaga eða skamma
leiðir reynslan í ljós. Það ræðst af undirtektum leikhúsfólks og áhuga. Stefnt er að því að
ritið komi út tvisvar á ári. Því er ætlað að vera vettvangur umræðu, skoðanaskipta, hug-
leiðinga um hvaðeina er leiklist varðar. -
LE
EFNI:
fslamk Uikliil
S.ðustu 10 ir
fslenzkir
19 4 0
L
Ritið gæti treyst einingu leikhúsfólks um
þau málefni sem því er nauðsyn að taka
höndum saman um en jafnframt veitt
tækifæri til þess að viðra ólíkar skoðanir.
Leikhúslíf hér á landi er vissuleg öflugt
og litríkt. Sá mikli fjöldi leikara sem út-
skrifast hefur undanfarin nítján ár úr
Leiklistarskóla íslands og úr erlendum
skólum hefur sett mark sitt á leikhúslífið.
Árlega birtast nýir leikhópar og setja upp
sýningar á ólíklegustu stöðum. Þetta er
ánægjuleg þróun og góð viðbót við það
starf sem unnið er hjá hinum grónu hús-
um. - Einn vill þó verða hængur á: pen-
ingar. Leikhópar hafa hingað til ekki haft
aðgang að gildum sjóðum. - Leikupp-
færslur verða því stundum áhætturekstur
þar sem fólk hættir í það minnsta vinnu
sinni og launum og neyðist jafnvel til að
greiða með sér. Það er ekki heillavænleg
þróun. - Samtök leikhúsfólks ættu að láta sér hugað um að flestir geti stundað list sína
fyrir bærileg laun. Treysta þarf fjárhagsstoðir gömlu leikhúsanna, sem víst eru ekki of
burðugar, og ennfremur að fá efldan stuðning við leikhópa. Um þetta þarf leikhúsfólk að
sameinast.
Ýmsar blikur eru vissulega á loffi í okk-
ar litla leikhúsheimi. Deilan við útvarpið
og afdrif útvarpsleikhússins veldur að
sjálfsögðu þungum áhyggjum. Einnig
hlýtur það að vera alvarlegt umhugsunar-
efni hversu lítið er unnið af íslensku efni,
svo sem leiknu efni, í íslensku sjónvarpi.
Þessi miðill hefur gífurleg áhrif, ekki síst á
börn og unglinga. - Það er synd að nota
hann ekki betur en raun ber vitni. Eða
hvenær heyrum við íslenskan skáldskap
framreiddan þar á áhrifaríkan hátt í leik-
formi, eða íslenskri tilveru og sögu lýst í
leiknum myndum? Slíkt er því miður
alltof fágætt.
f íslensku leiklistarfólki býr mikill kraft-
ur og sköpunargleði sem ráð væri að virkja
miklu betur.
Það er von ritnefndar að blaðið okkar,
Leikhúsmál, megi stuðla að því.
Efnisyfirlit
Tvö ný leikhús risin 3
Leikhússumarið mikla 4
Býr íslendingur í Berlín? 5
Leiklistarþing í gæslu
vopnaðra varða 8
Lærðu textann þinn! 9
Dansað á jaðrinum 13
Finnsk-íslenskir órar 15
Um Borgarleikhúsið 17
Munið þið ...? 19
Að vakna af svefni
blekkingarinnar 21
Nýtt samkomulag um
rekstur Borgarleikhúss 26
Sviðsstarf - starfssvið 27
Verkefnaskrá „stóru
leikhúsanna" 28
Er gamla gufan
að gufa upp? 31
Hugleiðingar um
útvarpsleikhús 32
Útvarpsleikhús -
in memoriam? 33
Gott að vita!
- Veit á gott! 34
Atvikssögur
úr leikhúsinu 36
Leikaraljóð 40
Mylsna o.fl.
LEIKHÚSMÁL
Útgefandi: Félag íslenskra leikara
Ritnefnd: Bríet Héðinsdóttir leikari,
Guðmundur Helgason dansari
og fón Hjartarson leikari
Útlit og umbrot, litgreining
og filmuvinnsla: Prenthönnun hf.
Prentun: Borgarprent hf.
Forsíðumynd: Herdís Þorvaldsdóttir
2