Morgunblaðið - 04.08.2022, Blaðsíða 57

ÍÞRÓTTIR 57
MORGUNBLAÐIÐ FIMMTUDAGUR 4. ÁGÚST 2022
Ljósmynd/Kristinn Steinn
Tvenna Portúgalinn Thiago Fernandes skorar fyrra markið sitt á Framvellinum í Úlfarsárdal í gærkvöldi.
FÓTBOLTINN
Jóhann Ingi Hafþórsson
johanningi@mbl.is
Ólafur Jóhannesson, þjálfari Vals,
fagnaði sigri á sínu gamla liði er Val-
ur vann 2:0-heimasigur á FH í Bestu
deild karla í fótbolta á Origo-vellinum
á Hlíðarenda í gærkvöldi. FH rak
Ólaf frá störfum um miðjan júní og
var hann ráðinn til Vals skömmu síð-
ar.
Guðmundur Andri Tryggvason sá
um að gera bæði mörk Vals og tvö-
faldaði hann markafjölda sinn í deild-
inni í sumar í leiðinni.
Ólafur virðist hafa rétt skútuna af á
Hlíðarenda, því Valur hefur náð í
fjögur stig í fyrstu tveimur leikjunum
eftir eitt stig í þremur leikjum þar á
undan.
Hins vegar gengur ekki neitt upp
hjá Eiði Smára Guðjohnsen, eft-
irmanni Ólafs hjá FH. Liðið hefur að-
eins náð í þrjú stig í sex leikjum undir
hans stjórn og enn ekki fagnað sigri.
FH er einu stigi frá fallsæti.
Portúgölsk tvenna
Tiago Fernandes skoraði bæði
mörk Fram í 2:2-jafntefli gegn
Stjörnunni. Mörk Portúgalans voru
afar hugguleg en nægðu þó ekki til
sigurs. Emil Atlason kom Stjörnunni
yfir snemma leiks og Guðmundur
Baldvin Nökkvason jafnaði á 84. mín-
útu.
Frömurum líður vel á nýja heima-
vellinum í Úlfarsárdal og hefur enn
ekki tapað leik. Einn sigur og tvö
jafntefli er uppskeran. Nýliðarnir eru
væntanlega ánægðari með stigið, þar
sem þeir léku án lykilmannanna Guð-
mundar Magnússonar og Brynjars
Gauta Guðjónssonar. Fram er í fínum
málum í áttunda sæti, átta stigum
fyrir ofan fallsæti.
Stjörnumenn eru orðnir jafn-
tefliskóngar deildarinnar. Þeir hafa
gert fimm slík í síðustu sjö leikjum og
aðeins unnið einn í deildinni frá 29.
maí. Fyrir vikið hafa Stjörnumenn
fyrir nokkru stimplað sig úr allri bar-
áttu um Íslandsmeistaratitilinn.
Vann gömlu lærisveinana
- Ólafur fagnaði sigri á FH - Guðmundur Andri gerði tvö - Framarar tapa ekki
í Úlfarsárdal - Stjörnumenn orðnir jafntefliskóngar - Portúgalinn skoraði tvö
Íslenska U18 ára landslið kvenna í
handbolta tryggði sér í gær sæti í
átta liða úrslitum heimsmeist-
aramótsins í Skopje í Norður-
Makedóníu. Ísland vann sannfær-
andi 28:17-sigur á Íran á meðan
Norður-Makedónía og Svíþjóð
skildu jöfn, 20:20. Lilja Ágústs-
dóttir var markahæst í íslenska lið-
inu með átta mörk, einu marki
meira en Tinna Sigurrós Trausta-
dóttir. Elín Klara Þorkelsdóttir
gerði fimm mörk. Íslenska liðið
leikur gegn heimakonum í Norður-
Makedóníu annað kvöld.
Ísland í átta liða
úrslit á HM
Ljósmynd/IHF
Markahæst Lilja Ágústsdóttir sæk-
ir að marki Írans á HM í gærkvöldi.
Íslenska kvennalandsliðið í körfu-
bolta leikur vináttulandsleiki við
Finnland og Svíþjóð í Tampere í
Finnlandi á næstu dögum. Fyrri
leikurinn gegn Finnlandi er annað
kvöld klukkan 18 og seinni leik-
urinn á laugardag gegn Svíþjóð
klukkan 16.30. Þrír nýliðar eru í
tólf manna hópi liðsins en þær Diljá
Ögn Lárusdóttir, Helena Rafnsdótt-
ir og Vilborg Jónsdóttir gætu leikið
sinn fyrsta landsleik. Þær tóku all-
ar þátt í B-deild Evrópumóts lands-
liða 20 ára og yngri í Skopje í Norð-
ur-Makedóníu.
Þrjár gætu leik-
ið fyrsta leikinn
Morgunblaðið/Kristinn Magnússon
Nýliði Vilborg Jónsdóttir gæti leik-
ið sinn fyrsta landsleik í Finnlandi.
Fram – Stjarnan 2:2
0:1 Emil Atlason 4.
1:1 Tiago Fernandes 7.
2:1 Tiago Fernandes 16.
2:2 Guðmundur Baldvin Nökkvason 84.
MM
Tiago Fernandes (Fram)
M
Þórir Guðjónsson (Fram)
Jesús Yenis (Fram)
Indriði Áki Þorláksson (Fram)
Már Ægisson (Fram)
Guðmdundur B. Nökkvason (Stjörn.)
Emil Atlason (Stjörnunni)
Óskar Örn Hauksson (Stjörnunni)
Ísak Andri Sigurgeirsson (Stjörnunni)
Daníel Laxdal (Stjörnunni)
Dómari: Pétur Guðmundsson – 8.
Áhorfendur: 960.
Valur – FH 2:0
1:0 Guðmundur Andri Tryggvason 42.
2:0 Guðmundur Andri Tryggvason 63.
MM
Frederik Schram (Val)
Guðmundur Andri Tryggvason (Val)
M
Patrick Pedersen (Val)
Jesper Julesgard (Val)
Aron Jóhannsson (Val)
Sigurður Egill Lárusson (Val)
Haukur Páll Sigurðsson (Val)
Kristinn Freyr Sigurðsson (FH)
Björn Daníel Sverrisson (FH)
Vuk Oskar Dimitrijevic (FH)
Dómari: Erlendur Eiríksson – 7.
Áhorfendur: 1029.
_ Liðsuppstillingar, gul spjöld, viðtöl og
greinar um leikina – sjá mbl.is/sport/
fotbolti.
_ Körfuknattleiksdeild Tindastóls
hefur framlengt samningi sínum við
króatíska leikmanninn Zoran Vrkic og
mun hann leika með liðinu á komandi
leiktíð. Vrkic kom til Tindastóls um
áramótin og lék vel með liðinu seinni
hluta síðasta tímabils. Tindastóll fór
alla leið í úrslit um Íslandsmeistaratit-
ilinn en tapaði að lokum fyrir Val í
oddaleik.
_ Danski landsliðsmarkvörðurinn
Kasper Schmeichel er genginn í raðir
franska knattspyrnufélagsins Nice frá
Leicester á Englandi. Hann lék með
Leicester í ellefu ár og varð Englands-
meistari með liðinu árið 2016 og bik-
armeistari á síðasta ári. Daninn lék
414 deildarleiki með Leicester. Þá á
hann 84 leiki að baki með danska A-
landsliðinu.
_ Fjölmargir enskir miðlar fjölluðu í
gær um að enska úrvalsdeildarfélagið
Chelsea hafi fest kaup á spænska bak-
verðinum Marc Cucurella frá Brighton
á 50 milljónir punda. Brighton sendi
hinsvegar frá sér tilkynningu í gær-
kvöldi og sagði fregnirnar ragnar. Cuc-
urella væri enn leikmaður liðsins.
_ Richard Sæþór Sigurðsson hefur
skrifað undir nýjan tveggja ára samn-
ing við handknattleiksdeild Selfoss.
Richard, sem er fyrirliði Selfyssinga,
er öflugur horna- og varnarmaður.
Hann skoraði 57 mörk í 22 leikjum
með Selfossi á síðustu leiktíð.
_ Enski knattspyrnumaðurinn Dom-
inic Calvert-Lewin verður frá keppni
næsta mánuðinn eða svo vegna hné-
meiðsla. Framherjinn, sem leikur með
Everton, varð fyrir meiðslunum á æf-
ingu. Félagið seldi Richarlison til Tott-
enham í sumar, Salomon Rondon er
að glíma við meiðsli og er því um mik-
ið áfall fyrir Everton að ræða.
_ Taílendingurinn Alex Albon hefur
framlengt samning sinn við Williams-
liðið í Formúlu 1. Ekki hefur verið gefið
fram hve lengi nýr samningur gildir, en
liðið sendi frá sér tilkynningu þess
efnis að um langtímasamning væri að
ræða. Hann var áður hjá Red Bull en
skipti yfir í Williams fyrir yfirstandandi
tímabil.
_ Axel Óskar Andrésson skoraði sitt
fyrsta mark fyrir sænska liðið Örebro í
gær er liðið mátti þola 1:2-tap fyrir
Brommapojkarna á útivelli í 1. deild-
inni. Valgeir Valgeirsson kom inn á
sem varamaður á 84. mínútu og lék
sinn fyrsta leik fyrir liðið.
_ Sænski varnarmaðurinn Oliver Ek-
roth hefur framlengt samning sinn við
knattspyrnudeild Víkings í Reykjavík.
Ekroth mun því áfram leika með Ís-
lands- og bikarmeisturunum á næsta
tímabili.
Ekroth, sem kom til Víkings fyrir tíma-
bilið, hefur komið við sögu í 13 af 14
leikjum Vík-
ings í Bestu
deildinni til
þessa og
skorað í þeim
eitt mark. Þá
hefur hann
leikið vel í Evr-
ópkeppnum með
Fossvogsliðinu.
Víkingur er í öðru
sæti Bestu
deildarinnar,
níu stigum á
eftir toppliði
Breiðabliks.
Eitt
ogannað
Íslenska karlalandsliðið í körfubolta skipað leik-
mönnum 18 ára og yngri vann sannfærandi 88:52-
sigur á Úkraínu í lokaleik sínum í A-riðli B-deild-
arinnar í gær. Leikið er í Rúmeníu. Ísland vann
Eistland, Írland og Úkraínu í riðlinum en tapaði
fyrsta leik gegn Danmörku. Það nægði til að enda í
öðru sæti riðilsins.
Danmörk vann 86:59-stórsigur á Írlandi í hinum
leik riðilsins í gær og gulltryggði sér toppsætið.
Almar Orri Atlason átti stórleik fyrir íslenska
liðið, skoraði 20 stig og tók ellefu fráköst. Tómas
Valur Þrastarson gerði einnig 20 stig og tók 6 frá-
köst og Karl Ísak Birgisson gerði 17 stig og tók
fimm fráköst.
Ísland mætir Bosníu í átta liða úrslitunum á
morgun.
Kvennalandsliðið í sama aldursflokki lauk
leik í C-riðli í B-deild með 51:46-sigri á Nor-
egi í framlengdum leik. Sigurinn var sá fyrsti
og eini í riðlinum eftir töp fyrir Slóvakíu og
Hollandi.
Staðan eftir venjulegan leiktíma var 43:43
en íslenska liðið vann framlenginguna 8:3.
Emma Sól Svan Hjördísardóttir skoraði níu
stig og tók 13 fráköst fyrir fyrir íslenska liðið
og Jana Falsdóttir bætti við öðrum níu stig-
um, fjórum fráköstum og tveimur stolnum
boltum. Emma Hrönn Hákonardóttir kom
þar á eftir með átta stig og níu fráköst.
Íslenska liðið hafnaði í þriðja sæti C-riðils
og leikur um 9.-18. sæti mótsins. Fyrsti leik-
ur er gegn Austurríki klukkan 15.30 í dag.
Íslensku strákarnir í átta liða úrslit
Ljósmynd/FIBA
Öflugur Almar Orri Atlason átti afar góðan leik
fyrir íslenska liðið í öruggum sigri á Úkraínu.