Fréttablaðið - 07.01.2023, Blaðsíða 16

Árni Þórður Sigurðarson var
heilbrigður ungur maður þar
til hann veiktist skyndilega í
desember árið 2021. Honum
var haldið sofandi í um fimm
mánuði og var í lífshættu í
næstum heilt ár. Árni fer yfir
sögu sína ásamt föður sínum
Sigurði Ragnarssyni, betur
þekktum sem Sigga stormi.
Árni Þórður Sigurðarson
var 29 ára gamall í des-
ember árið 2021 þegar
hann veiktist skyndi-
lega og mjög alvarlega.
„Ég hef alltaf verið heilbrigður en á
þessum tíma var ég aðeins búinn að
missa tökin. Ég var hættur að hreyfa
mig og hafði aldrei verið þyngri,“
segir Árni.
Hann hafði verið mikið í íþrótt-
um þegar hann var yngri og var
útskrifaður úr íþrótta- og heilsu-
fræði. „Ég var týpan sem keppti í
skólahreysti en þarna var andlega
heilsan farin að versna aðeins,“ segir
hann.
Hann segir þessa þætti líklega
hafa haft áhrif á að hann veiktist
en að læknar hafi þó tjáð honum að
veikindin hefðu getað hent hvern
sem er.
Fimmtudaginn 16. desember árið
2021 fer Árni að finna fyrir verkjum
í kviðnum. Hann gefur þeim ekki
mikinn gaum til að byrja með. „Ég
vissi að það var eitthvað í gangi en
ég hélt bara að þetta væri eitthvað
sem ég hefði borðað og ég lét það
vera,“ segir hann.
Daginn eftir líður Árna enn verr
og verkirnir orðnir svo miklir að
hann á erfitt með að komast fram úr
rúminu. „Það er oft talað um verki
á skalanum einn upp í tíu og þetta
var alveg blikkandi níu,“ segir hann.
Næsta dag harkar Árni enn af sér,
fer út með hundinn sinn Storm og
reynir að lina verkina með verkja-
lyfjum en ekkert virkar og hann
heldur hvorki mat né drykkjum
niðri. „Ég ligg bara í fósturstellingu
í rúminu alla laugardagsnóttina og
hringi svo í mömmu á sunnudags-
morgninum og hún heyrir strax að
það er eitthvað að, þarna er ég bara
að detta út,“ segir Árni.
Móðir Árna var erlendis ásamt
föður hans en segir honum að
hringja í eldri bróður sinn sem
kemur yfir og hringir á sjúkra-
bíl. „Ég bara dett í fangið á bróður
mínum þegar hann kemur, ég hefði
auðvitað átt að vera löngu búinn að
hringja í sjúkrabíl,“ segir Árni.
Vill ekki láta hafa fyrir sér
„Árni er svona týpa sem vill ekk-
ert láta hafa fyrir sér, hann hefur
alltaf verið þannig,“ segir Sigurður
Þ. Ragnarsson, faðir Árna, en hann
er betur þekktur sem Siggi stormur.
Siggi var ásamt eiginkonu sinni
Hólmfríði Þórisdóttur á Spáni þegar
Árni veikist. „Hann sendir mér SMS
þegar hann er kominn á spítalann
og segir mér að það sé verið að gefa
sér morfín. Næstu fréttir sem ég fæ
eru frá lækni á gjörgæsludeildinni
á Hringbraut. Hann segir okkur
að honum þyki leiðinlegt að segja
okkur að það hafi þurft að svæfa
drenginn okkar og að hann sé í
öndunarvél,“ segir Siggi.
„Hann segir okkur að ástand hans
sé krítískt, að hann sé í lífshættu og
að þau ráðleggi okkur að koma strax
heim og við auðvitað gerum það.
Þau benda okkur svo strax á að tala
við sjúkrahúsprest og fá andlegan
stuðning því að það vissi enginn
hvað hver dagur bæri í skauti sér.
Við þurftum bara að hugsa einn dag
í einu,“ bætir Siggi við.
Við tóku fjórir og hálfur mánuður
þar sem Árna var haldið sofandi og
foreldrar hans og fjölskylda biðu í
von og óvon. Í ljós kom að Árni hafði
fengið brisbólgu og í kjölfarið kom
upp bilun í fjölda líffæra hans, sem
formlega kallast fjöllíffærabilun.
„Það bara verður að koma fram
að ég á ekki orð yfir öðlingsfólkið
sem vinnur á gjörgæslunni á Hring-
braut. Yfirlæknirinn Sigurbergur
Óttaðist um líf hans
á hverjum degi
Feðgarnir Árni Þórður og Sigurður vinna nú báðir í því áfalli sem veikindi Árna voru fyrir fjölskylduna. Fréttablaðið/anton brink
Kárason er ótrúlegur. Við höfðum
allan tímann aðgang að læknum og
fengum allar þær upplýsingar sem
við þurftum,“ segir Siggi.
„Við gátum ekki farið að sofa
án þess að fá upplýsingar um það
hvernig honum liði og hvað væri
að gerast. Við urðum að hringja og
við fengum alltaf svar, svona símtal
jafnaðist á við tvær til þrjár svefn-
töflur,“ segir Siggi brosandi.
„Það er alltaf verið að velja mann-
eskju ársins en þetta fólk er fólk
aldarinnar,“ skýtur Árni inn í.
Siggi segir það hafa tekið mikið
á alla fjölskylduna að horfa á Árna
veikan á spítalanum og að þau hafi
fundið til mikils vanmáttar. „Ég er
mikil tilfinningavera og þetta tók
svakalega á mig. Hann er í heildina
í lífshættu í meira en tíu mánuði og
þegar maður byrjar hvern einasta
dag, mánuð eftir mánuð, á því að
vera hræddur um barnið sitt þá
tærist maður einhvern veginn upp,“
útskýrir hann.
„Hann var sjúklingurinn og ég
er ekki að vorkenna mér en ég var
kominn í mikla vanlíðan sökum
kvíða sem ágerðist hratt og hafði
mikil líkamleg og andleg áhrif á
mig,“ segir Siggi.
Hann tjáði sig mikið um veikindi
Árna á Facebook-síðu sinni og fann
fyrir miklum stuðningi. „Það voru
alveg einhverjir sem fannst skrítið
að ég væri að tjá mig um þetta opin-
berlega en þetta var mín leið og við
fengum mikil viðbrögð og mikinn
stuðning. Það voru um sjö þúsund
manns sem sýndu okkur stuðning
á einhvern hátt. Á Facebook, með
skilaboðum eða símtölum,“ segir
Siggi og bætir við að erfiðust hafi
honum þótt símtölin.
„Mér fannst erfitt að tala um
þetta, auðveldara að skrifa,“ segir
hann.
Árni segir það hafa skipt hann
miklu máli að foreldrar hans hafi
fengið stuðning víðs vegar að. „Mér
þótti mjög mikilvægt að þeim liði
vel og það sem mér finnst erfiðast
við þetta allt er hvað þetta var erfitt
fyrir þau,“ segir hann.
Aftur í lífshættu
Þegar Árna hafði verið haldið sof-
andi í um fjóra og hálfan mánuð
vaknaði hann loks og allt horfði til
betri vegar. Enginn trúði því hversu
hraður batinn var.
„Hann var máttlaus fyrst en svo
gerist þetta mjög hratt. Hann er
með talgervil þarna og nær að segja
Birna Dröfn
Jónasdóttir
birnadrofn
@frettabladid.is
16 Helgin 7. janúar 2023 LAUGARDAGURFréttablaðið