Fréttablaðið - 04.02.2023, Blaðsíða 11

Hús íslenskunnar er heimili íslenskrar tungu. Þar varðveitum við handritin,
helstu dýrgripi íslenskrar menningar, til allrar framtíðar. Þar fara einnig
fram rannsóknir og kennsla í íslensku. Þangað eigum við öll erindi.
Menningar- og viðskiptaráðuneytið, Árnastofnun og Háskóli Íslands efna
til samkeppni um nafn á þetta glæsilega nýja hús. Ert þú með rétta heitið?
Sendu inn þína tillögu á arnastofnun.is/nafn fyrir 1. mars.
Nýtt nafn verður kynnt við vígslu hússins 19. apríl.
Bara að nefna það
Samkeppni um nafn á hús íslenskunnar
Konurnar sex sem ég
talaði við könnuðust
ekki við að fá útlend-
inga til sín.
Brynhildur Björnsdóttir,
höfundur viðtalsbókar
um vændi á Íslandi
Grímur Grímsson lögreglu-
maður, Steinunn Gyðu-
Guðjónsdóttir, talskona
Stígamóta, og Brynhildur
Björnsdóttir, höfundur við-
talsbókar um vændi á
Íslandi, telja ekki tengsl milli
aukinnar ferðaþjónustu og
aukningar í framboði vændis
hér á landi.
ninarichter@frettabladid.is
LÖGREGLUMÁL „Við höfum séð kippi
í framboði vændis sem tók við sér til
muna eftir að ferðamannaiðnaður-
inn tók við sér á sínum tíma,“ var
haft eftir Stefáni Erni Arnarssyni
hjá miðlægri rannsóknardeild lög-
reglunnar í Fréttablaðinu í gær.
„Undanfarin ár hefur orðið aukn-
ing í framboði. En sakborningar í
vændismálum eru ekki almennt
útlendingar, heldur Íslendingar,“
segir Grímur Grímsson lögreglu-
maður.
„Konurnar sex sem ég talaði við
könnuðust ekki við að fá útlendinga
til sín,“ segir Brynhildur Björnsdótt-
ir, höfundur bókarinnar Venjulegar
konur: Vændi á Íslandi sem kom út
í fyrra. Viðmælendur Brynhildar
höfðu unnið við vændi á ýmsum
tímabilum og þar af voru tvær
nýlega hættar. Viðtölin voru tekin
árið 2021.
„Ég lagðist í alls konar rann-
sóknarvinnu. Það er ýmislegt sem
bendir til þess að eftirspurnin hér
á landi sé ekki frá ferðamönnum,“
segir Brynhildur. „Það kemur ekkert
á óvart að framboðið á vændi aukist
á þessum miðlum, sem eru aðallega
vefsíður sem eru hýstar erlendis,
við erum einfaldlega í þannig þjóð-
félagsástandi. Það er verðbólga og
erfiðara að ná endum saman. Þá er
þetta örþrifaráð. Það er mín tilfinn-
ing að þetta haldist ekki endilega í
hendur við ferðamannaiðnaðinn
eða ferðamenn.“
Brynhildur hefur eftir einni
kvennanna að af þeim hundruðum
manna sem sóttust eftir vændi hafi
aðeins verið tveir erlendir.
Hvað umræðu um samfélags-
miðilinn Onlyfans varðar segir
Brynhildur: „Þegar fólk fer inn á
Onlyfans er það með hugmynd
um að græða rosa mikinn pening.
En raunin er sú að meðaltekjurnar
eru kannski 130 dollarar á mánuði,
og það er ef fólk er stöðugt að setja
inn efni og með stanslausa viðveru.
En svo fer það að ganga lengra og
lengra og smám saman fer fólk að
brjóta niður mörkin sín,“ segir hún
og minnir á að þeir sem stundi slíkt
af brýnni fjárþörf séu ekki færir um
að setja mörk á sama hátt og fólk
sem sé á Onlyfans af áhuga eða sem
kynverur.
Steinunn Gyðu-Guðjónsdóttir,
talskona Stígamóta, tekur í sama
streng og segir starfsfólk Stíga-
móta ekki hafa orðið vart við tengsl
ferðaþjónustu og vændis hér á landi.
„Konurnar sem koma til okkar eftir
vændi eru langflestar Íslendingar og
samkvæmt þeim eru þetta langoft-
ast íslenskir menn sem kaupa vændi
af þeim.“
Steinunn segist þó sjá mjög skýrt,
sé litið á fyrrnefndar vændissölu-
síður, að gríðarlegur fjöldi erlendra
kvenna sé að auglýsa vændi hér á
landi. „Þetta eru gjarnan konur sem
eru að koma hingað og stoppa stutt
í hvert skipti. Maður hefur áhyggjur
af því að þær séu þolendur mansals.
Það er sárasjaldan sem við hittum
þessar erlendu konur á Stígamótum
enda hafa þær ekki endilega tæki-
færi til þess að leita sér aðstoðar.“
Að sögn Steinunnar hefur efna-
hagsástand alltaf áhrif á það hvort
konur fari aftur í vændi. „Oft eru
þetta konur sem eru háðar ytri
áhrifum, oft konur með litla mennt-
un sem starfa í láglaunastörfum.
Verðbólgan hefur bein áhrif á þær.
Þetta sáum við í byrjun Covid
þegar margar þeirra voru að missa
vinnuna. Þá voru þær hjá okkur að
íhuga hvað þær ættu að gera. Hvort
þetta yrði leiðin sem þær myndu
fara til að leysa málin. Það er ekki
ólíklegt að svoleiðis komi upp núna
líka.“ n
Véfengja tengsl milli ferðaþjónustu og vændis
Sérfræðingar í vændismálum hér á landi telja ekki bein tengsl milli aukningar í ferðaþjónustu á Íslandi og vændis-
kaupa. Myndin tengist fréttinni ekki beint. FRÉTTABLAÐIÐ/GETTY
FRÉTTABLAÐIÐ FRÉTTIR 94. FEBRÚAR 2023
LAUGARDAGUR