Fréttablaðið - 04.02.2023, Blaðsíða 24

Við erum að tala
um eitt stykki
heimsmeistara og það er
gríðarlega gaman að hún
skyldi ákveða að mæta
aftur. Hún kom hingað á
mótið í fyrra og þá sá
maður hversu litríkur og
sterkur karakter hún er.
Freyr Ólafsson
Það verður boðið upp á
sannkallaða frjálsíþrótta-
veislu í Laugardalshöllinni
á morgun en þá fer þar fram
Reykjavík International
Games í frjálsíþróttum.
gummih@frettabladid.is
Ríkjandi heimsmeistari kvenna í
kúluvarpi, Chase Ealey frá Banda-
ríkjunum, er á meðal keppenda
líkt og í fyrra en hún fagnaði sigri á
heimsmeistaramótinu á síðasta ári
þegar hún varpaði kúlunni 20,49
metra og varð um leið fyrsta konan
frá Bandaríkjunum til að vinna til
gullverðlauna í kúluvarpi á heims-
meistaramóti. Þá vann hún einnig
sigur á Demantamótaröðinni.
Freyr Ólafsson, formaður Frjáls-
íþróttasambands Íslands, lofar
frábærri skemmtun í Laugardals-
höllinni á morgun og hann hvetur
fólk til að fjölmenna í Höllina þar
sem margt af besta og efnilegasta
frjálsíþróttafólki landsins verður á
meðal keppenda.
„Þetta verður heldur betur veisla
og ég er gríðarlega spenntur fyrir
þessu móti,“ segir Freyr, sem fagnar
því að heimsmeistarinn Chase
Ealey ætli að vera með.
Litríkur og sterkur karakter
„Við erum að tala um eitt stykki
heimsmeistara og það er gríðar-
lega gaman að hún skyldi ákveða
að mæta aftur. Hún kom hingað
á mótið í fyrra og þá sá maður
hversu litríkur og sterkur karakter
hún er. Chase gerði miklu meira
heldur en að keppa. Hún smitaði út
frá sér og var svo ánægð með mót-
tökurnar sem hún fékk þannig að
hún vildi koma aftur núna sem er
ofboðslega gott fyrir okkur. Mesta
fjörið ætti að verða í kringum
kúluvarpshringinn – að berja
heimsmeistarann augum en það
verður líka gaman að fylgjast með
spretthlaupunum, stökkkeppn-
unum og ýmsu öðru,“ segir Freyr.
Spretthlaupararnir Guðbjörg
Jóna Bjarnadóttir úr ÍR og FH-ing-
urinn Kolbeinn Höður Gunnars-
son verða í eldlínunni á leikunum
en bæði slógu þau Íslandsmetin í
60 metra hlaupi í síðasta mánuði.
Guðbjörg fær verðugan mótherja
en Naomi Sedney frá Hollandi
mætir henni en Sedney fór með
sigur af hólmi á leikunum í fyrra.
Heimsmeistari í frjálsíþróttaveislu í Höllinni
Chase Ealey
fagnar heims-
meistaratitl-
inum í kúluvarpi
á síðasta ári.
FRÉTTABLAÐIÐ/
GETTY
Guðbjörg er í hörku formi og
er komin á fulla ferð eftir erfið
meiðsli og sló Íslandsmetið á móti
í Danmörku á dögunum þegar hún
kom í mark á 7,35 sekúndum.
„Það er ljóst að Guðbjörg fær
hörkukeppni og það er mjög
ánægjulegt til þess að vita að
hún er að ná fyrri styrk eftir erfið
meiðsli og ánægjulegt að sjá
hversu sterk hún kemur til baka,“
segir Freyr en Guðbjörg Jóna mun
einnig hlaupa sitt fyrsta 200 metra
hlaup á tímabilinu og mætir þar
Sarah Atcho frá Sviss, sem á best
23,64 sekúndur í ár. Besti tími
Guðbjargar í greininni er 23,98
sekúndur.
Kolbeinn Höður bætti fyrir
skömmu 30 ára gamalt Íslandsmet
í 60 metra hlaupi þegar hann hljóp
vegalengdina á 6,68 sekúndum en
meðal þeirra sem mæta honum
í hlaupinu er Englendingurinn
Richard Akinyebo, sem á best 6,73
sekúndur. Kolbeinn mætir einnig
sterkum hlaupara í 200 metra
hlaupinu en það er Lee Thompson
frá Englandi. Kolbeinn á Íslands-
metið í greininni, 21,21 sek. En
besti tími Thompson er 21,13
sekúndur.
Eru svo góðar fyrirmyndir
„Kolbeinn og Guðbjörg eru svo
sterkir og flotti karakterar og þau
eru bæði svo góðar fyrirmyndir,
með allt sitt á tæru og uppskera
eftir því,“ segir formaður Frjáls-
íþróttasambandsins.
Ólympíufarinn og Íslandsmet-
hafinn í kringlukasti, Guðni Valur
Guðnason úr ÍR, verður á meðal
keppenda í kúluvarpi á leikunum
eins og undanfarin ár. Guðni á best
18,90 metra innanhúss og hann
etur meðal annars kappi við Eng-
lendinginn Lewis Byng sem lengst
hefur kastað 18,50 metra.
Langstökk kvenna ætti líka að
verða skemmtileg grein en Íslands-
methafinn í þrístökki, Irma Gunn-
arsdóttir úr FH, er skráð til leiks en
hún á næstlengsta stökk íslenskrar
konu, 6,36 metra. Þá ætlar Hafdís
Sigurðardóttir að dusta rykið
af langstökksskónum en hún á
Íslandsmetið í greininni sem er
6,54 metrar.
Mótið hefst klukkan 13.30.
Miðasala fer fram á corsa.is en
einnig verður hægt að kaupa miða
á staðnum. n
Helgi Ómarsson er mikill
aðdáandi náttúrulegra
bætiefna. Hann byrjaði að
taka inn Meiri orku frá ICE-
HERBS eftir að hafa lesið sér
til um burnirót. Hann hefur
tröllatrú á henni og þreytist
ekki að segja fólki frá töfrum
hennar.
Helgi Ómarsson lýsir sér sem nett
ofvirkum tvíbura með rísandann í
bogamanni. „Loft og eldur, alltaf út
um allt, veit ekki í hvaða átt ég er
að fara en er samt alltaf á leiðinni
eitthvað,“ segir hann og bætir við
að ofvirknin sýni sig líka í vinnu,
en Helgi er ljósmyndari, tísku-
bloggari, hlaðvarpsstjórnandi og
markaðsráðgjafi.
„Ég lifi mjög aktífum lífsstíl,
bæði líkamlegum og andlegum.
Ég er mikill sjálfsvinnuperri og tek
því mjög alvarlega. Ég stunda einn-
ig líkamsrækt hjá líkamsræktar-
stöðinni Afreki, sem er mikið
partí,“ segir hann.
Helgi tekur daglega inn Meiri
orku frá ICEHERBS, en Meiri orka
er öflug blanda íslenskrar burni-
rótar og fjallagrasa.
„Síðan ég las fyrir mörgum
árum að burnirótin væri náttúru-
leg kvíðarót þá hef ég verið frekar
upptekinn af henni. Ég trúi á mátt
náttúrunnar og mikilvægi þess
að taka inn sem mest úr henni til
að lifa sem heilbrigðustu lífi. Mér
finnst það mjög sexí. Ég er sérstak-
lega upptekinn af burnirótinni,
túrmeriki og engiferi. Ég læt það
sjaldnast vanta inn í rútínuna
mína,“ útskýrir hann.
„Ég er mjög skrautlegur
þegar kemur að athygli. Ég er
greindur með ADHD og með
þeirri greiningu fylgir mikill
kvíði. Ég fór því að taka það mjög
alvarlega að muna að taka víta-
Kemst í gegnum daginn með kvíðarótinni
Helgi segir öllum í kringum sig að taka inn burnirót enda hefur hann fundið
jákvæð áhrif hennar. MYND/AÐSEND
mínin mín, þá sérstaklega burni-
rótina og D-vítamín blönduna frá
ICEHERBS sem inniheldur einmitt
líka burnirótina. Eftir að ég byrjaði
að taka inn vítamínin mín og
vera með rútínu þegar ég vakna,
þá fann ég mikinn mun og er í
rauninni allt annar. Mér finnst það
ákveðin lífsgæði að geta tekið inn
náttúruleg bætiefni og vítamín til
að bæta líkama og sál.“
Geggjað að nýta
mátt náttúrunnar
Helgi bjó í Danmörku þegar hann
las fyrst um burnirótina. Hann var
í skrifstofustarfi og segir að þegar
hann vinni slíka vinnu sé auðvelt
að greina hvernig honum líður frá
degi til dags.
„Ef ég man rétt þá snerist greinin
um að burnirótin er eina rótin
sem við þurfum. Mér fannst það
mjög sexí tilhugsun og varð mjög
upptekinn af henni. Góðvinkona
mín Ragga nagli er einmitt mikill
talsmaður burnirótar og er mjög
dugleg að mæla með henni en ég
fylgi henni eins og hvolpur þegar
kemur að heilsu,“ segir hann.
„Ég hef mjög strang-
trúaða rútínu þegar kemur
að bætiefnum og ef ég þyrfti
að velja tvö vítamín þá mundi
ég alltaf taka burnirótina og
D-vítamínið. Ég tel það mjög
mikilvægan part af minni and-
legu heilsu. Mér finnst Meiri orka
vera fullkomin leið fyrir mig til
að koma mér vel í gegnum daginn
minn sem svona ADHD-pési og
finnst geggjað að nýta mátt nátt-
úrunnar til að reyna að tækla það
sem best. Áhrifin eru aðallega að
ég er skýrari og man meira, sem er
rosalega mikilvægt fyrir mig sem
er út um allt og þarf að muna ótrú-
lega margt frá degi til dags.“
Helgi segir að það sé algjörlega
nauðsynlegt að taka burnirótina
daglega. „Ég segi öllum í kringum
mig að gera það. Það liggur við að
ég krefjist þess.“
Náttúran er ekkert að djóka
Helgi tekur vítamín daglega og
finnst mjög gaman að bæta ein-
hverju nýju og öflugu við í víta-
mínboxin sín.
„Mér finnst mjög gaman að
vera vítamín-perri,“ segir hann og
hlær. „Það koma auðvitað dagar
sem ég gleymi að taka vítamín
eins og þegar ég þýt út, en þá finn
ég líka mun á sjálfum mér. Mér
líður langbest og finnst ég alltaf
skýrari með allt löðrandi í bæti-
efnum. Mér finnst góð morgun-
rútína vera það besta í heimi,
lífsgæðin mín liggja þar,“ heldur
hann áfram.
„En eftir að ég las þessa grein
um burnirótina, þá er eins og
eitthvað hafi smollið í heilanum
á mér, ég hef síðan þá alltaf tekið
hana inn og hef alla heimsins trú
á henni og líka á vítamínum sem
unnin eru beint úr náttúrunni. Ég
vil hafa allt sem hreinast. Náttúr-
an okkar er ekkert að djóka, hún
býr náttúrulega bara yfir enda-
lausum heilsu- og mannbætandi
eiginleikum.“
ICEHERBS meiri orka
100% íslensk burnirót með
fjallagrösum fyrir aukna orku og
minna stress. Meiri orka er öflug
blanda íslenskrar burnirótar og
íslenskra fjallagrasa. Burnirót
inniheldur hátt innihald virkra
efna sem hafa áhrif á andlegt jafn-
vægi og virka almennt hressandi
og örvandi. Burnirót vinnur gegn
þreytu, þunglyndi, einbeitingar-
skorti og þróttleysi. Burnirót er
talin hjálpa vel á tímabilum and-
legs álags í vinnu eða námi, eða
gegn streitu og skorti á orku.
ICEHERBS fæst í öllum betri
matvöruverslunum, apótekum,
heilsuvöruverslunum og í glæsi-
legri vefverslun iceherbs.is. n
4 kynningarblað A L LT 4. febrúar 2023 LAUGARDAGUR