Fréttablaðið - 04.02.2023, Blaðsíða 42

sjofn@frettabladid.is
Hinn framúrskarandi og ástsæli
matreiðslumeistari Gísli Matt
og landsliðskokkar Héðins taka
höndum saman og sameina visku
og ástríðu sína fyrir matargerð
helgina 10.–11. febrúar á Héðni
Kitchen & Bar.
Matseðillinn verður í anda
Slippsins, þar sem innblástur er
sóttur til íslenskrar náttúru og
hafsins. Gísli er eigandi veitinga-
staðarins Slippsins í Vestmanna-
eyjum, og hafa bæði Gísli og
staðurinn notið mikilla vinsælda
og vakið mikla athygli innanlands
og erlendis.
„Við erum mjög spenntir fyrir
þessu samstarfi. Gísli hefur verið
að gera frábæra hluti og hlotið
verðskuldaða athygli fyrir þá. Eld-
húsið er hans þessa helgina og ég
held mér sé óhætt að segja að gestir
Héðins eigi alveg frábæra upplifun
í vændum, “ segir Sindri Guð-
brandur Sigurðsson, yfirkokkur
Héðins.
Endurspeglar hafið og náttúruna
„Ég hlakka mikið til að koma og
elda fyrir gesti Héðins þessa helgi.
Matreiðsla er mín ástríða og mat-
seðillinn mun endurspegla allt það
besta sem hafið og náttúran gefa
okkur og hversu gott hráefni við
höfum í höndunum til að skapa
einfalda en fágaða rétti. Bókin mín
verður til sölu á staðnum, fyrir þau
sem vilja kafa dýpra í mína sýn og
nálgun á matargerð,“ segir Gísli.
Matseðillinn er samsettur af sjö
frumlegum og fáguðum réttum og
vínpörun verður í boði fyrir þau
sem vilja taka þetta alla leið. Ein-
stök matarupplifun sem enginn
sælkeri vill missa af.
Slippurinn í Vestmannaeyjum
var opnaður árið 2012 og Næs
2022. Gísli á og rekur einnig Skál!
við Hlemm Mathöll en sá staður
hefur notið mikilla vinsælda og
hlaut BIB-Gourmand-verðlaun frá
Michelin Award árið 2019. n
Leyndardómar Slippsins afhjúpaðir
á Héðni Kitchen & Bar
Sigríður Björk Bragadóttir,
matreiðslumeistari og annar
eigenda Salts Eldhúss, jafnan
kölluð Sirrý, er alfræðiorða-
bók þegar kemur að mat og
kræsingum sem bræða sæl-
kerahjörtu. Sirrý er annál-
aður matgæðingur og nýtur
sín allra best þegar matar-
hjartað fær að njóta sín.
sjofn@frettabladid.is
Á ferðalögum sínum er Sirrý iðin
við að kynnast hefðum og siðum
heimamanna í matargerð og læra
að útbúa þá rétti sem vinsælir eru
á hverjum stað fyrir sig og fá að
heyra um uppruna réttanna sem
hún fellur fyrir. Sirrý er nýkomin
heim frá landinu sem oft er kallað
matarkistan og sviptir hér hulunni
af einum sínum uppáhaldsréttum
sem er afar vinsæll á þessum árs-
tíma hjá heimamönnum.
„Ég er nýkomin frá Frakklandi
og þar eru allir að fá sér Croque
monsieur á bistróum og veitinga-
húsum með léttan mat. Frakkar
borða eftir árstíðum og nú eru
súpur og bráðinn ostur vinsælt
í kuldanum eins og hér heima.
Brauðið eða samlokan er ekta
bistro-matur og á sér langa sögu.
Í byrjun árs 1900 var það kokkur
á bistró-veitingahúsi í París sem
gerði þessa samloku líklega
fyrstur. Baguette-samlokur eru
vinsælar á börum og bistróum
en kokkurinn var búinn með
baguette-birgðir í húsinu og ákvað
að nota „pain de mie“ eða sam-
lokubrauð í samloku og kallaði
hana samloku dagsins. Síðan hefur
svona samloka verið mjög vinsæl
um allt Frakkland. Matarmeiri
útgáfa er með spældu eggi ofan á
og er kölluð Croque madam eða
samloka frúarinnar,“ segir Sirrý.
„Hér er uppskrift að ekta Croque
monsieur. Það þýðir að í henni er
béchamel-sósa sem er jafningur
sem við köllum gjarnan uppstúf.
Ekki láta fæla ykkur frá þó það
sé pínu fyrirhöfn að gera sósuna,
aðferðin er undirstaða í svo
margt í matreiðslu eins og plokk-
fisk, uppbakaðar súpur og sósur,
uppstúf, tartalettur, lasagna og
svo ótal margt fleira. Lítill vandi
er að gera sósuna, bara passa að
setja mjólkina ekki alla í einu út í
smjörbolluna og vera með písk á
kantinum. Með því að hafa sósuna
með ostinum á brauðinu verður
það sérlega djúsí og gott. Brauðið
getur verið hvaða brauð sem er,
súrdeig, gróft eða bara franskbrauð
en Frakkarnir nota það og er það
kallað „pain de mie“ og er örlítið
sykrað hvítt brauð,“ segir Sirrý að
lokum og veit ekkert dásamlegra
en að njóta þessara syndsamlegu
ljúffengu Croque monsieur með
bræddum osti á köldum vetrardegi.
Croque monsieur
4 samlokur
8 sneiðar brauð
4 sneiðar góð skinka
200 g rifinn ostur, mjög gott að
nota fullfeitan
1 uppskrift bécamel-sósa
Hitið ofninn í 220°C. Raðið brauð-
sneiðunum á borðið og skiptið
béchamel-sósunni jafnt á þær. Það
fer um það bil 1 góð matskeið á
hverja. Smyrjið sósunni á brauð-
sneiðarnar og vel út á jaðrana.
Dreifið rifna ostinum ofan á
sósuna. Setjið nú sneið af skinku
á 4 brauðsneiðar. Setjið þær sem
ekki er skinka á ofan á skinku-
brauðsneiðarnar svo þið fáið 4
samlokur. Setjið bökunarpappír á
ofnplötu og samlokurnar á hann.
Bakið í 15 mínútur, eða þar til þær
eru gullnar og girnilegar. Berið
fram með grænu salati með vinag-
rettu.
Béchamel-sósa
25 g smjör
25 g hveiti
3 dl mjólk
1 tsk. Dijon-sinnep
½ tsk. salt
Svartur pipar
Bræðið smjör í potti. Bætið hveiti
út í og hrærið saman í smjörbollu.
Bætið mjólk út í smátt og smátt
(mikilvægt) og hrærið í allan
tímann. Notið sleif og písk ef á þarf
að halda til að fá kekkjalausan
jafning. Sjóðið við vægan hita
stutta stund til að fá hveitibragðið
í burtu. Saltið og malið pipar yfir.
Bætið sinnepi út í og hrærið allt vel
saman. Smakkið og bætið salti ef
þarf. Berið fram á fallegan hátt og
njótið hvers munnbita. n
Syndsamlega ljúffeng Croque
monsieur sem bráðnar í munni
Sigríður Björk Bragadóttir, eða Sirrý, fékk margar hugmyndir að nýjum réttum í Frakklandi nýverið. FRÉTTABLAÐIÐ/ERNIR
Croque monsieur samlokur.
Eggjabrauð er vinsæll morgun-
verður í Frakklandi.
elin@frettabladid.is
Frakkar eru brauðþjóð. Þeir borða
brauðið á margvíslegan hátt. Til
dæmis hið dæmigerða French toast
– eða bakað franskbrauð. Þetta er
einfaldur réttur sem gott er að hafa
á köldum helgarmorgnum.
Eggjabrauð er uppáhalds
6 sneiðar franskbrauð
2 egg
2 msk. sykur
2 dl mjólk
0,5 tsk. kardimommur, þurrkrydd
1 tsk. kanill
1 msk. smjör til steikingar
Þeytið eggin létt saman með sykri,
mjólk og kryddi. Leggið brauð-
sneiðarnar í vökvann á báðum
hliðum. Þær eiga að vera gegn-
blautar.
Steikið í smjöri á pönnu við
miðlungshita á báðum hliðum þar
til brauðið hefur tekið fallegan lit.
Stráið flórsykri yfir og berið
fram með góðri sultu. Einnig er
gott að hafa bláber eða jarðarber
með. n
Brauð á franskan máta
Gísli Matthías Auðunsson ætlar
að skipta um vinnuumhverfi um
næstu helgi. MYND/AÐSEND
6 kynningarblað A L LT 4. febrúar 2023 LAUGARDAGUR