Fréttablaðið - 23.02.2023, Blaðsíða 22
Það er hluti af því að
þjálfa landslið á heims-
mælikvarða að þegar
þú nærð ekki árangri
þá skilja leiðir.
Arnar Daði
Arnarsson,
handboltasér-
fræðingur
Staðan
innan
landsliðs-
ins hafi
verið orðin
verri en
þau og
margir
aðrir
héldu.
Arnar Daði
Arnarsson,
handboltasér-
fræðingur
Handboltasérfræðingurinn
Arnar Daði Arnarsson telur
að Handknattleikssamband
Íslands hafi séð sig knúið til
að slíta samstarfi sínu við
landsliðsþjálfarann Guð-
mund Þ. Guðmundsson vegna
þeirrar slæmu stöðu sem
hann var kominn í með liðið.
Hann gefur lítið fyrir þá yfir-
lýsingu að ákvörðunin hafi
verið sameiginleg.
Handbolti Á þriðjudag greindi
HSÍ frá því að Guðmundur Þ. Guð-
mundsson væri ekki lengur þjálfari
íslenska karlalandsliðsins. Báðir
aðilar hafi komist að samkomulagi
um að slíta samstarfinu.
„Ég held að þeir hafi einfaldlega
verið tilneyddir til að gera þetta á
þessum tímapunkti. Ég hef tilfinn-
ingu fyrir því að bæði stjórn HSÍ og
landsliðsnefnd hafi ekki ætlað að
láta Guðmund fara eftir HM í janú-
ar. Eftir undirbúningsvinnu held ég
að þegar uppi var staðið hafi stjórn
HSÍ komist að þeirri niðurstöðu að
það væri ekkert annað í stöðunni en
að láta Guðmund fara, eftir samtöl
við leikmenn og aðra hafi þau áttað
sig á því að staðan innan lands-
liðsins hafi verið orðin verri en þau
og margir aðrir héldu,“ segir Arnar
Daði Arnarsson, handboltasérfræð-
ingur, í samtali við Fréttablaðið.
Hann telur ekki að ákvörðunin
hafi verið sameiginleg. „Við þekkj-
um það úr íþróttunum að það er oft
gefið út þegar svona á sér stað. Það
var auðvitað engan veginn þannig.
Guðmundur var ekki að stíga frá
borði sjálfviljugur.“
Guðmundur ekki þróast
Arnar segir traust leikmanna til
Guðmundar hafa dvínað mikið.
„Svo segir sagan og þetta er ekki
bara einhver ein saga út í bæ. Þetta
hefur verið viðloðandi lands-
liðið lengi og nú var hún orðin ansi
hávær, bæði á meðan HM stóð og
svo strax eftir að varð ljóst að Ísland
kæmist ekki í 8-liða úrslit. Manni
finnst það alltaf vond staða fyrir
þjálfara þegar klefinn er farinn að
leka, landsliðsmenn farnir að heyra
í vinum, vandamönnum og jafnvel
f jölmiðlamönnum til að benda
þeim á veikleika í fari Guðmundar.
Þetta er ekki eitthvað sem gerðist
núna í janúar.“
Guðmundur tók við íslenska
landsliðinu í þriðja sinn árið 2018.
„Það hefur ekki myndast nógu
mikið traust milli hans og leik-
manna. Gengi liðsins hefur verið
eftir því og þá missa leikmenn
trúna á verkefnið. Eftir því sem
hefur liðið á þetta samstarf hefur
Guðmundur farið út á hálan ís með
því að kasta leikmönnum undir
rútuna í stað þess að taka ábyrgð.
Ef fólk horfir á viðtöl hans eftir
leiki síðustu ár hefur hann ekki
tekið mikla ábyrgð á slæmu gengi
liðsins.“
Ísland hafnaði í sjötta sæti á EM í
fyrra og þá gerði Arnar sér vonir um
að Guðmundur hefði komið liðinu
á rétta braut.
„Maður reyndi að trúa því að fínt
gengi á EM í Ungverjalandi 2022
hafi breytt einhverju en þegar
maður fór að tala við menn sem
hafa verið í þessu lengur en ég var
mér gert ljóst að Guðmundur væri
ekki að fara að breyta sér þó svo að
hann hafi verið tilneyddur til að
gera það á Covid-móti í Ungverja-
landi.“
Arnar gagnrýnir Guðmund fyrir
að nota ekki f leiri leikmenn og
bendir á leik Íslands gegn Ungverj-
um á HM í janúar. Sá leikur tapaðist,
sem reyndist afdrifaríkt.
„Þegar uppi er staðið er það þessi
leikur á móti Ungverjalandi sem
hefur mest áhrif á hvernig gekk í
janúar. Þar segir tölfræðin að Guð-
mundur hafi verið að nota 9-10 leik-
menn á meðan aðrir þjálfarar nota
14-16 leikmenn. Handboltinn hefur
verið að breytast á síðustu árum og
þeir sem hafa þorað að gagnrýna
Guðmund, einn vinsælasta mann
landsins, benda á þessar tölur.
Þetta er Guðmundur Þórður í
hnotskurn. Hann treystir á sína
leikmenn. Það er ákveðin tegund
af því hvernig þú þjálfar lið en þú
verður að þróa þig með leiknum og
það hefur Guðmundur ekki gert.
Hann er íhaldssamur. Hann er enn
að tala um hvað var gott 2008 og lifir
svolítið á fornri frægð.“
Leiðinlegur endir
Á fyrri tímum sínum með íslenska
landsliðið náði Guðmundur mark-
verðum árangri. Liðið landaði silfri
á Ólympíuleikunum í Peking árið
2008, líkt og frægt er, og um einu og
hálfu ári síðar vann það til brons-
verðlauna á EM.
„Tvímælalaust er leiðinlegt hvern-
ig þetta endar. Ég hef gagnrýnt Guð-
mund en hef reynt að gera það með
því að færa fram rök og tölur. Ég er
ekki að fara í manninn og hef ekkert
á móti Guðmundi. Hann er búinn
að gera frábæra hluti og árangur-
inn talar sínu máli. En það er hluti
af því að þjálfa landslið á heims-
mælikvarða að þegar þú nærð ekki
árangri þá skilja leiðir.
Þetta er grátlegur endir og spurn-
ing hvort Guðmundur muni ein-
hvern tímann snúa aftur. En það er
líka spurning hvort það sé ekki bara
kominn tími á nýja skólann.“
Arnar hefði viljað sjá Guðmund
taka ákvörðunina um að hætta á
sínum forsendum. „Það er erfitt
að segja svona en ég held að Guð-
mundur hefði átt að stíga sjálfur
frá borði. En hann var náttúrulega
aldrei að fara að gera það.“
Arnar segir þá sem stjórna á
bak við tjöldin í landsliðinu ekki
í öfundsverðu hlutverki. Ísland
mætir Tékkum í tveimur leikjum í
undankeppni EM á næstunni, en sá
fyrri fer fram eftir tæpar tvær vikur.
„Ég hálfvorkenni HSÍ og stjórn-
inni að vera í þessari stöðu. Það er
ekki óskastaða að vera án landsliðs-
þjálfara þegar innan við tvær vikur
eru í næsta verkefni,“ segir Arnar.
Framtíðin spennandi
Hann segir ómögulegt að spá fyrir
um hver tekur við landsliðinu til
frambúðar, en talið er að aðstoðar-
menn Guðmundar stýri því í næstu
leikjum.
„Ég hef ekki hugmynd um hver
getur, vill eða hefur áhuga á að taka
við þessu landsliði. Það er enginn
augljós kostur.“
Snorri Steinn Guðjónsson hjá
Val og Dagur Sigurðsson, sem er
með japanska landsliðið, hafa verið
nefndir til sögunnar.
„Það væri svolítið stórt fyrir
Snorra að fara frá þessu verkefni
sem hann er að rúlla upp hjá Val.
Dagur er aldrei að fara að fá sömu
laun og í Japan ef hann tekur við
íslenska landsliðinu,“ segir Arnar.
„Sem betur fer á Ísland ótrúlega
marga færa þjálfara. En það að
þjálfa íslenska landsliðið er ekki það
sama og að þjálfa þýska eða danska
landsliðið. Pressan er ótrúleg. Öll
þjóðin er á bakinu á þér. Þú hefur
ekki sömu breidd og margar aðrar
þjóðir. Þetta er spennandi starf en
sennilega mjög kvíðavaldandi.“
Eitt er víst. Nóg af spennandi leik-
mönnum mun standa næsta lands-
liðsþjálfara til boða.
„Það hefur aldrei verið vöntun á
því. Það er kannski breiddin sem
við getum ekki montað okkur af.
En íslenskur handbolti þarf ekki
að hafa áhyggjur hvað það varðar
á næstu árum,“ segir Arnar Daði
Arnarsson. n
Endalok Guðmundar grátleg en óhjákvæmileg
Guðmundur Þ.
Guðmundsson
er ekki lengur
við stjórnvölinn
hjá íslenska
karlalandsliðinu
í handbolta.
Þetta varð ljóst í
vikunni.
fréttablaðið/
ernir
Guðmundur með landsliðið
tími: 2001-2004, 2008-2012, 2018-2023
besti árangur: Silfur á ÓL 2008, brons á EM 2010,
4. sæti á EM 2002
Helgi Fannar
Sigurðsson
helgifannar@
frettabladid.is
14 íþróttir FRÉTTABLAÐIÐ 23. FeBRúAR 2023
FiMMtUDAGUr