Fréttablaðið - 23.02.2023, Blaðsíða 24

Til að birta andláts-, útfarar- eða
þakkartilkynningar í Fréttablaðinu þarf að senda
tölvupóst á timamot@frettabladid.is
eða hringja í síma 550 5055 .
Merkisatburðir |
Móðir okkar, tengdamóðir, amma og langamma,
Sólveig Jónsdóttir
Digranesvegi 75,
verður jarðsungin í Kópavogskirkju á morgun,
föstudaginn 24. febrúar, kl. 15.00.
Jóna Pálsdóttir Garðar Gíslason
Gunnar Steinn Pálsson Lilja Magnúsdóttir
Þórunn Ingibjörg Pálsdóttir Hafþór Kristjánsson
barnabörn og barnabarnabörn
Ástkær móðir okkar,
tengdamóðir og amma,
Guðmunda Matthildur
Oddsdóttir
Hjúkrunarheimilinu
Skjóli í Reykjavík,
lést þriðjudaginn 21. febrúar síðastliðinn.
Helga G. Þorvaldsdóttir Jóhann Aðalsteinsson
Rúna Jóhannsdóttir
Héðinn Þorvaldsson
Hildur E. Þorvaldsdóttir
Ástkær eiginmaður minn,
faðir okkar, tengdafaðir,
sonur, bróðir okkar og mágur,
Ármann Einarsson
Básahrauni 44, Þorlákshöfn,
lést föstudaginn 10. febrúar á
gjörgæsludeild Landspítalans.
Útför hans fer fram laugardaginn 25. febrúar
kl. 13.30 í Þorlákskirkju. Útförinni verður streymt á
http://promynd.is/armanneinars og einnig má nálgast
hlekk á streymi á mbl.is/andlat
Linda Ósk Jónsdóttir
Unnur Rós Ármannsdóttir
Guðmundur J. Ármannsson Magnea Ásta Magnúsdóttir
Jón Þór Eyjólfsson
Einar Friðrik Sigurðsson Helga Jónsdóttir
Eydís Einarsdóttir Jörgen Jörgensen
Sóley Einarsdóttir Guðbjartur Örn Einarsson
og frændsystkin
Móðir okkar, amma og langamma,
Magnea Rósa Tómasdóttir
lyfjafræðingur,
Skólabraut 3, Seltjarnarnesi,
lést á Minni-Grund í Reykjavík
sunnudaginn 5. febrúar. Útför fer fram frá
Hafnarfjarðarkirkju föstudaginn 24. febrúar kl. 13.00.
Sigríður Erla Gunnarsdóttir
Áslaug María Gunnarsdóttir
Darri Gunnarsson
Ívar Karl, Ægir Sindri, Óðinn Dagur, Iða Brá, Harpa Lind,
Gunnar Dagur, Rósa Líf, Hilda Sól, Gottskálk Darri
og fjölskyldur
Ástkær móðir okkar, tengdamóðir,
amma og langamma,
Sigríður Bergsteinsdóttir
geislafræðingur,
lést á Landspítalanum Fossvogi
þriðjudaginn 14. febrúar.
Útförin verður auglýst síðar.
Bergsteinn Einarsson Hafdís Kristjánsdóttir
Örn Einarsson Steinunn Fjóla Sigurðardóttir
Sigrún Helga Einarsdóttir Sverrir Einarsson
barnabörn og barnabarnabörn
1763 Fyrstu stóru mótmæli þræla í Suður-Ameríku eiga
sér stað í Guyana.
1887 Jarðskjálfti á frönsku rívíerunni verður tvö þúsund
manns að bana.
1889 Hið íslenska kennarafélag er stofnað.
1903 Kúba afhendir
Bandaríkjunum
Guantánamo Bay
sem verður síðar að
fangelsiseyju.
1941 Glenn T. Seaborg tekst
að kljúfa plútóníum
fyrstur manna.
1981 Misheppnuð valda-
ránstilraun á Spáni.
1985 Torfi Ólafsson setur
heimsmet í réttstöðu-
lyftu í flokki unglinga,
lyftir 322,5 kílóum.
1991 Valdaránstilraun Sunthorn Kongsompong heppn-
ast í Tælandi.
2021 Óeirðir í fangelsum víðs vegar um Ekvador skilja 62
eftir í valnum.
Katrín Jakobsdóttir fagnar í dag
tíu árum á formannsstól Vinstri
grænna. Hún segir að það hafi
gengið á ýmsu og vonast til að
vera fyrirmynd fyrir ungar konur.
kristinnpall@frettabladid.is
Í dag fagnar Katrín Jakobsdóttir, for-
maður Vinstri grænna og forsætisráð-
herra, tíu árum á formannsstóli VG.
Katrín tók við embættinu þann 23.
febrúar 2013 af Steingrími J. Sigfússyni
og er í dag að leiða aðra ríkisstjórn sína
á þessum tíma
„Þetta er svolítið skrýtið, ég var ekki
búin að átta mig á að það væru komin
tíu ár. Það hljómar ægilega langt þegar
þú segir það svona,“ segir Katrín glettin
þegar talið berst að þessum tímamótum.
„Það er alltaf eitthvað í gangi og í raun
aldrei dauður tími í pólitíkinni,“ segir
Katrín sem segist í sjálfu sér ekki hafa átt
von á því að vera í tíu ár á formannsstól
þegar hún tók við embættinu.
„Ég sagði nú á sínum tíma, þegar ég
fór á þing, að ég ætlaði að vera í tvö kjör-
tímabil. Átta ár væru hámarkið. Það fór
eitthvað úr skorðum,“ segir hún kímin
og heldur áfram:
„Ég sá þetta ekki endilega fyrir mér,
þennan tíma eftir kosningarnar 2013,
að þetta yrði niðurstaðan.“
Katrín var ein í framboði á landsfundi
Vinstri grænna árið 2013 og fékk 98 pró-
sent atkvæða. Fram að því hafði hún
gegnt starfi varaformanns f lokksins í
tíu ár. Í ræðu sinni sagði hún að það gæti
aldrei orðið hversdagslegur viðburður í
lífi manneskju að taka við formennsku í
stjórnmálaflokki en sagðist vonast til að
geta gert hreyfingunni gagn og fólkinu
í landinu.
Eftir að hafa verið hluti af ríkisstjórn-
inni áður en hún tók við formannsstóln-
um var VG ekki í næstu ríkisstjórn og var
Katrín þá komin í stjórnarandstöðuna.
Hún tekur undir að það hafi gengið á
ýmsu þessi tíu ár þegar talið berst að
þessum áratug.
„Ég byrjaði auðvitað á því að tapa
kosningum, alveg stórkostlega árið
2013. Í Áramótaskaupinu var gert grín
að mér sem The Biggest Loser. Þá lendum
við í stjórnarandstöðu sem var mjög
skemmtilegur tími í f lokknum því við
þurftum að byggja okkur aftur upp eftir
ríkisstjórnina sem var í gildi frá 2009-13.
Svo koma fleiri kosningar, Svandísi Svav-
arsdóttur finnst gaman að rifja upp að
kvöldið fyrir önnur stjórnarslitin sagði
ég að það gerðist aldrei neitt í pólitíkinni
á Íslandi.“ 
Eftir því sem blaðamaður komst næst
er Katrín fyrsta konan á Íslandi sem nær
áratug á formannsstól stjórnamála-
flokks.
„Það er líklegast rétt hjá þér. Á sama
tíma er maður er að horfa á tvær starfs-
systur hverfa á braut, fyrst Jacindu
Ardern í Nýja-Sjálandi og svo Nicolu
Sturgeon í Skotlandi. Almennt hefur
kenningin verið sú að konur fái styttri
líftíma í þessum bransa. Það hefur verið
mér lærdómur í þessu embætti, stundum
líður manni erlendis eins og framandi
tegund því við erum svona fáar. Það er
með ólíkindum hvað þetta þokast hægt,
við erum enn þá fjarri því að ná mark-
miðum um jafnrétti kynjanna í heim-
inum.“
Katrín tekur undir að hún geti reynst
fyrirmynd í þeim málum.
„Vonandi get ég orðið einhverjum inn-
blástur og það verði fleiri konur sem taki
þátt í pólitík. Við höfum verið dugleg á
Íslandi að fá konur til að taka þátt en
konur virðast hafa skemmri líftíma. Það
hefur verið mikil endurnýjun á þing-
inu á þessum tíma, nokkrar kosningar,
mikil endurnýjun á hverju ári, sem er
líka umhugsunarefni hjá okkur,“ segir
Katrín sem gerir ekki ráð fyrir að fagna
tímamótunum sérstaklega.
„Ef það verður eitthvað, þá verður
það lágstemmt,“ segir forsætisráðherra
aðspurð hvort að hún myndi fagna
þessum tímamótum. n
Aldrei dauður tími í pólitík
Katrín hefur gegnt embætti forsætisráðherra í rúm fimm ár af þeim tíu árum sem hún hefur verið formaður VG. Fréttablaðið/Valli
Katrín heldur hér ræðu snemma árs
2013, stuttu áður en hún var kosin for-
maður VG. Fréttablaðið/Valli
Vonandi get ég orðið
einhverjum innblástur
og það verði fleiri konur
sem taki þátt í pólitík.
Katrí n Jakobsdóttir
16 tímamót FRÉTTABLAÐIÐ 23. FeBRúAR 2023
FImmtUDaGUR