Fréttablaðið - 23.02.2023, Blaðsíða 27
Logi Leó segir
handboðana
virðast einhæfa
við fyrstu sýn
en þeir séu í
raun margræð
tæki.
Fréttablaðið/
anton brink
Á eina hlið handboðanna er Logi
búinn að þrívíddarprenta nýjar leið-
beiningar. Fréttablaðið/anton brink
Logi Leó Gunnarsson sýnir
handboða frá gatnamótum
í listrænu samhengi á fyrstu
einkasýningu sinni í Lista-
safni Reykjavíkur.
Listamaðurinn Logi Leó Gunnars-
son setur hversdagslega hluti úr
borgarlandslaginu í nýtt samhengi
á sýningunni Allt til þessa höfum
við ekki skilið það dularmál sem
berst frá þessum hljóðgjöfum sem
stendur nú yfir í D-sal Hafnarhúss-
ins í Listasafni Reykjavíkur.
„Þeir hjá borginni kalla þetta
handboða, ég er ekki alveg viss með
það orð, þetta er einhvers konar
nýyrði og ég hef ekki getað fundið
það í neinum uppflettingum. Mér
finnst líka gott að kalla þá bara
dimsa eða boða,“ segir Logi.
Á sýningunni hefur Logi fyllt
D-sal Hafnarhússins af stýrikössum
sem standa við fjölmörg gatnamót
hér á landi og gefa til kynna hvort
óhætt sé að ganga yfir viðkomandi
götu eða ekki.
Af hverju ákvaðst þú að vinna
með þessi tæki?
„Ég á það til að heillast af hljóð-
gjöfum, fundnum eða hversdagsleg-
um hlutum sem gefa frá sér hljóð. Ég
verð hrifinn af þeirri einhæfni sem
þeir virðast búa yfir og það vekur
hjá mér forvitni til þess að kanna
möguleikann hvort það sé eitthvað
meira á bak við.“
Fylgja tækniframþróun
Boðarnir á sýningunni gefa frá sér
hljóð svo stundum má heyra eins
konar kór af handboðum óma um
D-sal Hafnarhússins. Logi kveðst þó
ekki hafa breytt neinum stillingum
í tækjunum.
„Það sem heillaði mig við þessa
gripi er að ég hugsaði að það væri
þessi eina fúnksjón sem þeir hafa
sem ég varð svo náttúrlega fyrir
vonbrigðum með af því þegar ég
fór að skoða þá, þá fylgja þeir bara
tækniframþróuninni og eru orðnir
mjög tæknilegir. Það er í raun fjöldi
hljóða sem eru í boði en ég valdi að
hafa þá stillingu sem er algengust
þar sem þeir eru í vanalegri notkun.
Sýningin er að mestu leyti á rauðu
ljósi þar sem rólegri taktur slær, svo
eru nokkrar mismunandi leiðir sem
þeir geta farið eftir og fylgt sem eru
að mestu tilviljanakenndar,“ segir
hann.
Eru boðarnir í samtali sín á milli?
„Já, ég myndi segja það. Þó að
það sé mismunandi eftir því hvort
maður kalli það tilbrigði eða stef,
það er alltaf einhver leið sem þeir
eru að fara eftir en sú leið er alltaf
tilviljanakennd. Eins og þetta sem
er í gangi núna þar sem einn ræsir
Kunnuglegir en dularfullir gripir
Þorvaldur S.
Helgason
tsh
@frettabladid.is
sig og slær í sjö sekúndur þangað til
sá næsti tekur við, sú leið er aldrei
sú sama.“
Algjörlega sjálfvirkir
Þrátt fyrir að handboðar eins og
þeir sem Logi sýnir í D-salnum séu
fremur einföld tæki er fólk ekki allt-
af með það á hreinu hvernig skuli
nota þau eins og komið hefur glöggt
í ljós hjá sýningargestum.
„Það er svo áhugavert af því þetta
eru kunnuglegir gripir og fólk svona
almennt hefur einhverja ákveðna
fyrir fram gefna hugmynd um
virkni þeirra. Sumir koma hérna inn
og halda að þeir skynji allt sem við
gerum og aðrir labba upp að þeim og
kannski slá í þá eða halda að það sé
einhver takki til að ýta á,“ segir Logi.
Til eru mismunandi gerðir af
handboðum og eru sumir þannig að
ýta þarf á hnapp til að græna ljósið
komi. Týpurnar sem Logi notar á
sýningunni eru þó alveg sjálfvirkar.
„Þessi tiltekna týpa er algjör-
lega sjálfvirk og svo eru náttúrlega
til aðrar týpur sem eru með takka
þar sem gangandi vegfarendur ýta
á hnappinn og það hefur áhrif. En
maður er aldrei alveg hundrað pró-
sent að hverju maður gengur sem er
einmitt svo áhugavert fyrir svona
algengan grip, að það sé ekki meiri
almenn þekking á þeim.“
Logi bætir við að hann hafi
heillast af margræðni þessara ein-
földu tækja.
„Það sem heillaði mig var þessi
einhæfa virkni en svo þegar maður
fer að skoða það þá er þetta ekki svo
einfalt,“ segir hann.
Sjónræn túlkun
Þrátt fyrir að Logi hafi ekki átt við
tæknilegu hlið handboðanna hefur
hann betrumbætt þá að litlu leyti til
að laga þá að sýningunni. Á einni
hlið boðans hefur hann þrívíddar-
prentað nýjar leiðbeiningar í stað
þeirra sem má vanalega finna.
„Vanalega eru leiðbeiningar um
hvernig gatnamótin liggja, þar
sem þú getur séð hvar þú byrjar, úr
hvaða átt umferðin kemur, hvort
það sé umferðaeyja, hjóla- eða bíla-
umferð. Hér er ég í raun búinn að
búa til kort yfir það hvernig hand-
boðarnir liggja í rýminu. Þú sérð
hérna að sá fyrsti er við innganginn,
svo kemurðu hérna að þessum hall-
andi eða skáskotna vegg, þessi er á
milli glugganna, svo kemur súlan
og svo langi veggurinn við hliðina
á okkur,“ segir Logi og vísar til boð-
anna í rýminu.
„Svo ofan á, þar sem er vana-
lega ör sem vísar veginn, hef ég
sett svona litla hljóðlaug sem vísar
í hljóðið sem boðarnir gefa frá sér,
svona sjónræn túlkun.“ n
Það sem heillaði mig
var þessi einhæfa
virkni en svo þegar
maður fer að skoða
það þá er þetta ekki
svo einfalt.
SÍÐASTA FIMMTUDAG Í MÁNUÐI BJÓÐA
SÖFN OG SÝNINGARSTAÐIR Í MIÐBORGINNI
UPP Á LENGDAN OPNUNARTÍMA.
UPPLAGT TÆKIFÆRI TIL AÐ BREGÐA
SÉR AF BÆ OG NJÓTA MYNDLISTAR.
FJÖLBREYTTAR SÝNINGAR OG VIÐBURÐIR!
NÁNARI UPPLÝSINGAR UM OPNUNARTÍMA OG DAGSKRÁ Á
WWW.FIMMTUDAGURINNLANGI.IS
Fréttablaðið menning 1923. Febrúar 2023
FimmTUDAgUR