Bændablaðið - 03.11.2022, Page 34

34 Bændablaðið | Fimmtudagur 3. nóvember 2022
Nýverið úhlutaði Svandís Svavars-
dóttir matvælaráðherra tæpum
585 milljónum króna í formi
styrkja Matvælasjóðs. Lýsti
hún, við það tilefni, yfir ánægju
sinni vegna jafns kynjahlutfalls
þeirra er sóttu um, auk þess hve
aðdáunarverður væri sá sköpunar-
kraftur og sú áræðni er um-
sækjendur byggju yfir.
Styrkir sjóðurinn almenna þróun
og nýsköpun við framleiðslu og
vinnslu matvæla og hliðarafurða
úr landbúnaðar- og sjávarafurðum
auk stuðnings við vöruþróun og
markaðssókn á erlendum mörkuðum.
Heilsuvörur sem seljast vel
Fyrirtækið Eylíf er eitt þeirra er
hlutu styrk Matvælasjóðs nú í ár,
en heilsuvörur þess, sem komu á
markað í janúar 2020, innihalda
hrein íslensk hráefni sjálfbærra
auðlinda. Þar má telja kalk og
smáþörunga, GeoSilica kísil,
kítósan, sem eru náttúrulegar trefjar
unnar úr skelfiski, og íslenskar jurtir
svo eitthvað sé nefnt, en vörurnar
eiga að hafa góð áhrif á bein, hár
og húð auk þess sem þær eiga að
bæta almenna virkni og líðan liða,
meltingar og lifrar.
Stofnandinn, Ólöf Rún Tryggva-
dóttir, tekur fram að samstarfsaðilar
hennar á Grenivík, sérfræðingarnir
hjá Pharmarctica, séu algerlega
ómetanleg. Þau taka þátt í þróuninni
með sérfræðingum frá Matís, gera
formúleringar og prufulotur auk þess
að standa í framleiðslunni sem er
algerlega í þeirra höndum.
„Framleiðslan hjá þeim er
undir GMP gæðastaðli sem mér
finnst mjög mikilvægt fyrir
vörurnar. Þórunn I. Lúthersdóttir
er í fararbroddi í þróun og
samsetningum á Eylíf vörunum hjá
þeim,“ segir Ólöf brosandi.
Hún segir sölu heilsuvaranna
hafa gengið vonum framar frá
upphafi. „Fyrsta árið seldum
við lagerinn upp, trekk í trekk,
byrjuðum í janúar 2020 og tókum
stórt stökk á íslenska markaðinn.
Vöxturinn var mikill á milli fyrstu
tveggja áranna, eða 100%, en núna
er salan orðin stöðug og við sjáum
kannski fram á 10-15% vöxt nú í
ár, sem er eðlilegra.“
Segir Ólöf styrk Matvælsjóðs,
alls 10 milljónir króna, koma
sér vel, en alveg frá upphafi var
áætlað að koma vörum Eylífar á
markað erlendis.
Jákvætt sé hversu góðar viðtökur
íslenska markaðarins hafa verið, en
með aukinni þróunarvinnu ættu nú
allir agnúar að vera af sem kunna að
hafa verið á vörunum síðastliðin tvö
ár og því tímabært að halda utan.
Stefnan tekin utan landsteinanna
Stefnan er tekin, fyrst um sinn,
á breskan og þýskan markað, en
þannig hittist á, til viðbótar við
styrk Matvælasjóðs, að Ólöfu var
boðið á viðburð bresk-íslenska
viðskiptaráðsins sem var haldinn
í íslenska sendiráðinu í London í
byrjun októbermánaðar.
Eylíf er eitt átta íslenskra
sprotafyrirtækja sem boðið var að
sækja viðburðinn, þar sem fræðst var
um breskan markað, forsvarsmenn
þarlendra verslanakeðja kynntu
fyrirtæki sín auk almennrar
tengslamyndunar. Að auki hefur
Ólöf komist í samband við
þýskan viðskiptafulltrúa í íslenska
sendiráðinu í Berlín, sem hefur
aðstoðað marga við að tengjast
fyrirtækjum í Þýskalandi.
Eins og staðan er
núna hefur stefnan
verið sett á að hittast
snemma næsta árs
en þá verður haldinn
slíkur viðburður
tengingar og munu
líklega fleiri íslensk fyrirtæki mæta
á staðinn. Til viðbótar komust vörur
Eylífs á vef- og sölusíðuna Amazon.
com fyrir skemmstu og mun sala
á varningnum vera í boði á næstu
mánuðum.
„Þetta var svo frábær tímasetning
og allt á sama tíma,“ segir Ólöf
sem hefur, eins og staðan er núna,
skráð vörumerki sitt í 30 löndum.
Umbúðamerkingarnar eru allar á
ensku enda stefnir hún á frekari
útflutning síðar, bæði til fleiri landa í
Evrópu og svo til Bandaríkjanna – en
það að vera með vörumerkið skráð
auðveldar ferlið fyrir þá sem vilja
selja vörur Eylífar í sínu landi. Ólöf
sér fyrir sér að ef dreifingaraðilar
erlendis kjósi að hafa merkingarnar
á sínu eigin tungumáli muni
þeir sjá um það auk markaðs-
setningar enda álagningin
næg til þess.
Verkefnum úthýst til
að auðvelda vinnslu
Að sögn hefur Ólöf úthýst
öllum verkefnum sem hún
getur ekki gert sjálf frá
upphafi, en starfað ein
að verkefninu þar til nú í
ágúst sl. þegar ráðinn var
inn sölufulltrúi til að sjá
um íslenska markaðinn.
„Sérfræðingar hjá Matís eru
mér innan handar varðandi þróunina,
í samstarfi við Pharmarctica, auk
þess að kaupa öll hráefni
tilbúin af íslenskum fram-
leiðendum. Með því að
einfalda þannig ferlið og
viðskiptamódelið og til að
halda kostnaði í lágmarki,
þá úthýsi ég semsagt öllum
sérfræðiverkefnum á borð
við vöruþróun, framleiðslu,
dreifingu, greinaskrifum,
hönnun, markaðssetningu
á netinu og fleira. Þannig
hefur litla sprotafyrirtækið
sem á Eylíf verið rekið með
hagnaði frá byrjun. Það
finnst mér alveg einstakt og
frábært,“ segir Ólöf, ánægð
með framgang mála. „Þegar salan
hefst svo erlendis,“ bætir hún við,
„mun ég þurfa að ráða starfsfólk
í viðskiptaþróun á erlendum
mörkuðum með það fyrir augum að
auðvelda bæði ferlið og kynningu
út fyrir landsteinana og gera mér
þannig hlutina sem auðveldasta.
Með hægum skrefum er best
að stefna á sölu erlendis, lýkur
hún máli sínu, því þetta eru stórir
markaðir og mjög dýrt að skala sig
upp, sérstaklega með tilliti til þess
að ég stefni á að vera áfram eini
eigandinn.
LÍF&STARF
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Hrein íslensk hráefni sjálfbærra auðlinda
– Styrkþegi Matvælasjóðs stefnir á útrás
Kynningarfundurinn til London, á myndinni eru, auk Ólafar sem stendur fyrir miðju, Þór Sigfús og Alexandra
Leeper frá Sjávarklasanum, Hrönn Magnúsdóttir frá Feel Iceland og Guðmundur Fertram frá Kerecis.
Sigrún Pétursdóttir
sigrunpeturs@bondi.is
Sleipnisbikarinn kominn á Hóla
Bændasamtök Íslands afhentu
Háskólanum á Hólum Sleipnis-
bikarinn til varðveislu.
Verðlaunagripurinn er æðsta
viðurkenning sem veitt er í hrossarækt
og hlýtur sá stóðhestur sem efstur
stendur í heiðursverðlaunum fyrir
afkvæmi á landsmóti. Fyrstur til
að hljóta verðlaunin var Skuggi frá
Bjarnanesi á landbúnaðarsýningunni
1947. Í sumar var Sjóður frá Kirkjubæ
verðlaunaður og var það í 26. skipti
sem farandgripnum var úthlutað.
Bændasamtökin verða áfram
eigendur gripsins en Háskólanum
á Hólum verður falið að vernda
bikarinn og hafa sýnilegan milli
landsmóta. Hann verður varðveittur
í sýningarsal Söguseturs íslenska
hestsins á Hólum. Við afhendingu
gripsins og undirskrift samnings um
varðveislu hans var haldin athöfn á
Hólum. Hólmfríður Sveinsdóttir rektor
og Gunnar Þorgeirsson, formaður BÍ,
fluttu ávörp í tilefni þess.
Þó svo að fyrsta afhending
Sleipnisbikarsins hafi verið árið 1947
á Íslandi má rekja sögu hans aftur til
19. aldar. Á honum kemur fram að
hann hafi verið smíðaður í London
á valdatíma Viktoríu drottningar og
fyrst veittur sem verðlaunagripur
í kappreiðum árið 1857. Íslenskur
útgerðarmaður keypti hann á
uppboði í London á tímum seinni
heimsstyrjaldarinnar og keyptu
íslenska ríkið og Búnaðarfélag Íslands
bikarinn af honum.
Verðmæti bikarsins er mikið, en
hann er sérlega vandað handverk og
búinn til úr fjórum kílóum af hreinu
silfri. /ÁL
Sleipnisbikarinn var afhentur Háskólanum á Hólum til varðveislu við hátíðlega
athöfn 28. október síðastliðinn. Mynd / BÍ