Fréttablaðið - 16.03.2023, Qupperneq 26

Þórdís Lilja
Gunnarsdóttir
thordisg
@frettabladid.is
Fatahönnuðurinn Bára Atla
er sú þrjóskasta undir sól-
inni. Hún stofnaði tískuhús
í stað þess að kaupa sér íbúð,
hannar kjóla sem gera allar
konur glæsilegar og hefur
selt aðhaldssamfelluna sína
í þúsundavís.
„Ég hef alltaf haft áhuga á að
sauma og vinna með höndunum.
Á yngri árum stundaði ég að
kaupa notaðar f líkur í Kolaport-
inu og breyta þeim eftir henti-
semi – bæta við blúndu að neðan,
þrengja, stytta og jafnvel sauma
tvær til þrjár f líkur saman í eina
svo þær myndu klæða mig eins
og ég vildi að þær klæddu mig. Í
menntaskóla fór mig svo að langa
í f líkur sem ég fann ekki í búðum
á Íslandi og fór þá að sauma mér
klæðnað fyrir hin og þessi tilefni.
Eftir nokkur ár af því kviknaði
áhugi hjá mér á að prófa að selja
saumaskapinn minn og þá varð
ekki aftur snúið.“
Þetta segir fatahönnuðurinn
Bára Atla sem stendur á þrítugu og
er fædd og uppalin í Breiðholtinu.
„Ég hef almennt gaman af lífinu
og elska vinnuna mína. Ég er
sjúklega stolt af sjálfri mér fyrir að
hafa á sínum tíma þorað að hoppa
út í djúpu laugina og opna mína
fyrstu verslun á Laugaveginum.
Valið stóð á milli þess að kaupa
mér mína fyrstu íbúð eða skella
íbúðarsparnaðinum í að kaupa
milljón metra af efnum, fara út
í eigin rekstur og opna verslun,“
segir Bára sem hélt að það væri
nóg að opna búð á Laugaveg-
inum og þá kæmu kúnnar
inn í hrönnum til að
kaupa það sem hún væri
að selja.
„En það var heldur betur
ekki þannig og ófá tárin sem
runnu fyrsta árið þegar ég sat ein
á Laugaveginum án þess að inn
kæmi kúnni heilu dagana. Þá var
annaðhvort að duga eða drepast,
gjöra svo vel að læra markaðs-
setningu eða loka þessari búllu.
Sem betur fer er ég það þrjóskasta
undir sólinni, lærði að markaðs-
setja búðina betur og betur, og gat
á endanum flutt úr 60 fermetrum
á Laugavegi yfir í 600 fermetra í
Mörkinni þar sem við erum með
verslunina og saumastofu í dag,“
segir Bára innan um glæst efni,
munstur og snið á saumastofu
sinni.
Fallegt fyrir allan vöxt
Bára er mikil kjólakona og sést
mun oftar í fallegum og þægi-
legum kjól og kápu, frekar en
buxum og bol.
„Það er dagamunur á því
hvernig ég vil klæða mig og þótt
ég eigi mér enga eina uppáhalds
f lík á ég mér nokkur uppáhalds
snið. Fötin sem ég hanna eru mjög
svo kvenleg. Ég reyni alltaf að
undirstrika að manni eigi að líða
vel í f líkunum sem maður klæðist.
Svo vöndum við valið á efnunum
sem við vinnum með og reynum
að nota eingöngu efni sem endast
og endast, breytast ekki við þvott
og hægt er að nota í ræmur án þess
að sjáist á þeim,“ segir Bára sem
hannar glæsilega kjóla, kápur og
f leira fyrir konur í öllum stærðum.
„Það skiptir mig miklu máli að
kona í hvaða stærð sem er geti
labbað inn til okkar í Brá Verslun
og fundið eitthvað fallegt sem
klæðir hennar vöxt. Alveg sama
í hvaða stærð eða hæð hún er.
Stærðir eiga ekki að skipta neinu
máli og því reyni ég að einbeita
mér að því að hanna góð snið sem
henta f lestu vaxtarlagi. Kosturinn
við okkar hönnun og framleiðslu
felst að miklu leyti í því að sauma-
stofan okkar er á sama stað og
verslunin í Reykjavík og því getum
Setti íbúðarsparnaðinn frekar í tískuhús
Glæsilegur fjólublár síðkjóll.
við stytt, þrengt eða aðlagað flest
snið eftir líkama hvers og eins.
Útlit er hugarástand
Þegar Bára Atla hannar f líkur
hugsar hún fyrst og fremst um
þægindi og það að manneskjan
sem klæðist þeim öðlist aukið
sjálfsöryggi.
„Það er klárlega þannig að þegar
manni líður vel – þá lítur maður
betur út. Það er eitthvað við það að
klæða sig örlítið upp – þótt það sé
bara varalitur eða uppáhalds háls-
menið – því sjálfsöryggi getur gjör-
breytt útliti manns þann daginn.
Það þekkja líklegast allir hvað ein
óþægileg f lík getur skemmt fyrir
manni daginn – krullaður sokkur
í skónum eða snúin brók – og
maður getur orðið geðvondur í
heilan dag. Útlit er nefnilega
ekkert annað en hugar-
ástand og ef manni líður vel
þá blómstrar maður,“ segir
Bára sem sökum annríkis er
hætt að taka að sér sérsaum,
en hún sér um alla hönnun
og markaðssetningu á
merki sínu Brá, ásamt
því að panta allt
sem þarf til að reka
saumastofu og
verslanir í Reykja-
vík og á Akureyri,
á meðan flinkt
starfsfólk hennar
sér alfarið um
framleiðsluna
heima og ytra.
Spurð um vinsælustu
flíkina sem hún
hefur hannað,
svarar Bára:
„Það er
algjörlega
óvænt
og óvart
aðhaldssam-
fellan góða.
Mig vantaði
f lott „outfit“
fyrir partí árið
2017 og saumaði mér
svartan mesh-kjól með
blúndurúllukraga. Mig
sárvantaði svo eitthvað
undir þennan gegnsæja kjól
og skellti saman samfellu
úr þéttu spandex-efni sem
ég átti afgangs og saumaði
blúndu ofan á hana því
ég nennti einfaldlega
ekki að sauma á hana
mjóa hlýra. Þessi
blessaða samfella
hefur æ síðan gjör-
samlega tröllriðið
öllu, selst upp trekk
í trekk síðastliðin sex
ár og tæp 6.000 eintök
seld!“ n
Aðhalds-
samfellan
góða sem frá
fyrstu tíð hefur
selst eins og heitar
lummur.
Þokkafullur kjóll með fögru mynstri.
Það skiptir mig
miklu máli að kona
í hvaða stærð sem er geti
labbað inn til okkar og
fundið eitthvað fallegt
sem klæðir hennar vöxt.
Hér er
Bára Atla
í glæstum
kjól utan yfir
buxur.

Fallegir
litir, mynstur
og kvenlegir
kjólar.
Nýjasta
tískan fyrir
vor og sumar
komanda.
Hér
má sjá vin-
sælustu sniðin.
MYNDIR/AÐ-
SENDAR
Bára Atla grét ófáum tárum fyrsta árið sem hún rak búðina á Laugavegi, en gafst ekki upp og hélt áfram á þrjóskunni. FRÉTTABLAÐIÐ/VALLI
6 kynningarblað A L LT 16. mars 2023 FIMMTUDAGUR