Arkitektúr og skipulag - 01.09.1989, Page 72

mm
UM SKIPULAG A GELDINGANESI
Hinn 19. júlí s.l. auglýsti Reykjavíkurborg samkeppni um
skipulag á Geldinganesi. Um er að ræða hugfnyndasamkeppni
og binda borgaryfirvöld miklar vonir við að þær tillögur og
hugmyndir, sem fram koma, geti orðið traustur grundvöllur
að menneskjulegu umhverfi og blómlegu mannlífi á þessum
fallega stað í borgarlandinu. Takmarkið er að reyna að sjá
fyrir sér á hvem hátt við getum búið best saman í þéttbýli
miðað við íslenskar aðstæður.
Viðfangsefni keppninnar er að kanna byggingarmöguleika á
Geldinganesi sem frá náttúrunnar hendi er að mörgu leyti
sérstætt sem byggingarsvæði. Þar sem um hreina
hugmyndasamkeppni er að ræða, eru keppendum gefnar frjálsar
hendur um byggingarmagn og byggingarform.
ítrekað er að aðallega er gert ráð fyrir íbúðabyggð, auk svæðis
undir atvinnu- og þjónustustarfsemi.Ahersla er lögð á
umferðaröryggi og að gegnumakstur um íbúðahverfi verði
sem minnstur. Gera skal grein fyrir flokkun gatna. Æskilegt
er að Geldinganesið verði tengt á tveimur stöðum við þegar
ákveðna stofnbraut. Engin íbúðarhús hafi beina aðkomu frá
safngötum. Huga skal sérstaklega að gönguleiðum skóla-
bama svo og göngutengslum við þjónustu stofnanir. Sýna skal
leiðiralmenningsvagna. Stefnaskal aðþví aðekki verði meira
en 500 metra göngufjarlægð að biðstöðvum.
Gera skal ráð fyrir 6-7 ha. íþróttasvæði, auk aðstöðu fyrir
siglingaíþróttir og almenningsíþróttir að sumri sem vetri.
/
Ahersla er lögð á að góðir göngu- og reiðhjólastígar séu milli
útivistar-, íbúða- og þjónustusvæða. Þess skal gætt að byggð
falli vel að landi og tillit sé tekið til veðurfars og annarra
umhverfisþátta.
Gögn varðandi keppnina verða afhent af trúnaðarmanni
dómnefndar í Byggingaþjónustunni, Hallveigarstíg 1,
Reykjavík. Keppnislýsing verður látin í té endurgjaldslaust,
en fyrir.önnur keppnisgögn skal greiða skilatryggingu að
fjárhæð kr. 5.000,00. Tillögur skal afhenda trúnaðarmanni
eigi síðar en 13. desember 1989, kl. 18.00 að íslenskum
tíma. ■ \