Harmonikublaðið - 15.05.2020, Blaðsíða 5

Vetrarstarf hjá hljómsveit og stjórn FHUR
vorið 2020
Við styrkveitinguna í Fannahlíð vegna landsmótsins. Elísabet formaður, Gyða varaformaður, Helgi gjaldkeri og Friðjón
landsmótsnefndarmaður
Engum hefur dulist að við lifum núna á
undarlegum tímum. En árið byrjaði ágætlega.
Við héldum okkar fyrsta dansleik í janúar, með
góðum hljóðfæraleikurum og skemmti fólk sér
vel að vonum. Þorrablótið var þrusugott að
vanda, með nóg af skemmtilegu fólki og
frábærum mat. Danstónlistin var fín og hélt fólk
nokkuð lengi út og hefði sjálfsagt dansað lengur
ef það hefði vitað hvað yrði framundan.
Skemmtinefndarformaðurinn Friðjón, greinir
nánar frá þessum atburðum annars staðar í
blaðinu. Hljómsveitaræfmgar hófust um miðjan
janúar og útlit var fyrir að æfingar myndu standa
fram í lok júní eða fram að komandi landsmóti.
Við gerðum ráð fyrir að halda skemmtifund í
Breiðfirðingabúð 14. mars og dansleiki í mars
og apríl sem við þurftum að aflýsa. Hljómsveitar-
æfingar voru stundaðar fram í miðjan mars af
miklum krafti en svo tóku við heimaæfingar
með eða án undirleiks tölvunnar vegna
samkomubannsins og tveggja metra fjarlægðar-
innar. Við fengum aðstöðu í Hörpuhorninu á
Harmonikudaginn en seinkuðum svo frá 2. maí
til 21. maí, en þegar í ljós kom að við gætum
ekki æft í maí, felldum við viðburðinn niður.
Við tókum ákvörðun um að fresta landsmótinu
um ár. Því þó að reglur yrðu breyttar í byrjun
júlí þá hafa hljómsveitir ekki geta æft og mikill
vandi með allt sem lyti að lokaundirbúningi
mótsins. Við fengum styrk frá Uppbyggingarsjóði
Vesturlands og höfðum fengið helminginn
greiddan og seinni hluti bíður næsta árs með
velvild þeirra sem sáu um styrkveitinguna. Sem
betur fer mættum við skilningi hjá öllum þeim
14 aðilum sem við höfðum áður haft samband
við og pantað ýmislegt sem til þurfti við
landsmótshaldið. Svo verður bara taka tvö ári
síðar og við höldum áfram með undirbúnings-
vinnuna og vonum að allt gangi okkur öllum
í hag. Stjórnin hélt tvo formlega fundi á árinu
sem voru 9. og 10. fundur stjórnar frá maí 2019.
Önnur mál voru reifuð með póstsendingum og
símhringingum. Við fengum beiðni um
styrkveitingu vegna útgáfu geisladisks og
ákváðum að styðja viðkomandi, líkt og félagið
hefur áður gert. Við vonumst til að geta haldið
aðalfund í lok maí ef fjarlægðartakmörkunum
verður aflétt. Við höfum aðeins hugsað til
mótsins að Borg með óvissu en munum halda
því á áætlun en mótið gæti orðið með breyttu
sniði. Bið ég ykkur öll að lifa vel, syngja, spila
og dansa og fara samt varlega heima og að
heiman. GleSilegt harmonikusumar!
Elísabet H Einarsdóttir formaður FHUR
Fisitalia
Hágæða harmonikur á góðu verði
5