Harmonikublaðið - 15.05.2020, Blaðsíða 7

Stjörnupolkinn alltaf vinsall
Unga fólkið lét sig ekki vanta
sungu við mjög góðar undirtektir, en Linda
hefur yfir að búa fágætri söngrödd, þar til
Svenni Sigurjóns vatt sér á sviðið við almenn
fagnaðarlæti og tók við keflinu. Það kom svo
í hlut Erlings Helgasonar að ljúka þorrablótinu
klukkan eitt. Fróði, Hreinn og Eggert sáu að
vanda um gítar, bassa og trommur. Tveir aðrir
dansleikir voru fyrihugaðir í vetur auk
skemmtifundar og harmonikudagsins, sem til
stóð að halda í Hörpunni. Allt þetta fór fyrir
bí af ástæðum sem öllum eru kunnar. Stjórn
og skemmtinefnd FHUR eru ekki búin að
afskrifa „Nú er lag á Borg“ um verslunar-
mannahelgina, en það verður trúlega eitthvað
fyrirferðarminna en undanfarin ár.
Friðjón Hallgrímsson Ljósmyndir: Siggi Harðar
„Nú er jrost d Fróni, jrýs í eeium bló3“
„Villi Valli“
Níræður harmonikusnillingur
Vilberg Valdal Vilbergsson, Villi Valli, heiðurs-
borgari Isaíjarðarbæjar og harmonikusnill-
ingur, er níræður um þessar mundir. Því
myndi enginn trúa sem rækist á þetta unglamb
hjólandi um götur Isafjarðar. Harmonikan
hefur fylgt honum frá barnsaldri þegar hann
var strákur á Flateyri og lífsgleðin og spuninn
verið allsráðandi í hans músík. Hann er bæði
skapandi og túlkandi listamaður og tónlistin
hefur haft forgang í lífi hans. Þær eru fjöl-
margar danshljómsveitirnar sem hann stofnaði
og stjórnaði, útsetti og samdi fyrir. Hann
hefur m.a. stjórnað Lúðrasveit Isafjarðar og
hljómsveit Harmonikufélags Vestfjarða. Hann
hefur samið fjölda laga, sem náð hafa eyrum
almennings og tveir diskar hafa komið út:
Villi Valli árið 2000 og / tímans rás árið
2008, sem tilnefndur var til íslensku tónlistar-
verðlaunanna sem einn af bestu djass diskum
það árið. Þá hefur hann spilað með fjölda
landsfrægra hljóðfæraleikara við hin ýmsu
tækifæri, t.d. í tengslum við árlegar saltfisk-
veislur í Tjöruhúsinu í Neðstakaupstað á
Isafirði. En Villi Valli er fjöllistamaður, eins
og kona hans, Guðný Magnúsdóttir, sem nú
er látin. Þau voru bæði myndlistamenn og
héldu sýningar, auk þess sem Villi er þekktur
fyrir marga skemmtilega skúlptúra. Lengst af
sinni ævi hefur Villi búið á Isafirði og sem
hárskeri haft hendur í hári ungra og eldri
og nánast allir bæjarbúar „þekktu þennan
mann“. Isafjarðarbær útnefndi Villa bæjarlista-
mann árið 2001 og í apríl 2018 samþykkd
bæjarstjórn ísafjarðar að gera hann að heiðurs-
borgara bæjarins. Hann er sannkallaður
heiðursborgari.
mrg