Ský - 01.04.2003, Page 30

IHSf Gleði ...
Þær blanda fyrir þig drykkina og færa þér matinn á Vegamótum, frá vinstri: íris, Sigga og Teresa.
Sá þrautseigi og praktíski tískuhönnuður Paul Smith sagði einu
sinni að ekkert vildi hann síður en að fatalína hans yrði sú vin-
sælasta í heiminum því eftir það gæti leiðin aðeins legið niður á við.
Lífsspeki Óla Más Ólasonar, rekstrarstjóra veitingastaðarins Vega-
móta, er á svipuðum nótum. „Við höfum aldrei verið staður númer
eitt. Þetta hefur frekar verið svona jafnt og þétt hjá okkur. Það er
líka best,“ segir hann og brosir afslappað. Vegamót er einn af þess-
um stöðum sem tekur hamskiptum eftir því hvenær vikunnar eða
sólarhringsins maður dettur þar inn; veitingastaöur og kaffihús yfir
daginn og fram á kvöld virka daga en um helgar sjóðheitt partí þar
sem einhver af plötusnúðum hússins, Robbi rapp, Gullfoss og Geys-
ir, dj Sóley eða Tommy White, er yfirleitt við fóninn. Og það er sama
hvenær maður kemur, alltaf er þéttfullt á Vegmótum þótt stemning-
in sé vissulega ólíkt afslappaðri virku dagana en á föstudags- og
laugardskvöldum. í vor ætla Vegamót að færa út kvíarnar þegar eld-
húsið verður flutt í stærra húsnæði við portið og nýr salur fyrir gesti
opnaður þar sem kokkarnir voru áður að störfum. Þar verður afdrep
frá mesta fjörinu um helgar, leðurklæddir bekkir og stólar, og tón-
listin aðeins lægra stillt. Gestirnir fá ekki aðeins meira pláss með
breytingunum heldur líka nýjan matseðil sem verður með traustum
Vegamðtablæ en líka með spennandi nýjungum á borð við óhefð-
bundnar pizzur. jk
Vinsældalistinn á barnum:
1. Bjór
2. Rauðvtn
3. Gin og tónik
Kokteill Vegamóta er Caipirinha.
Ljósmynd: PflLL STEFÁNSSON