Skinfaxi - 01.01.2020, Blaðsíða 4

4 S K I N FA X I
Fáir ef nokkrir hafa getað ímyndað sér
að upplifa á okkar tímum slíka röskun
á daglegu lífi og þá sem kórónaveiran
veldur. Hvað þá að það skuli gerast að far-
aldur geti breitt úr sér um heimsbyggðina
á þeim tímum þegar við teljum að læknis-
fræðin hafi aldrei verið jafnþróuð og langt
komin.
Það er eðlilegt að fólk spyrji sig hvað far-
aldurinn geti mögulega staðið lengi yfir og
hvaða áhrif hann muni hafa á störf okkar
allra. Sem stendur er starf allra íþrótta- og
ungmennafélaga takmarkað af þeim aðgerð-
um sem heilbrigðisyfirvöld verða að beita í
baráttu sinni til að hemja útbreiðslu veirunn-
ar í samfélaginu. Öllum ber að hlýða því.
En það þýðir ekki að horfa í gaupnir sér
og bölsótast út í ástandið. Eins og allir vita
er besta vörnin falin í hinu fornkveðna að
snúa bökum saman og vinna með öðrum að
því að tryggja framtíðina svo að hún verði
björt og góð. Það verðum við að gera.
Ljóst er að þegar faraldurinn verður að
baki munum við sjá miklar breytingar í
rekstri og starfi margra félaga. Mögulega
verður erfiðara en áður að fjármagna starf-
semi meistaraflokka með samningum fyrri
styrktaraðila. Óhjákvæmilegt er að þetta
muni leiða til niðurskurðar í rekstri hjá mörg-
um. Þetta á þó allt eftir að koma í ljós.
Stjórnvöld leggjast á árar með okkur í
íþróttahreyfingunni. Mennta- og menning-
armálaráðherra ætlar að styðja vel við
íþróttastarf. Frumvarp félagsmálaráðherra
um hlutagreiðslur veitir starfsfólki innan
íþrótta- og æskulýðshreyfingarinnar mögu-
leika á að komast í gegnum þessa tíma með
lækkuðu starfshlutfalli. Það sýnir skilning
stjórnvalda á mikilvægi hreyfingar-
innar í samfélaginu.
Nú, þegar samkomubann og
aðgerðir til að koma vánni fyrir
kattarnef standa yfir, verðum við
að nýta tímann til að byggja upp
fyrir framtíðina. Þetta er tækifæri.
Við verðum að huga bæði að
grasrótinni og sjálfboðaliðunum.
Þegar uppbyggingarstarfið
hefst verða þeir fyrstir til
að styðja félögin. Í
þeirri vinnu sem
fram undan er
þurfum við að
horfa sér á
alla starfsemi
félaganna,
bæði litlar sem stórar deildir og sérstaklega
félagsstarf sem fellur undir skipulagt íþrótta-
og æskulýðsstarf. Þetta getum við eflt og
bætt og stutt við það með ráðum og dáð.
En við verðum að gera það saman; Fólkið í
félögunum, stjórnendur félaganna og
stjórnir þvert yfir landamæri. Nú er tæki-
færið til að brjóta niður múra og snúa
bökum saman til að verða sterkari.
Ég hvet fólk innan hreyfingarinnar
til að horfa björtum augum til
framtíðar. Starf ungmenna-
félagshreyfingarinnar hefur
lengi verið mikilvægt í sam-
félaginu. Trúlega hefur aldrei
reynt meira á það en nú. En
gætum okkar á því að þótt
ferðin hafi verið erfið, þá er
leiðin til baka oft jafnerfið.
Förum því varlega og
gerum þetta saman.

Með ungmenna-
félagskveðju,
Haukur F.
Valtýsson,
formaður UMFÍ.
Efnisyfirlit
12 Kolbrún fræddist um kolefnisspor í
Finnlandi.
30 Ljúfmennin spila bandý í Digranesi. 32 Skilur eftir heilan helling af minningum
– Helga Guðrún Guðjónsdóttir.
Leiðari formanns Við getum þetta saman
20 Pepparar dagsins gefa öðrum hug-
myndir – Hildur Bergsdóttir.
6 Algirdas í Stál-úlfi sæmdur starfsmerki
UMFÍ.
8 Grýlupottahlaupið 50 ára.
10 Margrét og María dvöldu í tvær vikur í
Ungmennabúðum UMFÍ.
14 COVID-19 og áhrifin á íþróttastarfið.
16 Hvernig líst fólki á ástandið?
19 Ráð frá félögum.
21 Mikilvægt að einstaklingar upplifi að
þeir tilheyri hópi – Auður Inga.
22 Fimm ráð til að fjölga sjálfboðaliðum.
23 Allt íþróttastarf fellur niður.
24 Breyttir tímar kalla á fjarvinnu.
26 Hvernig verður framtíðin eftir Covid-19?
28 Vill meiri stuðning við fræðslu og
rannsóknir – Soffía Ámundadóttir.
29 Mikilvægt að hugsa um iðkendur og
félagsmenn.
34 Mælir með netnámskeiði í samkomu-
banni.
36 Út að ganga á hverjum degi.
37 Hreyfingin er hluti af daglegri rútínu
– Örn Guðnason.
38 Þorvaldsdalsskokkið.
40 Mikilvægt að njóta þess að hreyfa sig.
42 Stofna púttdeild 60+ í Skagafirði.