Skinfaxi - 01.01.2020, Blaðsíða 19

S K I N FA X I 19
Skarphéðinn Magnússon,
yfirþjálfari yngri flokka Knattspyrnufélags ÍA (KFÍA), lýsir því
hvernig þjálfarar hafa leyst áskoranir sem fylgja samkomubanni og
haldið sambandi við iðkendur:
„Við felum iðkendum ákveðin verkefni, sendum út heimaæfingar á
hverjum degi sem þau geta síðan leyst yfir daginn. Við nýtum Sport-
abler til að setja upp æfingar. Við sendum yngri iðkendum tækni-
æfingar sem hægt er að gera nánast hvar sem er, inni í stofu, herbergi
eða bara hægt að fara út með bolta. Eldri iðkendur fá bæði styrktar-
æfingar og hlaup sem þau geta sjálf gert heima. Við sendum styrkt-
aræfingar og svo myndband af hverri æfingu sem þau geta gert
heima. Sportabler hefur síðan sent hugaræfingar á alla iðkendur.“
Lárus Páll Pálsson,
framkvæmdastjóri Umf. Sindra á Höfn í Hornafirði, segir Face-
book-síðu félagsins vera nýtta. Þar séu ungir iðkendur hvattir til að
æfa sig heima og foreldrar til að taka þátt í leikjum með börnum
sínum. (Sjá: Facebook-síðu Sindra).
„Til þess að viðhalda áhugahvöt krakkanna höfum við hvatt þau
til að vera með keppni, eða markmið, til dæmis armbeygjukeppni,
og búa til lista sem hægt er að merkja við þegar viðkomandi hefur
náð að halda bolta á lofti 10 og svo 20 sinnum og þar fram eftir
götunum.“
Ráð frá félögum
Hvernig er hægt að halda virku sambandi við iðkendur í samkomubanni?
Sigurður Guðmundsson,
framkvæmdastjóri Ungmennasambands Borgarfjarðar (UMSB):
„UMSB nýtti sér strax samfélagsmiðla til að koma skilaboðum til iðk-
enda. Einnig er verið að vinna efni sem fer inn á Sportabler-kerfið
sem við notum sem samskiptavettvang við þjálfara, iðkendur og
aðstandendur. Það fyrsta sem við gerðum var að halda fund með
formönnum þeirra félaga og/eða deilda sem eru með skipulagt
starf í gangi hjá okkur og fórum yfir stöðuna. Við brýndum fyrir öllum
mikilvægi þess að halda áfram að hreyfa sig. Við tókum strax upp
stutt myndbönd þar sem sýndar eru æfingar sem hægt er að gera
inni í stofu heima eða úti í náttúrunni. Það er mikilvægt að íþrótta-
menn nýti öll tiltæk ráð og tækifæri til að halda sér við.“