Skinfaxi - 01.01.2020, Blaðsíða 34

34 S K I N FA X I
Iðkendur fimleikadeildar Hattar á Egilsstöðum.
„Ég lærði heilmikið á netnámskeiði Æskulýðsvettvangsins. Ég ætlaði
að kynna það fyrir þjálfurum Hattar fyrir haustið en ákvað að prófa að
taka námskeiðið fyrst sjálf í vor. Mér fannst þetta mjög gagnlegt og það
opnaði augu mín. Maður rennur
auðvitað í gegnum sum verkefni
þess. En önnur þarf maður að lesa
vel til að halda áfram,“ segir Anna
Dís Jónsdóttir, formaður fimleika-
deildar Hattar á Egilsstöðum.
Anna var á meðal þeirra sem
sat kynningarfund um netnám-
skeið Æskulýðsvettvangsins á
Egilsstöðum í byrjun árs. Eins og
ætíð var mikið að gera hjá öllum
þjálfurum. Anna hafði því hug á
að kynna netnámskeiðið í róleg-
heitum innan félagsins og tryggja
að sem flestir myndu taka það,
þegar starfið róast fram eftir ári og
inn í haustið.
„Eftir að samkomubannið var sett á var allt í einu afar lítið að gera
hjá öllum. Við erum með alla þjálfara á launum en enga starfsemi í
gangi. Ég sé fyrir mér að þjálfararnir nýti tímann og taki netnámskeið-
ið til að bæta sig sem starfsmenn og gæði starfsins um leið. Þetta er
besti tíminn til þess,“ segir hún og bætir við að auðvitað megi finna
í námskeiðinu eitt eða annað sem finna megi á sambærilegum
námskeiðum. En heilmikið sé líka
af nýjungum. „Það er öllum hollt
að rifja upp það sem maður er
búinn að læra. Þótt ég hafi farið
áður á sambærileg námskeið hef
ég sem betur fer aldrei lent í þeim
aðstæðum að þurfa að nýta mér
lærdóminn. En hann er nauðsyn-
legur. Þetta er eins og með aðra
þekkingu. Maður þarf að halda
henni við og bæta við hana. Það
gerir maður á netnámskeiðum
Æskulýðsvettvangsins. Ég mæli
algjörlega með því,“ segir Anna.
„Þetta er mjög einfalt. Þegar
maður fer aftur á námskeiðið þarf
að lesa sumar spurningarnar vel.
Aðrar eru einfaldar. En mér finnst þetta mjög þarft. Þetta er ekkert
síðra en önnur skyndihjálparnámskeið. Þarna lærir maður að hjálpa
börnum í þessum aðstæðum.“
Mælir með netnámskeiði í samkomubanni
Anna Dís hjá fimleikadeild Hattar á Egilsstöðum tók í byrjun árs netnámskeið
Æskulýðsvettvangsins í barnavernd. Hún segir mikilvægt að halda þekkingunni
við og mælir með því að þjálfarar og allir þeir sem vinna með börnum taki það.
Sema Erla Serdar ásamt hópi fundargesta sem viðstaddir voru þegar
netnámskeið Æskulýðsvettvangsins var ýtt úr vör í byrjun árs 2020.