Skinfaxi - 01.01.2020, Blaðsíða 8

8 S K I N FA X I
Upphafsmenn Grýlupottahlaupsins voru bræðurnir Sigurður og
Guðmundur Kr. Jónssynir. Þeir ákváðu að standa fyrir hlaupi fyrir
unga Selfyssinga með sama sniði og ÍR gerði í Reykjavík. Með
því var hægt að slá tvær flugur í einu höggi, þ.e. að hvetja heimamenn
á Selfossi til að taka enn virkari þátt í íþróttastarfi og styrkja um leið
innviði frjálsíþróttadeildarinnar og Ungmennafélagsins. Fyrsta Grýlu-
pottahlaupið var hlaupið í janúar 1969.
Foreldrar geta hlaupið með börnum sínum
Grýlupottahlaupið er röð sex hlaupa sem hlaupin eru í vetrarlok og
byrjun vors. Fyrirkomulag hlaupsins hefur haldist nánast óbreytt frá
byrjun. Þátttakendur voru ræstir tveir og tveir í einu, með 10 sekúndna
millibili, allt til ársins 2013, þegar farið var að ræsa sex og sex í einu
með hálfrar mínútu millibili. Þannig gefst félögum tækifæri til að etja
kappi hver við annan, systkini geta fylgst að og foreldrum gefst kostur
á að hlaupa með börnum sínum. Þeir sem taka þátt í fjórum hlaupum
eða fleiri fá sérstaka viðurkenningu og þá eru veitt verðlaun fyrir besta
samanlagðan tíma úr fjórum hlaupum.
Leiðina þekkja flestir Selfyssingar enda hefur hún lítið breyst. Í upp-
hafi voru hlaupararnir ræstir við gamla íþróttahúsið og hlupu austur
Engjaveg inn á golfvöllinn og niður að hraunbollunum, Grýlupottun-
um, og til baka, alls um 850 metra. Árið 2013 voru gerðar breytingar
á hlaupaleiðinni af öryggisástæðum þar sem ekki var lengur óhætt að
hlaupa á sjálfum Engjaveginum. Nýja leiðin er mun öruggari en jafn-
löng og sú fyrri, um 850 metrar. Ræst er við nýju stúkuna á Selfoss-
velli, hlaupið út af vallarsvæðinu meðfram Engjaveginum í austur, að
Grýlupottunum við Gesthús og áfram eftir malarstíg áður en beygt er
til hægri og endað inni á nýja frjálsíþróttavellinum. Lokaspretturinn er
100 metra langur á hlaupabrautinni á vellinum.
Fyrstu árin var hlaupið á tveggja til þriggja vikna fresti. Fyrstu hlaupin
fóru fram um miðjan janúar en síðustu hlaupin í lok apríl eða byrjun maí,
allt eftir veðri. Fyrir kom að aflýsa þurfti hlaupi vegna veðurs. Þá kom
það fyrir vegna snjóþyngsla að traktorsgrafa var fengin til að ryðja leið-
ina frá Engjavegi og niður að Grýlupottunum svo að hlaupararnir gætu
komist leiðar sinnar klakklaust. Tímar hlauparanna fyrstu tíu árin stað-
festa líka að veður og færð settu oftar en ekki mark sitt á hlaupin. Enn
GRÝLUPOTTAHLAUPIÐ
50 ára Grýlupottahlaupið á Selfossi dregur nafn sitt af
hraunbollum sem standa á túninu fyrir neðan
Engjaveg, skammt frá íþróttavellinum.