Skinfaxi - 01.01.2020, Blaðsíða 42

42 S K I N FA X I
„Það er félagslega dásamlegt að stunda golf
og pútt með vinum sínum. En svo er þetta
líka góð hreyfing fyrir fólk á öllum aldri,“
segir Kristján Bjarni Halldórsson, for-
maður Golfklúbbs Skagafjarðar.
Klúbburinn fagnar 50 ára afmæli í haust
og ætlar í tilefni tímamótanna að stofna
púttdeild fyrir 60 ára og eldri.
Tóku vel í hugmyndina
„Við fengum hugmynd um það í vor að
stofna púttdeild fyrir eldri borgara í Skaga -
firði, fólk sem er ekki endilega mikið áhuga -
fólk um golf en langar til að hitta annað fólk
og vera í samneyti við aðra. Ég talaði við þá
sem eldri eru í klúbbnum og þeir tóku mjög
vel í hugmyndina,“ segir Kristján og bætir
við að öll aðstaða fyrir golfáhugafólk í
Skagafirði sé mjög góð.
Aðstaða í Borgarflöt
„Við erum með aðstöðu inni í Borgarflöt.
Þar eru golfhermir, aðstaða til að slá í net
og lítill púttvöllur. Þarna hafa félagsmenn í
klúbbnum æft sig fyrir sumarið. En svo
höfum við verið með púttmót og kennt
golf í herminum. Eldri kylfingar hafa komið
þangað en ekki reglulega. En þeir sem
Pútt er gott fyrir
þá sem vilja sinna
skemmtilegri
íþrótt og hreyfa sig hæfilega mikið
– segir formaður Golfklúbbs Skagafjarðar
Stofna púttdeild 60+
í Skagafirði:
Eldri kylfingar á golfvellinum í Skagafirði um miðjan október 2019.
Reynir Barðdal og kona hans, Helena Svavars-
dóttir, fastagestir á golfvellinum.
Kristján Bjarni Halldórsson,
formaður Golfklúbbs Skagafjarðar.
Kristján Bjarni ásamt félögum sínum í „Enska
hollinu“ á golfvelli á Englandi.
koma bjóða öðrum með sér sem stunda
ekki golf en hafa áhuga á nýju og skemmti-
legu tómstundagamni sem krefst ekki mikill-
ar hreyfingar. Með stofnun púttklúbbsins
horfum við til þess að þeir komi reglulega til
að æfa sig og hitta aðra og styrkja þannig
félagslega þáttinn,“ segir Kristján.
Í góðu samstarfi
Stofnun púttdeildarinnar er í góðu sam-
starfi við Sveitarfélagið Skagafjörð, sem er
heilsueflandi samfélag.
Kristján segir það haldast í hendur: „Við
leggjum auðvitað áherslu á það að pútt er
góð hreyfing á allan hátt fyrir fólk á öllum
aldri. Starfsfólk sveitarfélagsins hefur af
þeim sökum tekið vel í hugmyndina. En
svo kom COVID og þá fór allt starfið á
hliðina. Við bíðum bara eftir því að faraldur-
inn gangi yfir og þá höldum við áfram og
förum á fullt að kynna starf klúbbsins betur
í sveitarfélaginu.“
Félagsmenn í Golfklúbbi
Skagafjarðar eru:
160
HVAÐ ER
AÐ FRÉTTA?