Bókatíðindi - 01.12.2021, Blaðsíða 23

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I Endurútgáfa B Ó K A T Í Ð I N D I 2 0 2 1
D F
Drekar, drama og meira í þeim dúr
Rut Guðnadóttir
Flissandi fyndin en hádramatísk saga um vinkonurnar
Millu, Rakel og Lilju sem ramba á dularfullan,
vængjalausan dreka í lagerhúsnæði í Smáralind. Eins
og þær eigi ekki nóg með sínar rómantísku flækjur
og endalaust foreldradrama. Sjálfstætt framhald
Vampírur, vesen og annað tilfallandi sem fékk Íslensku
barnabókaverðlaunin 2020.
301 bls.
Forlagið - Vaka-Helgafell
D F C
Eldurinn
Hjalti Halldórsson
Hefur þig alltaf langað að leika lausum hala í
skólanum eftir lokun? Fara í feluleik, setja teiknibólu
í kennarastólinn, aftengja skólabjölluna. Halla,
Hildigunnur, Kári og Skarpi eru ein í skólanum, hvert
með sína ástæðu. Það stóð samt aldrei til að kveikja í …
eða hvað? Æsispennandi unglingabók!
144 bls. / H 2:45 klst.
Bókabeitan
D
Ég á þig
Hrönn Reynisdóttir
Íris Aða er á ferðalagi með foreldrum. Hún fær að
skreppa í hjólaferð sem fer öðruvísi en ætlunin var.
Hvaða hvolpur er þetta sem kemur og fer, birtist og
hverfur? Og hvað varð um strákinn sem hvarf þarna
fyrir langalöngu?
Hrönn Reynisdóttir er lesendum að góðu kunn fyrir
ungmennabækurnar um Kolfinnu. Nú skrifar hún
æsispennandi glæpasögu.
100 bls.
Bókstafur
E
Fótboltaspurningar 2021
Bjarni Þór Guðjónsson og Guðjón Ingi Eiríksson
Hver var aðalmarkvörður Ítala á EM 2020? Hvers
son er Böddi löpp? Hvaða náttúrufyrirbæri má sjá í
merki Stjörnunnar? Hvaða félag heldur Símamótið
í knattspyrnu fyrir yngri flokka stúlkna? Hvernig
er fallbyssan í merki Arsenal á litin? Hvaða þýska
Bundeslígulið hefur viðurnefnið Úlfarnir? Hér er
farið út úm víðan völl og spurt um fjölmargt úr
knattspyrnuheiminum. Fótboltaspurningarnar 2021 er
ómissandi bók fyrir knattspyrnuáhugamenn.
80 bls.
Bókaútgáfan Hólar
D
Fótbolti - allt um hinn fagra leik
Þýð.: Ásmundur Helgason
Viltu vita allt um fótboltann? Hér er farið yfir allt
sem viðkemur fótboltanum, frá uppruna leiksins til
upplýsinga um öll helstu mót heims og um bestu liðin.
Glæsilega myndskreytt með meira en 200 ljósmyndum.
128 bls.
Drápa
Ungmennabækur
G
Aðeins færri fávitar
Sólborg Guðbrandsdóttir
Aðeins færri fávitar er önnur bók Sólborgar
Guðbrandsdóttur, byggð á samnefndu
samfélagsverkefni hennar gegn stafrænu og annars
konar kynferðisofbeldi.
Hér er vangaveltum unglinga um samskipti kynjanna,
kynlíf og sambönd svarað og áhersla lögð á sterka
sjálfsmynd þeirra og sjálfsöryggi.
Fyrsta bók Sólborgar, Fávitar, var ein mest selda
bókin í fyrra.
118 bls.
Sögur útgáfa
D
Á hjara veraldar
Geraldine McCaughrean
Þýð.: Sólveig Sif Hreiðarsdóttir
Hópur vaskra drengja er sendur út í Kappadranga í
árlega manndómsvígslu að veiða sjófugl og ná í egg.
En nú kemur enginn að sækja þá. Hvað hefur gerst,
hvenær verða þeir sóttir? Þeir mega dúsa í erfiðum
aðstæðum og þegar á reynir kemur innri maður í ljós.
Spennandi, hjartnæm og vel skrifuð bók eftir Geraldine
McCaughrean. Bókin hlaut Cilip Carnegie verðlaunin.
290 bls.
Kver bókaútgáfa
D F
Banvæn snjókorn
Sif Sigmarsdóttir
Þýð.: Halla Sverrisdóttir
Hanna er nýflutt til pabba síns á Íslandi, til að ganga
í menntaskóla. Imogen er áhrifavaldur með meira en
milljón fylgjendur sem kemur til að halda fyrirlestur um
samfélagsmiðla í Hörpu. Þegar leiðir þeirra liggja saman
er önnur grunuð um morð, leitin að sannleikanum
leggur hina í lífshættu. Æsispennandi ungmennasaga
eftir metsöluhöfund.
357 bls.
Forlagið - Mál og menning
E F C
Dulstafir - bók 1
Dóttir hafsins
Kristín Björg Sigurvinsdóttir
Líf Elísu, sextán ára unglings frá Vestfjörðum,
gjörbreytist á einni nóttu þegar hún heyrir tónlist
berast frá hafinu. Tónlistin leiðir hana niður í fjöru
og ofan í undirdjúpin. Elísa dregst inn í háskalega
atburðarrás og kemst að því að hún er hluti af spádómi
ævafornrar menningar á hafsbotni. Er hún verðug þess
að bera titilinn dóttir hafsins.
288 bls. / H 9:32 klst.
Björt bókaútgáfa - Bókabeitan
Ungmennabækur
23
Ungmennabækur