Bókatíðindi - 01.12.2021, Blaðsíða 55

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I Endurútgáfa B Ó K A T Í Ð I N D I 2 0 2 1
E
Ég átti flík sem hét klukka
Endurminngar Ragnheiðar Jónsdóttur
Ragnheiður Jónsdóttir
Ragnheiður Jónsdóttir er f. 1935 á Svertingsstöðum
í Miðfirði og alin þar upp í torfbæ. Hún er yngst 11
systkina sem öll komust til fullorðinsára og fengu
menntun umfram skyldu. Lesa má um búskaparhætti
áður en tæknin ruddi sér til rúms. Ævi foreldra hennar
eru gerð skil og systkina hennar. Ragnheiður starfaði
sem kennari og bókasafnsfræðingur.
132 bls.
Eigin útgáfa
E F C
Hljóðbók frá Storytel
Fjórar systur
Saga rússnesku keisaradætranna
Helen Rappaport
Þýð.: Jón Þ. Þór
Í þessari margrómaða sagnfræðiriti er brugðið
upp lifandi myndum af stuttri ævi rússnesku
keisaradætranna, Olgu, Tatjönu, Maríu og Anastasíu.
Rúmri öld eftir andlát sitt fá þær loks rödd – með
innsýn í dagbækur þeirra og einkabréf. Við kynnumst
líka fjölskyldu þeirra, veikri móður, bróður sem þjáðist
af dreyrasýki og áhrifum furðumannsins Raspútíns.
536 bls.
Ugla
D
Guðfaðir geðveikinnar
Úr dagbókarslitrum, minningarbrotum og skjalfestum
heimildum
Brynjólfur Ingvarsson
Höfundur rekur sögu geðheilbrigðisþjónustu á Akureyri
og nágrenni, umbúðalaust og án vafninga. Ýmis atvik
sýna óvænta fordóma gagnvart geðsjúkdómum, jafnvel
þar sem þeirra var síst von. En jafnframt er hér að finna
áhugaverða ættar- og ævisögu höfundar. Höfundur
hefur áður sent frá sér ljóðabækur auk þýðinga á ritum
um geðheilbrigðismál.
108 bls.
Bókaútgáfan Sæmundur
D
Gunni Þórðar
Lífssaga
Ómar Valdimarsson
Lífshlaup Gunnars Þórðarsonar er í senn furðulegt
og stórkost legt. Fáir núlifandi íslenskir tónlistarmenn
komast með tærnar þar sem hann hefur hælana.
Þetta er saga um strák sem kemur suður og verður
fljótt fremsti dægurtónlistarmaður landsins og nýtur
virðingar og elsku þjóðarinnar. Svo fær hann nóg af
dægurtónlistinni og snýr sér að klassík og óperusmíð
með sama árangri.
240 bls.
Skrudda
Ævisögur og
endurminningar
D
11.000 volt
Þroskasaga Guðmundar Felix
Erla Hlynsdóttir
Guðmundur Felix missti báða handleggi í skelfilegu
slysi aðeins 25 ára gamall. Barátta hans hefst þó mun
fyrr, því stór áföll hafa mætt honum frá fyrstu æviárum.
Í þroskasögunni 11.000 volt fá lesendur rafmagnaða
rússíbanareið í gegnum líf Guðmundar Felix og
verða m.a. vitni að langþráðum draumi hans um nýja
handleggi verða að veruleika.
286 bls.
Sögur útgáfa
D
Á veraldarvegum
Sverrir Sigurðsson
Heillandi endurminningar Sverris Sigurðssonar um
ævintýralegan lífsferli hans. Sverrir, segir frá ætt og
uppruna en hann var fysti Íslendingurinn til að ljúka
arkitektanámi í Finnlandi. Um áratugaskeið starfaði
hann í Miðausturlöndum og Afríku sem arkitekt og
síðar sem starfsmaður Alþjóðabankans. Sérlega vel
skrifuð og áhugaverð bók sem vermir hjartarætur
lesandans.
310 bls.
Almenna bókafélagið
G F C
Barnið í garðinum
Sævar Þór Jónsson og Lárus Sigurður Lárusson
Áhrifamikil saga manns sem tekst að snúa baki við
erfiðum uppvexti. Dag einn ákveður Sævar Þór að nú sé
nóg komið, hann yfirgefur heim óreglu og lyga og leitar
sér hjálpar. Hann er einn fárra íslenskra karlmanna sem
hefur orðið fyrir kynferðisofbeldi og opnað sig um það
og hryllilegar afleiðingar þess. Upprisusaga af þjáningu,
þrautseigju, fyrirgefningu og von.
203 bls. / H 4:36 klst.
Forlagið - JPV útgáfa
D
Eyþór Stefánsson tónskáld Ævisaga
Sölvi Sveinsson
Eyþór Stefánsson (1901–1999) bjó alla ævi á
Sauðárkróki og var mikilvirkur í menningarlífi
Skagafjarðar, sérstaklega á sviði leiklistar og tónlistar.
Eftir hann eru mörg þekkt sönglög. Bókin gefur einkar
gott yfirlit um ævi Eyþórs og fjölþætt menningarlíf á
Sauárkróki á hans tíð.
327 bls.
Sögufélag Skagfirðinga
Ævi sög ur og end ur minn ing ar
55
Ævisögur og endurminningar