Bókatíðindi - 01.12.2021, Blaðsíða 64

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 2 1
D
Hjarta Íslands
Frá Hrísey til Fagradalsfjalls
Gunnsteinn Ólafsson
Myndir: Páll Stefánsson
Þriðji og síðasti hluti stórvirkis þessara höfunda um
Ísland. Nú er komið að Norðausturlandi, Austfjörðum
og Suðurlandi. Fléttað er saman náttúrulýsingu, sögu,
þjóðtrú og bókmenntum á afar læsilegan hátt. Myndir
Páls Stefánssonar eru stórkostlegar, bæði af jörðu niðri
og úr lofti.
200 bls.
Veröld
G
Hjálp fyrir kvíðin börn
Cathy Cresswell og Lucy Willets
Þýð.: Gyða Haraldsdóttir og Sólrún Ósk Lárusdóttir
Kvíðaraskanir eru algengasti tilfinninga- eða
hegðunarvandi sem greinist hjá börnum og talið er að
um fimmtán prósent barna eigi í erfiðleikum vegna
kvíða.
Þessi gagnlega handbók er skrifuð af leiðandi
sérfræðingum á sviði kvíðaraskana barna. Bókin mun
hjálpa foreldrum og öðrum sem sinna börnum að skilja
hvað veldur kvíða barnsins og að fylgja hagnýtum
leiðbeiningum til að hjálpa barninu að sigrast á
kvíðanum.
280 bls.
Skrudda
D
Hlutabréf á heimsmarkaði
Eignastýring í 300 ár
Sigurður B. Stefánsson og Svandís Rún Ríkarðsdóttir
Í bókinni er leitast við að auka skilning og gefa betri
yfirsýn yfir alþjóðlegan fjármálamarkað. Með meiri
þekkingu aukast gæði fjárfestinga og yfirgripsmeiri
skilningur verður á áhættunni sem viðskiptunum fylgir.
Hvar er að finna góða ávöxtun, í hvaða löndum er
vænlegast að fjárfesta, hvaða aðferðir er best að nota og
síðast en ekki síst, hvernig er hægt að verjast óhóflegri
áhættu?
248 bls.
Salka
G
Hugræn endurforritun - 2. útgáfa
Ingibergur Þorkelsson
Hugræn endurforritun er afar öflug sálræn meðferð sem
byggir á samþættingu meðferða þriggja sálfræðinga og
geðlækna sem kynntar hafa verið á síðustu árum og
nýjustu rannsókna í taugafræði.
Bókin er skrifuð fyrir almenning og er auðlesin og
afar fróðleg um hvernig hugurinn er upp byggður og
hvernig hægt er að
Hún kom fyrst úr árið 2020 en hefur nú verið aukin
að efni og kemur nú út sem 2. útgáfa.
236 bls.
Dáleiðsluskóli Íslands ehf.
D
Húðin - og umhirða hennar
Kristín Sam
Langar þig að:
Læra að greina þína húðgerð? Læra að velja húðvörur
sem henta þinni húð? Læra að setja saman persónulega
húðrútínu? Fræðast um innihaldsefni húðvara? Húðin
og umhirða hennar inniheldur margvíslegan fróðleik
um húðina og hvernig best er að annast hana. Kristín
Sam hefur áralanga þekkingu og reynslu af húð- og
snyrtivörum.
Björt bókaútgáfa - Bókabeitan
D I
Handan góðs og ills
Friedrich Nietzsche
Þýð.: Þröstur Ásmundsson og Arthúr Björgvin Bollason
Nietzsche er líkast til sá heimspekingur sem frægastur
er utan raða fræðimanna, hann er í senn dáður og
alræmdur. Handan góðs og ills er eitt af höfuðverkum
Nietzsches og að mörgu leyti besti inngangurinn
að heimspeki hans. Þessari vönduðu þýðingu fylgir
ítarlegur inngangur Arthúrs Björgvins Bollasonar þar
sem lífshlaup höfundarins og meginstef heimspeki hans
eru rakin.
425 bls.
Hið íslenska bókmenntafélag
G
Handbók um málfræði
Höskuldur Þráinsson
Aðgengilegt grundvallarrit um íslenska málfræði fyrir
nemendur, kennara og allt áhugafólk um íslenskt mál.
Handbók um málfræði kemur nú út í endurskoðaðri
útgáfu og tekið er tillit til breyttrar hugtakanotkunar,
nýs orðaforða og nýrrar þekkingar í málfræði.
Höskuldur Þráinsson, prófessor emeritus, er einn okkar
virtustu fræðimanna á sviði íslensks nútímamáls.
368 bls.
Forlagið - Mál og menning
G
Harður skellur
Svanhvít Vatnsdal Jóhannsdóttir
Fyrirsagnir fjölmiðla af alvarlegum umferðarslysum
eru gjarnan eitthvað á þessa leið: Harður árekstur, lítil
meiðsl. Er það virkilega svo?
Nýrri tilvist eftir fyrirvaralaust og óafturkræft
líkamstjón fylgja sorg og sárar tilfinningar, óheyrilegt
álag og yfirþyrmandi streita. Í bókinni segir höfundur
frá tveimur alvarlegum umferðarslysum og afleiðingum
þeirra. Sorg sinni og sigrum.
158 bls.
LEÓ Bókaútgáfa
E
Hérasmellir
Óborganlegar gamansögur af Héraðsmönnum
Baldur Grétarsson
Þórunn á Skipalæk spænir rassinn úr buxunum.
Hákon Aðalsteinsson lögregluþjónn skilar skýrslu
um hestamenn. Frissi í Skóghlíð kennir þorstaleysis.
Jón dýralæknir stýrir hundaslag. Jón Egill týnir
héraðslækninum. Kjartan Ingvarsson reynir fyrir sér í
leiklistarbransanum. Stórval fer í sögulega læknisaðgerð
og flámæli veldur misskilningi. Þetta er bara brotabrot
að þeim sem hér stíga á stokk og gera góðan dag enn
betri.
96 bls.
Bókaútgáfan Hólar
D
Hittumst á Horninu
Atli Rúnar Halldórsson
Hér er stiklað á stóru í sögu Hafnarstrætis 15, eins af
elstu húsum Reykjavíkur, en að stærstum hluta fjallað
í máli og myndum um matar- og menningarhúsið
Hornið, fyrstu pizzeríuna á Íslandi. Þar hafa Jakob
H. Magnússon og Valgerður Jóhannsdóttir staðið
veitingavaktina ásamt fjölskyldu sinni í 42 ár og skapað
líka ótal myndlistar- og tónlistarmönnum vettvang til
að sýna, spila og syngja.
148 bls.
Svarfdælasýsl forlag
64
Fræði og bækur almenns efnis