Bókatíðindi - 01.12.2021, Blaðsíða 40

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 2 1
E F C
Hljóðbók frá Storytel
Heyrðu mig hvísla
Mons Kallentoft
Þýð.: Jón Þ. Þór
Tim Blanck er kominn aftur til Palma þar sem sextán
ára gömul dóttir hans hvarf fyrir fimm árum. Hann
hélt að hann vissi hver örlög hennar hefðu orðið en
nýjar upplýsingar setja strik í reikninginn. Gæti hún
verið á lífi? Örvæntingarfull leit hans beinir honum inn
í óhugnanlegan heim mansals. Hann er reiðubúinn að
fórna öllu til að finna dóttur sína.
392 bls. / H 9:35 klst.
Ugla
E F C
Hið stutta bréf og hin langa kveðja
Peter Handke
Þýð.: Árni Óskarsson
Ungur Austurríkismaður fer til Bandaríkjanna til að
jafna sig eftir hjónaskilnað. Fljótlega verður hann þess
áskynja að fyrrverandi eiginkona hans veitir honum
eftirför. Hann leggur á flótta og hún eltir hann – eða
elta þau hvort annað? Býr ást eða hefndarhugur að
baki? Það er óljóst eins og svo margt í þessari mögnuðu
bók sem er allt í senn ferðasaga, spennusaga og
skemmtisaga.
201 bls. / H 5:09 klst.
Ugla
E F C
Hið undarlega mál Jekylls og Hyde
Robert Louis Stevenson
Þýð.: Árni Óskarsson
Ofbeldisfullur maður lætur að sér kveða í Lundúnaborg
nítjándu aldar. Ekkert er vitað um hann nema nafnið
eitt: Hyde. Lögfræðingurinn Utterson reynir að komast
að því hver hann er. Honum til furðu reynist Hyde vera
kunningi hins virðulega læknis, Henrys Jekyll. Jekyll
neitar í fyrstu að fordæma gjörðir Hydes – en brátt
neyðist hann til að horfast í augu við staðreyndir ...
121 bls. / H 3:04 klst.
Ugla
E F C
Hljóðbók frá Storytel
Hittumst í paradís
Heine Bakkeid
Þýð.: Magnús Þór Hafsteinsson
Lögregluforinginn Thorkild Aske er ráðinn til starfa
hjá glæpasagnahöfundinum Millu Lind. Hún segist
vinna að nýrri glæpasögu sem byggist á raunverulegum
atburðum þegar tvær stúlkur hurfu með dularfullum
hætti af munaðarleysingjahæli. Thorkild verður fljótlega
ljóst að ekki er allt sem sýnist, enda var forveri hans í
starfinu hjá Millu Lind myrtur ...
400 bls. / H 11:32 klst.
Ugla
D F
Glæstar vonir
Charles Dickens
Þýð.: Jón St. Kristjánsson
Glæstar vonir er tímalaust stórvirki og af mörgum
talin besta saga Dickens. Pipp langar að komast ofar í
þjóðfélagsstigann – ekki síst eftir að hann kynnist hinni
fögru en drambsömu Estellu. Einn daginn lítur út fyrir
að vonir hans muni rætast – en ekki er allt sem sýnist.
Dickens dregur hér upp litríkar og raunsannar persónur
og glæðir þær lífi.
480 bls.
Forlagið - Mál og menning
E F
Grunur
Ashley Audrain
Þýð.: Ragna Sigurðardóttir
Þegar Blythe eignast dóttur er hún staðráðin í að
veita henni alla þá ást sem hún fór sjálf á mis við.
En í þreytuþokunni eftir fæðinguna sannfærist hún
um að eitthvað sé afbrigðilegt við barnið. Eða er hún
ímyndunarveik, geðveik? Mögnuð og taugatrekkjandi
saga um martröð hverrar móður: að geta ekki elskað
barnið sitt. Og um líðan konu sem enginn trúir.
333 bls.
Forlagið - JPV útgáfa
F
Haf Tímans
Stanley G. Weinbaum
Þýð.: Elmar Sæmundsson
Í byrjun 21. aldar leggur fjögurra manna áhöfn Ares
af stað í fyrstu mönnuðu geimferðina til Mars. Á
rauða hnettinum tekur við þeim óþekktur heimur,
fullur af furðum og óvæntum uppgötvunum, ásamt
Marsbúanum Tweel sem leiðbeinir ferðalöngunum í
gegnum hættur og sögu plánetunnar. Haf Tímans er
sígild vísindaskáldsaga frá meistaranum Stanley G.
Weinbaum.
Rót útgáfa
D F
Handfylli moldar
Evelyn Waugh
Þýð.: Hjalti Þorleifsson
Eftir sjö ára hjónaband hefur hin fagra lafði Brenda
fengið nóg af lífinu á gotneska sveitasetrinu sem er stolt
og yndi eiginmanns hennar, Tonys. Hún fer að halda
við hinn grunnhyggna John Beaver, yfirgefur Tony og
hverfur á vit samkvæmislífsins í London.
Óvænt örlög bíða söguhetjanna í þessari
óviðjafnanlegu skáldsögu sem er í senn harmræn og
kómísk.
327 bls.
Ugla
E F C
Heimskautsbaugur
Liza Marklund
Þýð.: Friðrika Benónýsdóttir
Fimm unglingsstúlkur í litlum smábæ nyrst í
Svíþjóð ákveða að mynda leshring sem þær kalla
Heimskautsbaug. Ein þeirra hverfur sporlaust sumarið
1980. Fjörutíu árum síðar finnst lík hennar. Um jólin
2020 hittast konurnar í fyrsta sinn eftir að vinkona
þeirra hvarf. Þá kemur í ljós að það var eitthvað í
samskiptum þeirra sem leiddi til hvarfsins á sínum
tíma. En hvað var það?
334 bls. / H 9:38 klst.
Ugla
40
Skáldverk ÞÝDD