Flug : tímarit um flugmál - 01.10.1946, Blaðsíða 15

orðum, sem gerir grein fyrir lendingarskilyrðum að
því er veður snertir á flugvellinum, sem hann starfar
við, allt að þrjátíu klukkustundum frarn í tímann,
miðað við athugunartíma. Veðurspár þessar eru svo
sendar í loftskeytum til næstu flugvalla. Veðurstof-
unni hér ber t. d. að senda spár til 8 flugvalla í Evrópu
og Norður-Ameríku og mun fá þeirra spár sendar
hingað. Auðvitað hefur hver veðurstofa fyrst og
frernst skyldu til þess að láta flugvallarstjórn síns
eigin flugvallar í té veðurspár og aðvaranir urn veðra-
breytingar, sem gætu orðið hættulegar flugvélum.
Þá ber veðurfræðingum að gefa áhöfn hverrar flug-
vélar, sem flugferð á fyrir höndum, leiðbeiningar um
veðurskilyrði þau, sem fyrir muni verða á lcið henn-
ar. Þetta er mjög mikið starf og að sjálfsögðu því
umsvifameira, því fleiri flugvélar, sem koma við á
flugvellinum, og því lengri flugleiðin er, sem spá á
fyrir. Það liggur í augum uppi, að þetta starf er ekki
sízt vandasamt hér á íslandi. Þegar veðurstofan hefur
fengið vitneskju um, hvenær og hvert flugvélin fer,
er gert veðurkort yfir það svæði, sem liún á að fara
urn, og „þverskurður" teiknaður af loftinu í braut
hennar. Þar eru sýndir „frontar", ský, úrkoma, þoka
o. s. frv., eins og veðurfræðingurinn álítur að þessu
hagi til á hverjum einstökum stað á leiðinni, þegar
flugvélin kernur þangað. Einnig er áhöfn flugvélar-
innar gefnar skriflegar upplýsingar um vind, skýja-
hæð og skýjamagn, hættu við ísingu o. fl., og loks er
gefin lendingarspá fyrir flugvöll þann, sem flugvélin
á að lenda á. Er spá þessi venjulega gerð samkvæmt
upplýsingum þaðan. Urn leið og flugmenn sækja
skjöl sín, fá þeir stuttar, munnlegar leiðbeiningar hjá
veðurfræðingnum. Á rneðan flugvélin er á leiðinni,
ber veðurfræðingnum að fylgjast nákvæmlega með
öllum veðrabreytingum, sem geta orðið afdrifaríkar
fyrir flugvélina, og sjá um það, að henni verði sendar
aðvaranir, ef með þarf. Á lendingarflugvellinum er
einnig séð urn að ekkert óvænt mæti flugvélinni.
Þar eru veðurathuganir gerðar á klukkutíma fresti
og jafnvel á hverjum hálftíma, þegar flugvélin nálg-
ast. Er svo veðurskeytunum jafnóðum útvarpað til
flugvélanna.
Flugmenn eru árrisulir. í langferðir leggja þeir
venjulega af stað í birtingu eða snemma dags. Af
því leiðir, að mesti annatími veðurfræðingsins fellur
jafnan á seinni hluta nætur og öndverðan morgun.
Vegna flugveðurspánna er það brýnasta nauðsyn að
starfað sé á veðurstofunum allan sólarhringinn. Þetta
er einmitt ástæðan til þess að þær þurfa nú svo fjöl-
mennt starfslið, sem raun ber vitni urn. Það eru að
vísu ekki ýkjamargir starfsmenn, sem vinna þar sam-
tírnis, en starfsemin er þrotlaus dag og nótt, jafnt
helga daga sem virka.
Veðurstofa íslands hefur færzt rnikið í fang við
það að taka að sér flugveðurspár og mun það vitanlega
hafa talsverðan kostnað í för með sér. En jafnframt
ber þess að gæta, að af hinni auknu starfsemi hennar
mun það vafalaust leiða að í framtíðinni verði hinar
almennu veðurspár betri en verið hefur. Ekki sízt
hér, á eyju í reginhafi, þar sem fárra veðurfregna er
von einmitt frá þeim slóðurn, sem okkur varðar mest
um, getur það verið örlagaríkt fyrir öryggi og at-
vinnulíf maima að fá ekki veðurfregnir að næturlagi.
Án þeirra getur Veðurstofan aldrei orðið samkeppnis-
fær við erlendar veðurstofur, sem hafa sólarhrings
veðurþjónustu. Hygg ég því að fáir séu þeir íslend-
ingar, sem muni líta á það sem frágangssök, þótt
útgjöld Veðurstofunnar hækki um leið og starfsemi
hennar færist þannig í aukana. Það má og vera öll-
um landsmönnum metnaðarmál, að Veðurstofan geti
annast flugveðurspár hér á landi bæði fyrir íslenzkt
flug og erlendar flugvélar, sem hér koma við.
Teresia Guðmundsson.
Kristján Steindórsson flugmaður
hefur alveg nýlega keypt og flutt inn frá Eng-
landi fjögurra sæta einþekju (lágþekju) af gerðinni
Percival Proctor, og hefur hún 208 ha. Gipsy Queen
II hreyfil. Vélin tekur benzín til 31/2 klst. flugs, og
kernst á þeirn tíma um 500 mílur. Meðalflughraði
um 140 mílur. Vélin er búin öllum fullkomnustu
blindflugstækjum, þar á meðal talstöð.
Flugvélategund þessi, sem byggð er í Englandi,
hefur verið notuð víðs vegar um heim og hlotið
mjög lofsamlega dóma allra þeirra, er kynnzt hafa.
Kristján liyggst að taka að sér alls konar leiguflug
og hringflug fyrst um sinn, og telur sig geta lent
hér um bil hvar sem er á landinu. Er þetta líklegt
til vinsælda hér, því að það fer stöðugt í vöxt, að
fólk slái sér saman í hópa og leigi flugvélar til að
fljúga með sig vítt og breitt um landið. Sérstaklega
ætti þetta að falla í geð fjallgöngumönnum, skíða-
mönnum og náttúrufræðingum, því að þetta gerir
þeim fært að skreppa inn í afskekktustu óbyggðir
íslands. til athugana og íþróttaiðkana í sínum styztu
fríum.
Kristján stundaði nám við Spartan flugskólann í
Tulsa, Oklahoma, U.S.A., en við þann skóla hafa
fjölda margir af flugmönnum og vélamönnum okkar
stundað nám.
FLUG - 13