Flug : tímarit um flugmál - 01.03.1955, Blaðsíða 6

AGRIP AF SOGU
FLUGMÁLASTJÓRN-
ARINNAR
Agnar Kofoed-Hansen flugmálastjóri hefir gegnt
því embætti frá 1951, en þá voru störf flugvalla-
stjóra ríkisins og flugmálastjóra sameinuð í eitt
embætti. Agnar Kofoed-Hansen á þó rniklu lengri
ferií að baki sér í þjónustu íslenzkra flugmála.
Hann hefir loftferðaskírteini númer 3, því að hann
lauk prófi sem flugliðsforingi í danska flughern-
um árið 1935 og varð þá strax aðstoðarmaður lijá
danska flugfélaginu DDL, sem er eitt af stofnfélög-
um SAS, og var hann í ferðum milli Kaupmanna-
hafnar og Amsetrdam. Hann lét mjög að sér kveða
er hann kom heim til íslands. Árið 1936 gekkst
hann fyrir stofnun Svifflugfélags íslands og Flug-
málafélags íslands og hann var stofnandi F’lugfélags
Akureyrar árið 1937. Með þrautseigju og sigurvissu
hins unga manns, hefir hann átt sinn mikla þátt
í því að gera flugið jafn þýðingarmikinn þátt í
samgöngu- og atvinnulífi okkar og raun er á. Er
vér göngum á vit flugmálastjóra, er ætlunin að fá
stutt ágrip af sögu íslenzku flugmálastjórnarinnar
og frásögn af afskiptum hins opinbera af þessum mál-
um. Flugmálastjóri tekur fram, að þar sem þetta
hefti timaritsins „Flugs“ sé að mestu helgað 10 ára
afmæli ílugmálastjórnarinnar, sé sér þetta bæði
Ijúft og skylt. Segist honum þannig frá:
„Minn kunnugleiki á þessum málum nær reynd-
ar ekki lengra en aftur til ársins 1936, en ég minn-
ist þess með ánægju ennþá, er ég fyrst heimsótti
skrifstofustjóra atvinnu- og samgöngumálaráðu-
neytisins, Vigfús heitinn Einarsson, en hans ráðu-
neyti fór einnig að sjálfsögðu með flugmál. Ég var
þá nýkominn frá námi erlendis og var í óða önn
að skrifa blaðagreinar og semja útvarpserindi um
flugmál, til þess að reyna að vekja áhuga á flugi,
Agnar Kofoed-Hansen flugmálastjóri.
því engin flugvél var þá á Islandi og alger kyrrð
ríkti í þessum málum.
Erindi mitt til skrifstofustjórans var að fá að
líta í skjalasafn ráðuneytisins til þess að afla mér
upplýsinga vegna erindis, er ég var að semja. Skrif-
stofustjórinn tók mér vel og vísaði mér að mig
minnir til Gunnlaugs Briem, núverandi skrifstofu-
stjóra, sem þá var fulltrúi í atvinnumálaráðuneyt-
inu, sem aftur leiddi mig í allt skjalasafn flugmála-
ráðuneytisins, en það komst allt fyrir í einu stóru
umslagi. Eitt stórt umslag, það var flugmálaráðu-
neytið í þá tíð. í þessu umslagi voru skjöl, sem
snertu gamla flugfélagið frá 1928—’31 aðallega
mál vegna síldarleitar þess félags, svo og umsókn-
ir frá ameríska félaginu Pan American Airways
urn einkaleyfi til fluglendinga á íslandi á norður-
leiðinni.
Flugmálin voru sem sagt ekkert vandamál, engin
útgjöld og ekkert flug. Við lestur fluglaganna, sem
dr. Alexander Jóhannesson prófessor beitti sér fyr-
ir að samþykkt voru 1929, fann ég eina grein sem
hljóðaði svo:
4 - FLUG