Flug : tímarit um flugmál - 01.03.1955, Blaðsíða 35

rnm

Viiitiil við Boga Þorsteinsson
yíirílugnmíerSarstjóra
Bogi Þorsteinsson.
Bogi Þorsteinsson yfirflugumferðarstjóri á Kefla-
víkurflugvelli er meðal elztu starfsmanna flug-
málastjórnarinnar. Hóf hann starf hjá henni 1.
febrúar 1946 sem loftskeytamaður á fjarskiptastöð
þeirri, sem brezki flugherinn, RAF, rak á Reykja-
víkurflugvelli. Eftir að Reykjavíkurflugvöllur var
afhentur íslendingum í júnímánuði það sama ár,
var fjarskiptastöð þessi rekin af flugmálastjórninni
þar til í nóvember, en þá var stöðin flutt að Gufu-
nesi og Landssími íslands tók við starfsemi henn-
ar. Bogi tók þá við starfi sem aðstoðarmaður í flug-
turninum á Reykjavíkurflugvelli og sótti jafnframt
námskeið í flugumferðarstjórn, sem haldið var vet-
urinn eftir. Sumarið 1947 var Bogi gerður varð-
stjóri við flugstjórnarmiðstöðina á Reykjavíkur-
flugvelli og gegndi þeim störfum þar til hann fór
á Keflavíkurflugvöll sem yfirflugumferðarstjóri
1. júní 1951, að undanskilinni þriggja vikna ferð
til Bandaríkjanna vorið 1948 til jtess að kvnna sér
flugumferðarstjórn þar í landi. Auk þess dvaldist
Bogi í Bandaríkjunum haustið 1950 og fram til
vorsins 1951 við nám í meðferð ratsjártækja, sem
notuð eru við blindlendingu flugvéla. Var sú náms-
dvöl í samræmi við ákvæði samnings við Banda-
ríkjastjórn frá 1948 um tækniþjálfun íslendinga
vestra í sambandi við rekstur Keflavíkurflugvallar.
Er vér hittum Boga að máli spyrjum vér fyrst
um starfsemina á Keflavíkurflugvelli.
„Eins og kunnugt er, tók flugmálastjórnin að
sér yfirstjórn allra flugferða um Keflavíkurflug-
völl þann 15. júlí 1951, annarra en flugferða her-
véla. Þá hófu fimm íslenzkir flugumferðarstjórar
störf í flugturninum þar. Völlurinn er rekinn sam-
eiginlega af varnarliðinu og flugmálastjórninni."
„Ilvað er að segja um samstarf þessara aðilja?
„Það liggur í hlutarins eðli, að samstarfið þarf
að vera mjög náið, því að ekki er framkvæmanlegt að
annar aðilinn afgreiði einungis flugvélar hersins
og hinn þá eingöngu flugvélar þeirra flugfélaga,
sem hafa viðkomu á vellinum. Þessu er því þannig
háttað, að íslenzki flugumferðarstjórinn, sem er á
verði, hefur talsamband við allar flugvélar, jafnt
herflugvélar sem aðrar, en flugumferðarstjóri varn-
arliðsins aðstoðar hinn íslenzka starfsbróður sinn
við að taka á móti flugáætlunum, afla flugheim-
ilda frá flugstjórnarmiðstöðinni í Reykjavík, svar-
ar í síma, útvarpar veðurfregnum o. s. frv. Svona
er þetta kannske annan daginn, en hinn daginn
skipta þeir um, og vinnur þá íslenzki flugum-
ferðarstjórinn undir stjórn liins bandaríska. Sól-
arhringnum er skipt í þrjár átta stunda vökur og
eru jafnan á verði í einu einn íslendingur og tveir
Bandaríkjamenn. Um samvinnu þessara aðilja vil
ég segja það, að hún hefur yfirleitt verið ágæt og
snurðulaus, enda væri erfitt að hafa svona náið
samstarf, ef ekki væri sýnd samvinnulipurð og sam-
vinnuvilji af beggja hálfu.
Er umferð mikil um Keflavíkurflugvöll?
„Umferðin fer stöðugt vaxandi ár frá ári. Til
dæmis voru árið 1953 lendingar og flugtök samtals
21.200, en á síðasta ári 28.533 eða 7.333 fleiri. Á
síðasta ári lentu á vellinum flugvélar frá 40 erlend-
um flugfélögum. Til gamans má geta þess, að flug-
vélar SAS í hinu svokallaða „pólarflugi“ hafa oft
viðkomu í Keflavík, þó það sé ekki áætlunarstaður
á þeirri flugleið."
Hvað viljið þér segja um hina islenzku samstarfs-
menn yðar?
„íslenzku flugumferðarstjórarnir á Keflavíkur-
flugvelli hafa allir, að einum undanskildum, dvalizt
við framhaldsnám í Bandarikjunum og tel ég að
þjálfun þeirra standist fyllilega samanburð við
FLUG - 33