Flug : tímarit um flugmál - 01.03.1955, Blaðsíða 45

AUKIN STAKFSEMI
LOFTLEIÐA H.F. Á ÞESSU ÁKI
Eins og fregnir þær, sem dagblöð hafa birt um
fyrirætlanir Loftleiða á þessu ári, bera með sér,
hyggst félagið enn færa út kvíarnar.
Á sumri komanda hafa verið lögð drög að því,
að félagið fjölgi ferðurn verulega, en það liefir
hins vegar í för með sér allmiklar breytingar á flug-
vélakosti félagsins, svo og starfsliði og skipulagi
félagsins.
Samkvæmt upplýsingum frá stjórn Loftleiða
verður ferðum milli meginlands Evrópu og íslands,
og liéðan til Bandaríkjanna, fjölgað í næsta mán-
uði í þrjár á viku í stað tveggja nú, og í maí verða
ferðirnar enn auknar upp í fimm ferðir á viku
milli Bandaríkjanna og Evrópu.
Til þess að geta fjölgað ferðum svo mjög, hefir
félagið orðið að leggja drög að því að festa kaup á
nýrri millilandaflugvél til viðbótar þeim tveim,
sem það nú hefir til umráða, og standa samning-
ar nú yfir unr kaupin. Verður hún af gerðinni Doug-
las DC 4, eins og flugvélarnar „Hekla“ og „Edda,"
sem félagið rekur nú.
Forráðamenn Loftleiða leggja á það mikla
áherzlu, að hin nýja vél verði búin nýtízku þægind-
um og annar búnaður vélarinnar hinn fullkomn-
asti, ekki síður en í hinum fyrri vélum félagsins.
Undanfarið hafa verið gerðar gagngerar breytingar
á loftskeytatækjum „Heklu“ og „Eddu“, en auk
þess verður allur útbúnaður hinnar nýju vélar með
þeim hætti, að hann fullnægi ströngustu kröfum
um öryggi til handa farþegum og áhöfn.
Flugliðar í flugvélum félagsins verða einum færri
en verið hefir, og er það unnt vegna þess, hve full-
kominn loftskeytabúnaður verður nú á vélunum.
Mun sami maður inna af liendi störf siglingafræð-
ings og loftskeytamanns, og verður þetta fyrirkomu-
lag nú reynt á vélum félagsins í sumar.
Ekki verður þó gripið til þess að segja upp starfs-
mönnum vegna þessarar fyrirkomulagsbreytingar.
Siglingafræðingar munu hljóta menntun sem flug-
menn og starfa sem aðstoðarflugmenn samkvæmt
hinu nýja fyrirkomulagi. Þeir, sem undanfarið hafa
starfað sem aðstoðarflugmenn, hafa nú öðlazt það
mikla reynzlu, að þeir munu fá flugstjórnarrétt-
indi. Með þessurn hætti hefir félaginu tekizt að
skipa menn í ábyrgðamiklar flugliðastöður, er bæði
hafa til að bera mikla reynslu og þjálfun, auk góðr-
ar menntunar í margbrotnum störfum.
Umboðsmenn Loftleiða erlendis hafa tilkynnt,
að eftirspurn eftir flugfari í sumar sé þegar orðin
mjög mikil, — svo að nokkrar ferðir þegar eru
fullskipaðar. Þá ber það vott um rnikla aukingu far-
þegaflutninga á þessu ári, að margar flugferðir í
febrúar og byrjun marz voru fullskipaðar, og fyrir
kom, að vísa varð farþegum frá vegna þess. Mun
þetta einsdæmi í sögu Loftleiða, að því er snertir
farþegaflutninga um þetta leyti árs, og jafnvel þótt
víðar væri leitað.
Til samanburðar rná geta þess, að í janúar 1954
fluttu Loftleiðir 279 farþega, en í janúar í ár 730.
Frá áramótunr til loka febrúar 1954 voru fluttar
12 lestir af vörum með flugvélum félagsins, en
23 lestir á sama tíma i ár. Hafa vöruflutníngar því
nær tvöfaldazt.
Þá má loks geta þess, að á sumri komanda verð-
ur bætt við einum lendingarstað í áætlun félags-
ins. Það er Luxembourg, og verður flogið þangað
einu sinni í viku. Bindur félagið miklar vonir við
þær ferðir, þar eð mikill áhugi hefir verið rikjandi
um ferðir þangað eða þess hluta Evrópu og fjöl-
margar fyrirspurnir borizt um fyrirætlanir félags-
ins í sambandi við þær. A.
í TÍMARIT UM FLUGMÁL
\ Ritstjóri og ábyrgðarmaður: )
/ JÓN N. PÁLSSON (
/ Útgefandi: FLUGMÁLAFÉLAG ÍSLANDS (
( Afgreiðslu og innheimtu annast \
) GUÐRÚN MÖLLER /
( Birkimel 6 B, sími 5588. \
\ PRENTSMIÐJAN ODDI H.F.
«
FLUG - 43