Heimili og skóli - 01.04.1963, Blaðsíða 23

ar. Tíu bækur hefur hann þýtt úr Norður-
landamálum, þar af átta unglinga- og
barnasögur. Ritstjóri æskulýðsþáttar tíma-
ritsins Heima er bezt hefur hann verið um
nokkur ár og birt þar eftir sig margt
skemmtilegt og fróðlegt. Hefur Stefán kom-
ið víða við í blöðum, útvarpi og á fundum,
enda er hann vel máli farinn og fylgir fast
eftir skoðunum sínum, en þó lipurmenni og
þægilegur í samningum. Hafa þessir eigin-
leikar áreiðanlega komið sér vel í náms-
stjórastarfinu, því að oft eru þar vanda-
söm mál tekin til meðferðar, bæði á fá-
mennum og fjölmennum fundum. Verður
hlutverk námsstjórans þá oft allörðugt, þeg-
ar í senn þarf að sætta harðvítuga andstæð-
inga, en halda jafnframt •— og fyrst og
fremst — hyggilega á málunum fyrir hönd
skólanna og íhlutunar hins opinbera. Þetta
mun Stefáni oftast nær hafa vel tekizt, og
hef ég heyrt marga róma frammistöðu
hans á slíkum málþingum.
Það hef ég fyrir satt, að Stefán Jónsson
hafi þótt mjög skemmtilegur og stjórnsam-
ur kennari og skólastjóri, enda persónu-
leiki hans og geðfelld framkoma með þeim
hætti, að hann verður samstundis aufúsu-
gestur, þar sem hann kemur. Get ég vel uni
þetta borið, þó að hann heimsækti mig
aldréi sem námsstjóri, því að ég hef uni
allmörg ár fetað slóðir hans um Austurland
og Skaftafellssýslur, en þar hafa allir farið
um Stefán hlýjum orðum og minnzt heim-
sókna hans á lofsamlegan hátt. Þá var mjög
erfitt að ferðast á þeim slóðum og reyndist
námsstjórinn hinn mesti garpur við þær
aðstæður. Og enn er það svo, þegar liann
er sjötugur orðinn, að hann er ótrauður til
ferðalaga og hinn röskvasti til allra starfa.
Eru góð áhrif af heimsóknum slíkra manna,
einkum á hinum afskekktari skólastöðum,
enda oft eins og hátíðisdagur í skólanum,
þegar hressandi blær hins fjölvísa, vin-
gjarnlega og skörulega skólamanns leikur
um kennslustofurnar. Þann daginn er nýja-
bragð að verkefnum og tiltektum, sem
kannske eimir af lengi á eftir.
Þó að Stefán Jónsson láti nú af embætt-
isstörfum „í fullu fjöri“, þykist ég þess
fullviss, að honum verði engin skotaskuld
úr því að finna starfshneigð sinni og lík-
amlegum og andlegum þrótti hæfileg við-
fangsefni, enda ekki annað við hæfi, svo
sem nú horfir. Óska ég þess, að honum
auðnist sem lengst að halda léttleik sínum
og lífsgleði, starfsorku og vaskleik; eru og
til þess sterkar líkur, því að hann er enn
við góða heilsu og á ástúðlegt heimili hjá
góðri konu og efnilegum börnum. Þakka
ég honum og konu hans, Lovísu Þorvalds-
dóttur, ánægjuleg samskipti, gestrisni og
góða samvinnu.
Jóhannes Oli Sœmundsson.
Skemmtileg bók.
HEIMILI OG SKOLI 43