Læknaneminn - 01.04.2010, Page 24

í mars síðastliðnum stóð Lýðheilsufélag læknanema fyrir blóð-
gjafamánuði fyrir Háskóla íslands í samvinnu við Vodafone,
Félag læknanema, Félagsstofnun Stúdenta og Stúdentaráð.
Þetta er í annað sinn sem félagið stendur fyrir átaki sem þessu
en síðast stóð félagið fyrir bióðsöfnunarátaki meðal stúdenta
árið 2008 og fengust þá tæplega 200 blóðgjafir. Markmið
mánaðarins var að hvetja nemendur Háskólans til að gefa blóð
og gerast um leið reglulegir blóðgjafar. Þáttur í mánuðinum
var keppni milli nemendafélaga innan Háskólans um hvaða
nemendafélag gæfi hlutfallslega flestar gjafir miðað við höfða-
tölu. Söfnunin fór að mestu fram í Blóðbankanum en auk þess
kom blóðbankabíllinn á háskólasvæðið þrisvar í mánuð-inum
við góðar undirtektir háskólanema. Alls voru það um 350
stúdentar sem tóku þátt í mánuðinum.
Árið 2008 bar Félag læknanema sigur úr býtum og hlaut farand-
bikar blóðgjafamánaðarins að launum. í ár var mikil samkeppni
um bikarinn rauða og lögðu mörg nemendafélög hart að sér til
að tryggja það að læknanemar fengju ekki að hampa sigrinum
aftur. Það var að lokum Komplex, félag framhaldsnema í efna-
og lifefnafræði, sem hreppti bikarinn rauða og var hann
afhentur í lokahófi blóðgjafamánaðarins þann 8. apríl þar sem
hljómsveitin Bloodgroup skemmti viðstöddum. Þess má einnig
geta að Félag læknanema stóð fyrir keppni á milli ára innan
læknadeildarinnar og voru það 1. árs nemar sem gáfu flestar
gjafir. Það er von félagsins að blóðgjafamánuður Háskóla
Islands verði árlegur viðburður sem stuðli að markvissri
kynningu á starfi Blóðbankans og hvetji ungt fólk í Háskóla
Islands til að gefa reglulega blóð.
Fyrir hönd Lýðheilsufélags lœknanema,
Fjóla Dögg Sigurðardóttir