Bændablaðið - 21.09.2023, Blaðsíða 33
33Bændablaðið | Fimmtudagur 21. september 2023
Féð rennur í átt til réttar.
Friðrik Þórarinsson á Grund fylgist með sonarsyninum
Hafþóri Loga að draga.
Tungurétt í Svarfaðardal
Heldur var blautt og kalt þegar réttað var úr Sandbrekkuafrétt
9. september. Svæðið liggur m.a. undir Dyrfjöllunum
og segja Sólveig Björnsdóttir og Guðmundur Karl
Sigurðsson, bændur í Laufási í Hjaltastaðarþinghá, að
fimm afréttarsvæði séu í fjallgarðinum, þ.e.a.s. Ósfjall,
Hrafnabjargarfjall, Sandbrekkuafrétt, Hraundalur og
Hálsar. Þeirra fé gengur þó mestan partinn í heimalandi
á láglendinu milli fljóta. Í Laufási er blandað bú sem telur
tæplega 200 fjár á fóðrum og um 60 nautgripi í fjósi sem
skiptist í mjólkurkýr, geldneyti og kálfa.
Nokkuð vel gekk að fá smala í þessa göngu og
skipaðir 11 smalar í hana. Sumarið var að sögn hjónanna
einstaklega gott, en lítil væta sem tafði nýtingu áburðar
og sprettu. „Jörð var því orðin mjög þurr þannig að elstu
menn muna vart lægri vatnsstöðu. Heyskapur gekk vel
og heyfengur hjá okkur var meiri en í meðallagi og hey
sæmilega góð.“ Bændum í hefðbundnum búskap hefur
fækkað mjög á Úthéraði á undanförnum árum en þó er
eitthvað af fólki að koma í sveitirnar sem sækir vinnu í
þéttbýlið. Myndirnar tók Sólveig Björnsdóttir. /sá
Um eða yfir 4.000 fjár er smalað
til Melaréttar í Fljótsdal. Réttað var
17. september. Réttardagurinn fór
vel fram enda margt um manninn
og veitingasala, sögulestur, tónlist
og handverk á boðstólum til að
metta andann og svanga munna.
Haldið var réttarball í Végarði
um kvöldið, að vanda. Þorvarður
Ingimarsson, ævinlega nefndur
Varsi, er fjallskilastjóri í Fljótsdal.
Melarétt er úr hlöðnu grjóti sem
tekið var úr Bessastaðaánni og
þykir ekki gott hleðslugrjót. Reynt
er að halda henni við jafnóðum og
er hún falleg tilsýndar, þótt eigi til
að hrynja úr henni, jafnvel þegar
rekið er inn. Gunnar Gunnarsson
tók myndirnar. /sá
„Fé er orðið afar fátt í Svarfaðardal og á réttinni
var eins og undanfarin ár mun fleira fólk en fé.
Á Tungurétt kemur fé úr afrétti innst í Skíðadal,
þangað er rekið fé í sumarhaga af nokkrum svarf-
dælskum bæjum og er þetta mikil menningar-
samkoma,“ segir Friðrik Vilhelmsson sem tók
meðfylgjandi myndir. /sá
Fé af afrétti innst í Skíðadal rennur að Tungurétt.
Gunnsteinn Þorgilsson á Sökku. Handtökin eru þrautþjálfuð.
Kristjana Arngrímsdóttir á Tjörn með Hrólfi, dóttursyni sínum.
Sandbrekkuafrétt í
Hjaltastaðarþinghá
Fé af Sandbrekkuafrétt er að jafnaði lagðprútt en vill helst fara sínar eigin
leiðir. Sumt hefur það í áranna rás fremur hlaupið í Bjarglandsána en að
láta fanga sig eftir sumarið.
Eskfirðingurinn Einar Sverrir Björnsson eltist við fé fyrir Tjarnalandsbónda.
Melarétt í Fljótsdal
Staðið fyrir svo féð renni rétta leið til Melaréttar. Réttardagurinn er ævinlega gríðarlega skemmtilegur og auk bænda drífur að gesti sem eru mjög áhugasamir um fjárdráttinn.
Vöngum velt yfir mörkum: Hver er hvurs og hvurs er hvað?