Fréttir - Eyjafréttir - 05.07.2023, Page 28

28 | | 5. júlí 2023
Jarl Sigurgeirsson hefur mörg járn
í eldinum þessa dagana en hann
og lúðrasveit hans halda stórtón-
leika á föstudaginn í tilefni 50 ára
goslokaafmælis. Um er að ræða
Lúðrasveitaball í Íþróttamiðstöð
Vestmannaeyja en á svæðinu verða
Lúðrasveit Vestmannaeyja, hljóm-
sveit hússins, samkór myndaður af
Karla- og Kvennakór Vestmanna-
eyja ásamt Kór Landakirkju, og
nokkrir vel valdir gestir.
Í hljómsveit hússins eru eingöngu
heimamenn. Birgir Nilsen mun
spila á trommur, Gísli Stefánsson
og Sæþór Vídó Þorbjarnarson á
gítar, Þórir Rúnar Geirsson á ba-
ssa, og þeir Páll Viðar Kristinsson
og Þórir Ólafsson leika á hljóm-
borð. Ásamt því að vera í bandinu
mun Sæþór Vídó, sem hefur staðið
vaktina á Tjarnarsviðinu í Herj-
ólfsdal síðustu 20 árin, taka upp
hljóðnemann. Sömuleiðis eiga
Jónsi, Sigga Guðna, Helgi Björns-
son, Júníus Meyvant, og þær Sara
Renee Griffin og Una Þorvalds-
dóttir eftir að taka lagið.
Allt lagt í tónleikana
„Það er búið að standa lengi til hjá
okkur að leggjast í verk af þessari
stærðargráðu, en í ár eru liðin tíu
ár frá tónleikum okkar með Fjalla-
bræðrum í tilefni 40 ára gosloka-
afmælis. Þannig að í ár erum við
bæði að minnast þessa mikilla
tímamóta og að sama skapi taka
nokkurs konar endurtekt frá 2013
tónleikunum” segir Jarl. Lúðra-
sveit Vestmannaeyja hafði árið
áður gefið út þjóðhátíðarlagið
með Fjallabræðrum og fyllt Há-
skólabíó tvisvar í nóvember 2012.
Sömuleiðis spiluðu sveitin og
bræður á Ísafirði páskana árið eftir.
„Þetta er auðvitað mjög stórt verk-
efni fyrir litla lúðrasveit úti á landi,
en við höfum verið að vinna með
mottóið að ef þetta er auðvelt þá
er þetta leiðinlegt. Við erum að
miða við að búa til eins stemningu
á þessum tónleikum og tíðkaðist á
sveitaböllum hér fyrr” segir Jarl.
Uppbyggingarsjóður Suðurlands
styrkir verkefnið um 500 þúsund
krónur.
Þegar blásið var til tónleikanna
árið 2013 voru allir forsölumiðar
seldir úr plastkassa á Kletti, en í
þetta skiptið er auðveldlega hægt
að tryggja sér miða á www.midix.
is.
Kórkennsla í boði fyrir
unglingastigið
Aðspurður út í Tónlistarskólann
segir Jarl aðsóknina svipa til síð-
ustu ára og að nemendur séu í
kringum 120 talsins. „Við bjóðum
upp á hljóðfærakennslu í flestum
hljóðfærum, söngkennslu, og svo
erum við með samspilshópa eins
og lúðrasveitina. Það hefur verið
gaman að sjá krakka hittast fyrir
utan skóla og stofna hljómsveitir.
Það er líka ánægjulegt að sjá að nú
sé komið val á unglingastiginu þar
sem hægt er að velja um að vera í
kór” segir Jarl. Öll starfsemi skól-
ans er við Vesturveg 38 en gert er
ráð fyrir því að skólinn geti flutt
sig um sess eftir þrjú ár þegar lokið
verður við viðbyggingu á Hamars-
skóla.
Sveitaball á föstudaginn!
Stórt verkefni fyrir litla lúðrasveit úti á landi
Sveitaballagoðsagnir troða upp
Kyana Sue Powers er mörg-
um kunnug þeim sem nýta sér
samfélagsmiðlana. Kyana er oft
kennd sem Ameríkaninn sem flutti
til Íslands en það er einmitt það
sem hún gerði. Árið 2018 gerði
hún sér ferð til Íslands og varð
heltekin af landi og þjóð. Hún fór
heim til Bostons, hætti í vinnunni,
seldi allt sem hún átti, og flutti
til Reykjavíkur. Hún vinnur við
að gera efni tengt Íslandi fyrir
samfélagsmiðla og nýtur mikilla
vinsælda á bæði Instagram og
TikTok. Það var létt yfir Kyönu
er Eyjafréttir heyrðu í henni á
dögunum.
„Öll streita hverfur úr mér þegar
ég er í Eyjum og mér líður eins
og ég sé heima hjá mér” segir
Kyana sem er vön því að dásama
Vestmannaeyjar á miðlunum sín-
um og lýsir þeim sem kökusneið
af paradís. „Vestmannaeyingar
eru allir svo vinalegir og það er
gott að vera í kringum þá” segir
hún. Hún hefur heimsótt Eyjar
þó nokkrum sinnum og ætlar að
reyna að gera sér ferð til Eyja á ný
þegar pysjurnar fara á stjá. Kyana
segir pysjutímabilið eitt það besta
sem hún veit og að það sé erfitt að
mynda ekki tilfinningaleg tengsl
við pysjurnar. Eitt myndabanda
hennar með pysjum er með hátt í
5 milljón áhorf.
„Ég hef aldrei gert neitt leiðin-
legt á þessari eyju” segir Kyana.
Spurð út í sprönguna hlær hún og
segist ekki vita hvernig krakk-
ar hér í Eyjum fara að því að
spranga. „Að sjálfsögðu lét ég á
reyna, en krakkarnir með sínar
kúnstir eru miklu hugrakkari en
ég, það eitt get ég sagt þér” segir
Kyana.
Næs uppáhalds íslenski
veitingastaðurinn
„Ég elska Slippinn og Næs, en ég
held einmitt að Næs sé uppáhalds
veitingastaðurinn minn á öllu
landinu. Gísli Matt kann sitt fag
og það er svo gott að spjalla við
hann” segir Kyana sem hefur áður
farið með Gísla að handtína ýmsar
jurtir í eynni fyrir eldamennskuna.
Vigtin bakhús er eitt af uppáhalds
bakaríum Kyönu, en hún grínast
með að vera að íhuga það að flytja
inn jalapenó-kringlurnar þeirra
upp á land.
Gaman að heyra sögur frá
heimamönnum
„Ég læri alltaf eitthvað nýtt þegar
ég heimsæki Eldheima. Gossagan
er hreint út sagt mögnuð og ég er
svo fegin að Eyjamenn sneru aftur
til baka og hófu uppbyggingu.
Það er líka alltaf jafn áhugavert að
fá að heyra sögur frá heimamönn-
um, hvort sem það séu gossögur
eða frásagnir frá því hvernig það
var að alast upp í Eyjum” segir
Kyana.
Kyana auglýsir Vestmannaeyjar á samfélagsmiðlum:
Eru eins og kökusneið af paradís
Frá æfingu hópsins.
SALKA SÓL ÖRVARSDÓTTIR
salka@eyjafrett ir. is
Kyana Sue Powers er mörgum
kunnug þeim sem nýta sér samfé-
lagsmiðlana. Kyana er oft kynnt sem
Ameríkaninn sem flutti til Íslands en
það er einmitt það sem hún gerði.