Fréttir - Eyjafréttir - 05.07.2023, Side 36

36 | | 5. júlí 2023
Fundur forsætisráðherra Norðurlanda
og Kanada í Vestmannaeyjum 25. og
26. júní er stærri viðburður en flestir
Eyjamenn gera sér grein fyri. Hann var
haldinn hér í tilefni þess að 50 ár eru frá
Heimaeyjargosinu 1973 þar sem Norður-
löndin komu af krafti að uppbyggingar-
starfinu. Í allt komu um 70 manns til Eyja,
ráðherrar, aðstoðarfólk, öryggisverðir og
blaðamenn. Gestirnir voru ánægðir með
móttökur, dáðust að náttúru Eyjanna og
lofuðu meistarakokka Eyjanna. Allt gekk
samkvæmt áætlun sem má m.a. þakka
reynslu Vestmannaeyinga að halda stærri
viðburði.
Norræni ráðherrafundurinn
var stór viðburður
„Það var mjög áhugavert að
fylgjast með svona fundi úr
návígi og við erum þakklát
Katrínu forsætisráðherra að
velja Vestmannaeyjar sem
fundarstað á þessum tímamót-
um í okkar sögu. Koma Justin
Trudeau, forsætisráðherra
Kanada stækkar þetta enn
meira,“ segir Íris Róbertsdóttir,
bæjarstjóri sem var gestgjafi
fundarins í Eyjum.
Íris segir undirbúning hafa
staðið lengi, en hann var á
höndum forsætisráðuneytisins,
og verið viðamikill en allt gekk
upp. „Í þessu húsi, Ráðhúsinu
okkar voru tvíhliða fundir og
fundur um málefni Úkraínu
og stöðuna þar á meðan á
fundinum stóð. Aðalfundur
ferðarinna fór svo fram í Eld-
heimum og það má því segja
að Vestmannaeyjar hafi verið
einn af heitu stöðunum þar sem
forsætisráðherrar allra Norður-
landanna og Kanada funduðu
um stöðu heimsmálanna.“
Forsætisráðuneytið bauð
fyrsta daginn til kvöldverðar á
Slippnum og í bátsferð í Kletts-
helli sem heppnaðist vel. „Þau
höfðu mikinn áhuga á lundan-
um og heilluð af náttúrunni.
Líka af matarmenningunni
sem kom okkur ekki á óvart en
voru auðvita líka áhugasöm um
sögu eldgossins.“
Íris segir það hafa verið bæði
fallegt og táknrænt að fundur-
inn var haldinn í Vestmanna-
eyjum, á þessum tímamótum.
„Við erum hluti af norrænu
fjölskyldunni og hún aðstoðaði
okkur ásamt fleiri vinaþjóð-
um í gosinu 1973. Komum
við saman við Flakkarann og
þökkuðum þeim á táknrænan
hátt fyrir hönd Vestmanna-
eyinga hvernig þau komu að og
studdu við okkur í gosinu og
enduruppbyggingunni á eftir.“
Góð kynning
Íris segir fundinn góða kynn-
ingu fyrir Vestmannaeyjar og
þar spili ekki bara blaðmenn
stórt hlutverk, samfélagsmiðlar
skipti ekki síður máli. „Þegar
maður skoðar samfélagsmiðla
forsætisráðherranna sér maður
ótrúlega fallegar myndir af
Vestmannaeyjum. Trudeau er
með fjórar milljónir fylgjenda
á Instagramm. Ég heyrði líka
frá fólki í ferðaþjónustu að
fundurinn hefur jákvæð áhrif
þegar athyglin beinist að Vest-
mannaeyjum,“ sagði Íris og
nefndi m.a. hlýleg orð norska
forsætisráðherrans..“
Íris segir að með þessu hefðu
Eyjamenn sýnt að þeir eru
fullfærir að halda stóra og mik-
ilvæga fundi. „Þetta er stærra
en fólk gerir sér grein fyrir.
Hér voru fulltrúar níu þjóða
og kröfurnar miklar um að allt
væri rétt gert. „Það var ótrúlega
gaman að heyra hvað þau voru
hrifin af Ráðhúsinu okkar og
þeim endurbótum sem gerða
hafa verið.“
Allir Eyjamenn sem komu að
fundinum stóðu sig mjög vel,
starfsfólk bæjarins og aðrir að
mati Írisar. „Fólkið frá for-
sætisráðuneytinu sagði einstakt
að koma á stað þar sem öllu
var reddað með einu símtali.
Við sýndum að við erum fær í
flestan sjó.“
„Þegar það var kynnt að fundurinn
yrði í Vestmannaeyjum var því
ágætlega tekið. Það sem ráðherr-
um erlendis frá vex oft í augum er
að fara út fyrir höfuðborgina en
þau sættu sig við þetta og fannst
þetta svolítið íslenskt,“ sagði
Katrín Jakobsdóttir, forsætisráð-
herra og gestgjafi norræna for-
sætisráðherrafundarins í Eyjum.
„En ástæða þess að við erum hér
er það sem gerðist fyrir 50 árum
og hvernig Norðurlöndin sýndu
samfélaginu hér svo ríkulegan
stuðning og ég held að þeim
hafi fundist það góð hugmynd.
Einhverjir kannski efuðust aðeins
í Herjólfi í gær en allt hér hefur
verið til svo mikillar fyrirmyndar.
Vel tekið á móti okkur og þau eru
öll sýnist mér að kveðja Eyjarnar
afskaplega glöð.“
Þema fundarins, viðnám
samfélaga og seigla á vel við
Vestmannaeyjar að mati Katrínar.
Saga eldgossins 1973 sé öll skráð
og gott innlegg um viðbrögð við
þeim hörmungum og ógnum sem
nú steðja að. „Fólki finnst þessi
saga heillandi og vissulega var
þetta einstakur viðburður að því
leytinu að hér gýs, allir íbúar
yfirgefa eyjuna en um leið er tekin
ákvörðun um að halda áfram.
Gefast ekki upp og það er kannski
sú ákvörðun sem er svo merkileg í
ljósi sögunnar.
Fólki finnst þessi saga sýna
gríðarlegan viðnámsþrótt og
samheldni þegar áfallið dynur yfir.
Það var ekki bara íslenska þjóðin
sem tók höndum saman, heldur
Norðurlöndin öll og fleiri lönd.“
Katrín sagði margt í þessari sögu
sem megi draga lærdóm af fyrir
heiminn í dag. „Það er lærdómur
sem getur nýst í því þegar við
tökumst á við umhverfismálin og
fleiri áskoranir sem við stöndum
frammi fyrir. Reynsla Vestmanna-
eyja talar beint inn í okkar tíma og
er reynsla sem má miðla og læra
af,“ sagði Katrín forsætisráðherra
að endingu.
Katrín forsætisráðherra:
Allt til mikillar
fyrirmyndar
Reynsla Vestmannaeyja talar
beint inn í okkar tíma
Íris bæjarstjóri:
Fallegt og táknrænt
að funda í Eyjum
< Forsætisráðherrar Norðurlanda við Flakkarann
ásamt Írisi Róbertsdóttur bæjarstjóra og
Páli Magnússyni forseta bæjarstjórnar.
Samantekt – Sindri og Ómar