Fréttir - Eyjafréttir - 05.07.2023, Síða 45

5. júlí 2023 | | 45
HALLDÓRA KRISTÍN ÁGÚSTSDÓTTIR 861 1105 - viðskiptafræðingur og
löggiltur fasteigna- og skipasali dora@husfasteign.is
- Lág söluprósenta
- Allar eignir sýndar af fasteignasala
- Fagljósmyndun
- er með kaupendur af raðhúsi
eða eign á jarðhæð
- Legg mikið upp úr persónulegri
og vandaðri þjónustu,
þar sem kaupendur og
seljendur eru vel upplýstir
um stöðu mála, góð eftirfylgni,
hröð en vönduð vinnubrögð
Ert þú að hugsa
um að selja
eignina þína?
VANTAR ALLAR TEGUNDIR EIGNA Á SKRÁ
VEGNA MIKILLAR SÖLU UNDANFARIÐ
S T R A N D V E G I 4 3 A
Þegar við hjónin settumst að í
Eyjum og tókum við prestsþjón-
ustu voru átján ár liðin frá gosi.
Nú eru þau orðin fimmtíu. Þegar
maður er ungur er hugurinn eins
og svampur. Maður drekkur allt í
sig. Með árunum breytist margt og
tíminn líður hraðar. Árin í Eyjum
standa okkur alltaf ljóslifandi fyrir
hugskotssjónum þótt liðin séu tutt-
ugu og fimm ár frá því við fórum
og þangað sækjum við mikilvægar
minningar og reynslu.
Nú er heimurinn að breytast hratt
og segja má að verkefnin komi
fljúgandi í andlitið á mannkyni.
Það er ólga í lofti hvort heldur litið
er til mannlegra samskipta eða
vistkerfis, sem veldur því m.a. að
aldrei hafa fleiri verið á vergangi í
veröldinni.
Í þessum aðstæðum má segja að
Vestmannaeyjar séu mikilvægt
þekkingarsamfélag. Sagan um
flóttann býr í langtímaminni sam-
félagsins og blandast þar saman
við minninguna um Tyrkjaránið.
Fallbyssan á Skansinum þar sem
hraunið einmitt stöðvaðist fléttar
saman og minnir á hvort tveggja.
Þegar við bjuggum í Eyjum
geysaði stríðið á Balkanskaganum.
Hingað komu ung flóttahjón með
afkvæmi sín og settust að. Stöðu
okkar vegna fengum við nokkra
innsýn í viðhorfið sem mætti þessu
hrjáða fólki. Sem dæmi má nefna
að einn góður maður bauð þeim
að koma vikulega í kirkjuna til
þess að hringja heim í ættingja á
sinn kostnað til að vita um afdrif
ættingja og vina. Á þessum árum
kostuðu millilandasímtöl hönd og
fót. Þau vissu aldrei hver vel-
gjörðamaður þeirra var. Og þegar
ljóst var að þetta unga hæfileika-
fólk var hingað komið til þess að
bjarga sér fengu þau tækifæri til að
láta hendur standa fram úr ermum
og koma undir sig fótunum.
Eyjamenn vita hvað það er að
hafa orðið að yfirgefa allt og byrja
upp á nýtt. Firringin frá veruleik-
anum nær seint fótfestu hér því
auk þess að vera rótgróinn í sam-
vitundina er veruleiki lífsins uppi
í andlitinu á fólki, ef svo má segja.
Samfélag Eyjanna fer í gegnum
öldudali þegar illa árar og kann
að fagna árangri þegar vel gengur.
Hér leggja menn ágreining til hlið-
ar og standa saman í gegnum áföll
því það tíðkast að bera virðingu
fyrir lífsbaráttu fólks. Við hjónin
minnumst þess m.a. hve hraustlega
gat hvesst á sóknarnefndarfundum
í Landakirkju. Að fundi loknum
voru öll hins vegar vinir og slógu
á létta strengi. Öll höfðu sagt það
sem þau meintu og meint það
sem þau sögðu. Í stað ósættis
ríkti skynsamlegur ágreiningur og
samstaða. Það var hressandi og
lærdómsríkt.
Ef við horfum á Vestmannaeyjar
með mannlífi sínu og náttúru sem
smækkaða mynd af veröldinni
blasir við að hér er þekking til
staðar sem heimurinn þarf á að
halda. Það sem hrjáir lífið á þess-
um hnetti er vangeta til að greina
og virða samhengi. Þess vegna fara
átök víða úr böndum, vistkerfið
losnar á límingum sínum og fólk
missir skjól. Heimurinn þjáist af
útbreiddri og langvarandi vanvirðu.
Getan til að ná samstöðu í
ágreiningi, viðurkenningin á smæð
manna frammi fyrir náttúruöflun-
um og virðingin fyrir lífsbaráttu
venjulegs fólks eru allt þættir sem
samfélag Eyjanna hefur eignast og
þróað með sér í gegnum sameigin-
lega reynslu. Það er eitthvað.
Við hjónin hugsum hlýtt heim til
Eyja á þessum tímamótum.
Jóna Hrönn Bolladóttir og Bjarni Karlsson:
Þekkingarsamfélagið Vestmannaeyjar
Jóna Hrönn og Bjarni voru prestar í
Vestmannaeyjum árin 1991 til 1998.