Ársrit Torfhildar - 01.11.1990, Blaðsíða 49

Útlit bókarinnar vísar í þessa menningu. Hún er kilja og
klisjukenndur undirtitillinn "Örlagaþrungin saga um ástir og
ofbeldi" svo og úttekt á bakhlið fylgja lögmálum
markaðshyggjunnar. Það sem aftur á móti gefur vísbendingu um
að bókin sé á hærra plani en bækur Teresu Charles og félaga er
titillinn, en hann ber merki íróníu og ofhleðslu, svo og ímynd
höfundarins en Auður Haralds hefur hingað til ekki verið þekkt
fyrir rómantík og vellugang.
ANNA DEISÍ OG SKAPARIHENNAR
í bókinni segir tveimur sögum. Annars vegar er saga af
rithöfundi í Róm sem er að semja ástarreyfara og hins vegar er
saga Önnu Deisíar, saklausu sveitastúlkunnar í stórborginni. Það
vill svo skemmtilega til að sagan um Önnu Deisí er einmitt sagan
sem rithöfundurinn í hinni sögunni er að skrifa.
Sögurnar tvær eru skýrt aðgreindar. Saga rithöfundarins er
skáletruð en saga Önnu Deisíar prentuð með venjulegu letri.3
Sögurnar haldast í hendur. Saga rithöfundarins myndar formála
og eftirmála en innan bókarinnar hefst svo sérhver hinna 23 kafla
á sögunni um Önnu Deisí og endar á sögu rithöfundarins.
Lesandinn ræður því svo hvernig hann les bókina, sem eina heild
eða sem tvær aðskildar sögur.
ENN EIN ÖSKUBUSKAN
Sagan um Önnu Deisí er sögð í 3. persónu og er sett saman úr
kunnuglegum klisjum sem vísa inn á við í heim
afþreyingarmenningarinnar. Lögð er megináhersla á að
atburðarásin standist, allir hlutir gangi upp innan sögunnar.
Veruleikalíkingin sem sótt er til bókmenntanna gerir það að
verkum að þótt stundum sé vísað til nútímalífs þá á sagan sér stað
í hálfgerðu tíma-og staðleysi. Sögusviðin eru Róm og Jórdanía
og nöfn persónanna erlend. Framandleiki sögusviða vísar í
47