Upp í vindinn - 01.05.2016, Blaðsíða 34

Skvísó
Ein skemmtilegasta nýjungin
sem stjórn Naglanna innleiddi
þetta skólaár er Skvísó. Skvísó er
heimsókn til fyrirtækja eða stofnana
sem hafa ekki endilega þann kost
að bjóða vínveitingar en hafa samt
áhuga á því að kynna Nöglunum
starf sitt. Að sjálfsögðu vilja Naglar
fá sopann sinn á föstudögum og
því var ákveðið að bjóða upp á
fimmtudagsferð á skrifstofutíma
þar sem Naglar fá sér kaffi og
kleinur og hlusta á áhugaverðar
kynningar. Haustið 2015 heimsóttu
Naglarnir Reykjavíkurborg þar
sem meðal annars var kynnt
hjólreiðaáætlun aðalskipulagsins
og BREEAM vottun. Einnig
bauð Eímhverfisráðuneytið
Nöglunum í kynningu á starfsemi
sinni og þar lærðum við um
ofanflóðavarnaráætlun ráðuneytisins.
Vörumerkjastjóri Icelandair tók vel
á móti okkur á hótel Natura þar sem
rætt var um markaðsmál. Dagskráin
gerir einnig ráð fyrir heimsókn á
Siglingasvið Vegagerðarinnar í apríl.
Skiptinemar
Skiptinemar sem stunda nám við
verkfræði- og náttúruvísindasvið
Háskóla íslands eru margir og
þeim finnst mörgum óheyrilega
gaman að skemmta sér. Ef ég hefði
gert eitthvað öðruvísi þá væri það
að beita mér í auknum mæli fyrir
því að kynna skiptinemum þann
möguleika að skrá sig í Naglana, eða
það nemendafélag sem flestir þeirra
samnemendur eru skráðir í.
„ Þó tókst að lokka fimm
Svía og einn Finna í
nemendafélagið.
Afþeirra eigin sögn
var þetta eitt það
skemmtilegasta sem
þau upplifðu á Islandi. “
Þó tókst að lokka fimm Svía og
einn Finna í nemendafélagið. Að
þeirra eigin sögn var þetta eitt það
skemmtilegasta sem þau upplifðu
á Islandi. Því miður virðist sú
skoðun ríkja meðal margra að
skiptinemar vilji bara kynnast
öðrum skiptinemum. Reynslan af
Norðurlandabúunum sem gengu í
Naglana sýnir að það gildir alla vega
ekki um alla skiptinema.
Ég mun reyna að hjálpa nýrri stjórn
að finna og bjóða skiptinemum í
félagið. Þetta hefur ekki einungis
jákvæð áhrif á erlendu nemana
heldur skapar fjölbreytileika innan
nemendafélagsins og vinatengsl milli
landa sem geta komið sér mjög vel í
framtíðinni.
34